Pasal 2
( Swaruser Berari Masyeren Yesus )
1
Re, ro rabar Masyeren ya re kon fa komayar kona saswar rur be fadur konfa ke yasyer.
2
Ke swaruser yosyer, saswar beminis tar rur rya refadur nafa nena babran yosyer.
3
Man bwe ronofa ubemarares au ro ape kuker sene be borur fwirbe nonggaku no besei sesadiw au.
4
Bur manggusi mokon sayor pa ro mo konari ape so fa nonggaku no besei.
5
Re saro swaruser beryarine risya rero mokon.
6
Rari Masyeren Yesus kuker kamari Allah yae be kin epen ri
7
Re rarya so byei fa iboro ro, kuker byei fa ryari women be menis.
8
Kuker nonggaku bero sop rine, isof imar bo syaf ai aprop ya.
9
Beryarme refataro Allah ya bye sonori fa rero bwo.
10
Saro ro sop rine isof ranek rya re kunem bab byeri.
11
Kuker ko kaperersna ne sadik Allah, ya be famanggor! byer ya ro nanggi.
12
Re, minesya mokon, rari ifirbe mokobar suser rofor yasya kuker mokon rya ape asonarimu iro so mokon ba yakyar saro moko fararur napok moko seref bebye rya kuker mokoma kakri.
13
Snar Allah ya isya pesimekeri re saro mokobe romna bebar marisen byer.
14
Mokobe beryana kuker masasor ro.
15
Saro mokobe sasar ro bo mokorari romau Allah befafana bebye rya ro pesi kawasa asonari besyur ma be kaparau sine saro mokoniar pesi seri kuker sop rine.
16
Mokokin wos beseren rya o napok, saro ras kopuya byerya rerama e yao yasweber ro yos fa ribye faya ba snar fararur erya ribarar bape ribaran rarsya pa.
17
Yamu irari kabesu sube farsaser ro fararur bebye rya bape yamarisen so mokontar
18
rerarya kuker mokon kontar swaruser yasyer moko marisen kuker ya.
( Paulus Iwan Timotiusi Kuker Epafroditusi )
19
Re sono Masyeren Yesus, yakyar nari fasaue yawan Timotius i fa au saro yamanaf romna bwenae yao yamarisen.
20
Snar yaboro nonggaku besei bebye berari ti fa besayor user kanggon bwerya.
21
Snar minsyamu sefufer pa romna sena, bo siporo Masyeren Yesus byena.
22
Re saro fwir Timotiusi eyararur siya nubaran wos bebye rya. rari nongaku romau fa kamari
23
Re yakyar nari yawani fasau boropon ifir romna nari bebe dyadi kuker yana,
24
Bo ya kyarfa Masyeren ya yao nari ira fasau fa au.
25
Ape yao Yaswaruserso yawan epafroditusi fa au. mm nufararur tar rirya ti nonggaku nari bebar fafaru ena fa au.
26
Snar iswar mokon tar ape seneri byeba snar mokomanet byisrya.
27
For riwara ipi duf isof bakane imar ape Allah ya fyafana saswar rya fati bo fati mawor ba bape ya so saro sene bebyeba rme rekamnggam ro.
30
28
Re nari yawani iber werfa mokon saro for riafa mokosayuri ryae moko mariesen bo robwori bebeyana na manau.
29
mokosim mokobar Epafroditusi ro Masyeren ya sono byerya kuker Marisen bo moko kunem nongggaku-nonggaku berari ti. snar bakane imar fararur kopu ya byerya byobi fa tufarwe ro nari meke ma yabana.