(Fafaru Bero Paulusi) ¹ Paulus Bye Rasuli, rya nongaku, yos iwani ba ape Snar Yesus Kristus romau Allah kama bieta, Snar inari tibeba weni burnongaku bemar sya. ² Snar min bekyar sya sisya kukeri mono Galatia ³ Nimet ma babye bemanau ba bero Allah kama ketia kukur romau bietia Yesus Kristus. ⁴ Fiatar sasar mun - na kobefa bemenisba naya ro for ba bieba bero azonari kuker Masyeren Allah kama ketia fa kon. ⁵ Snar ro tipa isof pako-pak yaye, kakupa (Injil Rya Re Yosier Pa) ⁶ Isof ikador kuker fasau bo moko farar bodi buri ape i byor mokon kuker nimet Kristus fa saro moko sebar fa Injil os beseiro, snar Injil os besei. ⁷ Rerarya, injil oswer beseiba, ape kawasa sya rabasi sekaberbar mokon fa Injil Kristus bebye ria. ⁸ Bape inari nongaku bebe barabur bero ranek inari ibere farari fa mokon Injil mundi bebye fa mokon, ape ibere was kakufati. ⁹ Rerari romna gobere fa mokon naya, bo asonari yaberena wer, nongaku bebere injil rya be kaber- ri bur romna moko suaber na bape ibere wasi. ¹⁰ Ape asonari yaso farari nongaku koya fa Allah ya, ape iseref romna bebe nongaku syafa Si Marisen, bape yamu women Kristus ba risya. (Kwadaf Warek Mangundi Fararur Byeria) ¹¹ Min esya mokon yabe yabere farari Injil rine nongaku yos ro bye ba rirya. ¹² Snar ya suaber-ri nongaku yos auba ma ifar kor ri osba bo yasuaber-ri Yesus Kristus. ¹³ Snar moko manaf rari bekwar eria ro agama Yahudi, rya ibefa nabyeba fa kawasa sya mokon. ¹⁴ Ape asonari mu yores, bo ibar agama Yahudi rya fa resadiuw kukur kawasa esya-bo rimenis kukur nongaku esya, ape yama risen ifadur buai bero kopu siwara. ¹⁵ Saro Allah , iya fyas par yaro rari for iro oini seneri rya firya ma torya, snar isya kukerya. ¹⁶ Fya fana ya fa romau rietya saro yabere fara ri-i-fa, kawasa bero Yahudi ba sya, ape fasau fa yor farkakor, fa nongaku, ba. ¹⁷ Bo yao irabe monu Yerusalem, ba. Fa yasuaber nongaku munsi bebe Rasul pon, ya sya. Ape ira pon ya fa irabe Arab, bo ikaber werma kota Damaskus. ¹⁸ Aisnamisna ri kyor bur irabe, monu Yerusalem, fa Yasuaber Kefasi bo, ikon soy rasri safur beberin rim. ¹⁹ Ape isayor Rasul os babo, Yakobusi min bietya romau Masyeren iya. ²⁰ Bo ibe karkyar fa mokon ro boropon Allah ya romna ifas fa mokon naya nenangar ba. ²¹ Sof manauw ryae irabe, Siria bo yiber wer ma irabe monu Kilikia. ²² Ape sefir ya ba-ro Jemaat-jemaat bero sono Kristus Yesus bero pir Yudea rya. ²³ Kawasa sya simanaf, i for nuyafa befyafer si ape asonari syobarfa bie karkyar fa kon kuker romna be kwokef naya." ²⁴ Bo kawasa iya syadik, Allah iya ma kyunem mi snar ro ya fati.