¹ Mphiti Leza wavwanzile kuli ya kuku ukupitila muntchimi ukupitila mu ntchimi insita izinji na munzila izinji. ² Kwene mumanda ya umalilo yaa, walanda naswe ukupitila mumwana, wino wamusozile ukuya wampyani wa vinthu vyonsi. Ukupitila swinya muli weliwe Leza wawumvile insi yonsi. Weni ali wuswepe wa wuchindame wakwe Leza, nuwukolane ulingane namuno wayela. ³ Weni akalema ivinthu vyonsi ponga mwizwi namumaka. Lino watuswefya kumaluyembu, wikazile pa kwikasa lyakwe ndilo ilya wuchindame papela. ⁴ Weni wizile aya uwakulusya na yangeli muno izina lino apyanyile ilyapapela ukulusya izina lyawo. ⁵ Pano akumungelochi wino Leza watala avwangapo ati, ''We mwanane, ilelo naya ne tata wako''? Pamwi apamungelochi wino Leza atala avwavgapo ati, ''ndiya ne yisi, nupya aliya umwanane''? ⁶ Kwene nupya, lino Leza waleta katote munsi, watili, ''Ayangelo wonsi yakwe Leza yafwile yamupepa.'' ⁷ Ukuyana nayangelo watili, ''Wene a wenga wino wapanga imipasi ya yangelo yakwe, nayawomvi yakwe umoto wakulilima.'' ⁸ Kweni ku mwana watili, ''Ichilimba chako, Leza, icha muyayaya. ⁹ Wakunzile ayalungamane nukupata ayamasunde yayipe. Alino Leza, Leza wako, wakupaka wewe amafuta yansansa ukulusya ayawuzo wonsi.'' ¹⁰ ''Panthandiko, Mwene, mwapanzile ulufula lwansi. Iyulu nu mulimo wamakasa yinu. ¹¹ Vyeni vilononeka kweni wemo ulapitilila. Vyonsi vilasdila wa chigamba cha chizwalo. ¹² Mulivivunga ngati umwenda, nupya vilachinja wakachigamba ka chizwalo. Kweni wemo we wuli wumwi, nimyaka yako yisisila.'' ¹³ Kwene akumungelochi wino Leza watala avwanga nawe pansita yili yonsi, ''Yikala kwi kasa lyane lyakwe ndilio mpaka nize mphange ayalwani yako ukuya apakulyata amakulu yako''? ¹⁴ Wuzye nsimipasi yonsi iyawangelo yino yikapususya, nayino yatumwa ukuya sayililila yano yalipyana uwupususi?