¹ Uvu vwe vwandiro uvwivangeli lya Yesu Kirisitu, umwana wa Mulungu. ² Inza she zyasimvilwe nu Yesaya umukuvwi, ''yenya, nkumutuma umulumendo wane pantanzi paminso ginyu, wuyo we aliyanania idala. ³ Izwi lya wumo likwitizya mulugwa, 'sengania idala ilya Mwene; gomba amadala gagoloshe.''' ⁴ U Yohani ahinza, ukozya mulugwa nukulumbilila ulozyo lya lupinduholwa kutetelwa imbivi. ⁵ Insi yonti iya Yudeya na vantu vonti ava Muyerusalemu vahafuma nukubala kwa wuyo. pe vahozelwa nawuyo mwijenje ilya Yodani lwe vakuyilata imbivi zyavo. ⁶ U Yohani azyaye ikoti ilya masepe agangamira nu lamba wikwera ukulivilira mumutenzi wakwe, pe ahalyanga umakanta nu vushi uvwa muntundu. ⁷ Ahaholela, ''wumo akwinza mwisinda mumwana we ali namaha ukundusya ine, nutukusa twa nsapato zyakwe ntahondeye ukwinama pansi nukusatula. ⁸ Kuvozya imwe naminzi loli we akwinza alivozyaga numupepo umufinjile,'' ⁹ Shihavombwa mumasiku gegala ge U Yesu ahinza ukufuma mu HGalileyi, pe ahozelwa nu Yohani mwijenje ilya Yolodani. ¹⁰ Lye u Yesu akufuma muminzi, pe ahenya imwanya zihazepuha zihiguha pe numupepo ahiha ukwinza pa wuyo ngati nkunda. Pe ¹¹ izwi lihinza ukufuma kumwanya, ''we Mwana wane umuganiwa nkuhovoha niwe.'' ¹² Pe umupepo wuhamutuma ukuvala mulugwa. ¹³ Pe amali mulugwa amasiku 40, lwe akulingwa nu satana. pe ali nivinyama vwa mwisole pe navahavizya vahamuvombelaga wuyo. ¹⁴ Ishi lwe u Yohani vamupinyire, u Yesu ahinza ku Galilayi pakulumbilila ivangeli ilya Mulungu. ¹⁵ Pe ahati, ''ahavalilo hafisile,pe nishinamwene shakumwanya shili papipi. pindushi nukusuvila ivangeli.'' ^{16 17 18} Lwe akujenda muluvazu mwasumbi wa mu-Galilayi pe ahenya u Simoni nu Andireya umukulu wa Simoni vakusumb ila ulwelo mwasumbi, pakuti vali vantu vakulema inswi. Pe u Yesu ahati kuvavo, ''nzaji, ndandata ine, pe nandi imbapele ukuva mwe vavuvi va vantu,'' Mwaluvilo vahazileha inyelo zyavo nukumulandata wuyo. ¹⁹ Lwe u Yesu akujendelela ukuvala pantanzi, pe ahamwenya u Yakovo umwana wa Zebedayi nu Yohani umukulu wakwe. ,vamile muvwato vakusopa inyero zyavo. ²⁰ Pe ahavitizya venevovahamuleha uyise poka navambombo ve av alanjiye. Pe vahamulandata wuyo. ²¹ Pe vahinza ku kapelinahamu pisiku lya Sabata, u Yesu ahavala kusinagogi pe ahasambilizya. ²² Pe vahasukumila insambilizyo zyakwe pakuti ahasambilizyaga ngati muntu wali namaha gonti tengati vasimbi. ²³ Inza she umuntu we ali musinagogi lyavo we ali nimpepo inkandamanu '' ahalila ahati, ²⁴ tuvombe shoni niwe Yesu wa mu-Nazaleti? winza ukutunangania iswe? nkumanyile, we mufinjile wa Mulungu!'' ²⁵ U Yesu ahapilila impepo inkandamanu ahati,muve mya pe mufume mumwakwe!'' ²⁶ Impepo inkandamanu zihamusumba pansi pe zihafuma mumwakwe lwe zikulila izwi ipiti ²⁷ Avantu vonti vahasukumila, pe vahavuzilizyania woka nu wamwasvo, ''shoni shinishi? ukusambilizya ukupya nuvulamulili! ahazilamulira nimphepoinkandamanu zyope zihamwivwira wuyo!'' ²⁸ Pe ipangwi lyakwe lihivwiha konti kushigavo sha ku-Galilayi. ²⁹ Lwe vakufuma mu sinagogi,vahinza kunyumba iya Simoni nu Andireya, poka u Yakovo nu Yohani. ³⁰ Pe unyinavwala wa Simoni agonile avinile inzegema, pe vahamuvuzya u Yesu izya kuyana nawo. ³¹ Pe ahinza amulema inyove, nu kumunyamusya; pe inzegema yihepa, pe ahanda ukuvateleshela avene. ³² Isha mazuva lwe izuva lyinjila, pe vahavaleta kwa wuyo vonti ve vavinile nukwizula nimpepo inkandamanu. ³³ Pe inkaya yonti yihavungana pamulyango. ³⁴ Ahavapozya avinji vevavinile imbina izya ku lehana lehana nu kupilila impepo inkandamanu, loli atahazyitishizya impepo ukuyanga pakuti zyamumanyile. ³⁵ Pe ahanyamuha inzanchi nkhani, lwe kushili kuli ishisi, pe ahepa nukuvala kuvuzilo uvwa weka nukwanda ukwiputa. ³⁶ U Simoni poka nave ali navo vahamulondolaga. ³⁷ vahamwaga pe vahati kuwuyo, ''ali wonti akukulondola Iwe.'' ³⁸ Pe ahati, ''zaga tuvale kuvunji, ukufuma munkaya zye zituliviliye, ukuti kope imbale indumbilile kuko. She ninziye uku.'' ³⁹ Pe ahavala mushigavo shonti isha Galilayi, ukulumbilila muma sinagogi nukupilira impepo inkandamanu. ⁴⁰ Pe uwa mambombo ahinza kuwuyo nukumulava! Ahasugamila pansi ahati ku wuyo, ''nanti ukasime, unganzelufya ine.'' ⁴¹ Pe ahatutiliziwa nu vwila, u Yesuahagolosya inyove yakwe nukumulema, ahayanga kuwuyo, ''nkasime, zelupaga.''' ⁴² Umwaluvilo, amambombo ga hepa pawuyo, pe ahazelupiwa. ⁴³ Pe u Yesu ahamusoha nkani ahati fumaga jendaga. ⁴⁴ Pe ahayanga kuwuyo ahati, ''uve nu vwanaloli ukuti utahayanje nashimo kuli wonti, loli valaga,uyilanjizye kumuputi, ufumie nishakufumia shakuzelupa kwaho she uMose ahavahomeshezya,ukuva sha lusimishizyo kuvavo.'' ⁴⁵ Loli ahajenda nukwanda ukusimishizya muvusatushe nukulisasya izyi nkhani, she ishi shihaleha u Yesu aleha ukwinjila munkaya pavuzelu loli ahihala kutwaya utwakuvutali. Pope avantu vahinzaga kuwuyo ukufuma mwonti,