(Fafaru Fa Filemon) ¹ Syowi bero Paulusi, for ryo buy rya, fa kawasa biesya, snar Yesus Kristus, fiatar re, Timotiusi kuker Filemon kuker min biesya, bekyar sya se fararur kuker saswar. ² Reraria kuker Apfia, mim bietya Arkhipusi subaran fararur ryafa jemaat berama be fadur kukeri rum bieria. ³ Nimet, ma syowi fa au, bero Allah kama ketya kuker romau bietya Yesus Kristus. (Farsaser Bero Karkar Kuker Babye Filemon Bierya) ⁴ Yor fa, Allah kama ketya, snar yasuare penfa mokon nadi-nadi enya. ⁵ Snar yamanaf karkyar ma sasuar moko suaber Masyeren Yesus fa kawasa beseren sya. ⁶ Bo ibe nadi saro babye yasier karkyar buerya risiper kuker ryan bebye fakon kuker Kristus romau Allah iya. ⁷ Ya Marisen bo ifafekoi saswar buerya snar konmin kesya, kosenesna, nongaku beseren sya, simu nari sisuar bebye rya, ro ras beropur nawama. (Aror Paulus Fa Onesimus) ⁸ Rariya pai ina karkiar bebwa rori Kristus kuker syun kuker awawan , mokon sarro moko romdipai bebe fararu bape sasuar ribye wer wor riya faya Paulus fa bekuar kwar. ⁹ Ape rarya sawar ribewer worna ria. ¹⁰ Yor fa ua romau ete Onesimus ya swaber ras ro bui ia bepon tau rono fa yaba asoneri yama risen pai au maya. ¹¹ Bepen remon ba asonarimu ribye fa au ro ba min budeta. ¹² Yawan nau rati bon bebye ri beber fa au. ¹³ Bekaku riya saro kontar saro bye bias fiar fararur nakwanku ro bui snar injil. ¹⁴ Inari ro boropon kanggon kobe romuna fa saro ba bye riwa rerama mokon fa kuker mosor ba. Bape kuker Marisen ¹⁵ Ina wamesor ba Onesimus tisekinia saro wasuaber babie riwa be fioro- fioro. ¹⁶ Ape au mu kwonbe women ba kwar asonari mu kwon be noggakube saswar. ¹⁷ Remo ^{18 19} Manggundia Paulus, ifas kuker warana; Nari iwakna asi yasan user nyaki bwenya seref yabwa, isof kenem bweryaso. ²⁰ Re, min etya au, royos bwa ro ryo Tuhan, ya suabwer bwabye au fwaseren senewarri ryo Kristus. ²¹ Snar karkyar eryamu rirya mananaf bwerya ifas was pur rine fa au, snar ifir nari mokowefa ne sadiuw romna yorna. ²² Reyabwere fa au, nari fwasos sar os bweya snar ya kyar aror nadi mekenya, nari ifasosya wo yibwer fa mokon. (Fafaru We Fawar) ²³ Epafras min etya ro bui ro ryo Yesus Kristus, ya fanak fararu bwe au, ²⁴ Rerarya kuker Markus, Aristarkhus, Demas kuker Lukas, min-min bero fararur rine kukerya sya. ²⁵ Dame bero Masyeren ketya, irya Yesus Kristus, isya kuker rur isren rya kuker kon.