( Kanggon Bekaku Bemenis ) ¹ bwe swarepen si saro sekunem fa bebwa-bebwa bero prentas rya sebar asuser, kuker sefafana rian bebye. ² Bekor yaye seiba byau mamun ba, bebe syowi. bebe berya nayo kuker kaku-kaku fa nonggaku bebwor. ³ Snar for riwara komamon kobarasuser ba kowarwer komasasor koso marisen aromomen bero kon nayapa. ⁴ Ape nari babye ma saswar Allah ya risya riso, ⁵ Koswaber bebye ryari. bye berya rime snar rian keta bebye serefi naya pa ba ape saswar byerya rekom fa ko babyo rur beseren rya, ⁶ Riri makon ro masyeren Yesus, ⁷ Re, rur rya rekon fa komenis kwar nari koswaber babye be manauba rya. ⁸ Wos nane ne kaku. re yor saro kuker kaku-kaku moko kyar fa mokobe ro bebye fa kawasa ya tar. ⁹ Ape mokome bur fadader-fadader beri kopu be kopu bebe sasar kuker Taurat rya, snar nau rono ba. ¹⁰ Nongaku yos fyatar mamunuos bwe swarepen mi rarak o bebe nuru wari kwefer au buri. ¹¹ Snar mokofir nonggaku berarya syamu sifo kukur sasar manggundi tor ro bemuni. ( Fafaru Bebar Farkakor ) ¹² For yawan artemasi kuker tikhikus i ta au rya waswarepen saro ruama ya Nikopolis snar yamuk ri kwarfa nari ikon rori for perim rya. ¹³ Bo kuker papok bero au rya kwin user Zenassi, bye mananir kuker Apolosi saro ro pesi babaran suberya ura kuker bebye ¹⁴ Nonggaku musi bero kon Fararur rine saro sefarkor farari nari Fararur munna bebye fa saro sufan si kanggon serya ras beras bo sebar bo bebye. ¹⁵ Nonggaku bebwor beroso ya sine sepir fa faru be au re rarya so fa nonggaku beswar nggon babye rya riseya kuker mo kantar.