( WOS NDO YUDAS ) ¹ . Ndo yudas, snonggu pelayan faro Mansren Yesus faro min airya yakobus, faro suni bepi sun Manren Allah iswar sun, bye pelihara sun faro Mansren Yesus ² . Saswar Mansren airya ne jadi Berkat faro au ( Mansren Allah Bye Hukum Snonggu Bebe Sasare. ) ³ Min aya semkon, abe usa snar nolus faro au snar keselamatan akondia kuke ya, aberasa perlu nolus faro au in sanendia bwe berjuang kuker kaku-kaku pa. faro kakyar bebre varo au bye yoser be fyoro iso fyoro faro kawasa besren. ⁴ faro kawasa tertentu rsun bo sfirba, waktu dia afas ro keputusan siwa hukum kawasa-kawasa bekyarba se sasarfaro Mansren Allah I musnahkan si snar se napsu re wedare Mansren ibre dia yoser-yoser. imu Mansren Yesus Kristus I. ⁵ Abe yabre faro au snar aumu wir kwar Mansren bye slamatkan umat ai sia kuker imkir si ro sop Mesir, rimnis yari rimnau bye musnahkan bekyar ba sia. ⁶ malaikat-malaikat beyaf bemnaf faro batas papok asirya, wape sibubur papok asinia mbo syabek faro manggunsi do fnuber, bebe mariau kaku ndo ras bebwar dia. ⁷ Ndari sodom kuker gumora yari bendar bero rarirya, ri ne puas maro kenem asirya ba, sefa bemnis ba na bebedare se tanggung hukum for dia, ne deadi contoh farosi. ⁸ Ndarirya snonggu sine, siswarepen se fanander ba mafu aisinia, si sandik farwe manggun si siyaf kekuasaan, bo skor yaye bebye nia. ⁹ Mikhael pa, bye bebwa faro malaikat, wape myat musa airya, waktu dia os bye berani fyaya ba faroi, wape ibre pa wos nan Mansren imsor kon. ¹⁰ Wape, snonggu bebyeba sfir ba skor yaye romna sfir ba so bo snongu bebye ba bero sinia, simnis kuker binatang bebro akal ba. beria redare na sibye ba ndo kenem asirya. ¹¹ Snonggu berarsia, siwai ryan ba farari kain, siyomi kuker sasar ai nia, na sibyeba snar bye farari kora. ¹² Snonggu sine sibyeba ro perjamuan saswar auria, sando kuker au mu simkak ba, sfir maro manggunsi kraf asinia pa, simnis reb pr war bebro mekem besor yaye beriwar rine. snonggu sine simnis ay bebro bon, simar be nuru, mbo yespasi kuker firsnia. ¹³ Snonggu sine simnis raryo bero soren, nru kubs si ro manggunsi. snonggu sine simnis kuker mak sia, sifrar yaye mbo skon do fnuber dia syori. ¹⁴ Snonggu sine mu usapui Henokh, bebe vik ndo adam, fyaya, mkoman Mansren riama kuker kawasa syaran besren. ¹⁵ Imran kuker masasor faro kawasa bebwor mbo bye hukum snonggu fasik se ndo fararur bemnis ba kuker wos bemnis ba sinia, snar snonggu be sasar faro mansren Allah. ¹⁶ simu snonggu bebe sungut faro Mansren Allah su seref sasar faro manggunsi. ras kyam sisfasna nabwa, se maupa siswai keuntungan. ¹⁷ Yaswar ayase siamkon, mkoswarepen romna sfaya ro Rasul Mansren Yesus. ¹⁸ Sfaya maro au, ndo zaman akhir, ndo waktu dia snonggu be mnis ba sia, simran farari kenem bemnis ba sia, simran farari kenem bemnis ba ro rur ai sinia. ¹⁹ Snonggu sine si bebedar be faraspar mbo beso napsu swaruser be mnis ba dunia sfir rur dia ba. ²⁰ mbape srar yawar sia mkon, mkos do kenem amkon dia, ndo kayar bero mkon, bo mkobe nadi ro Rurbesren nia. ²¹ bye jaga kraf au nia ndo saswar Allah mboi ukwaf Rahmat Mansren akon dia, Mansren Yesus I bye kenem bebye maro kon isof ndo kekal. ²² Koswai bebye ro kawasa sne bemnisba bekyar kaku. ²³ Bwe selamatkan snonggu bero bondin bur for dia. faro kawasa be bondin fwasna saswar kuker ma kakak, mbo waya robefmar asinia snar simu snonggu beminis ba ro hawa nafsu diniawi. ²⁴ Faroi, ibe bye Kuasa Idyaka au ryo bondin ba isya kuker au waswai par os ba ndo besren bebye kuker snan bebwa. ²⁵ Ro yoser-yoser Mansren Allah, Juru selamat akon dia faro Mansren Yesus, kuker Kemuliaan, keagungan, kekuatan, isyofdo fyoro iso fyoro Amin.