(Tabea) ¹ Ndo penatua,faro oni kiukfasnaria ma faro romkun aisia,ma yaswar si ro babye,ma faro yayer ba,mbape so faro kawasa wefir wemnis de sia. ² Snar wemnis wekon do kon ma inari werowes kon isof vioro. ³ Mimed,ma sasuar,so damai sejahtera ndo Allah kma so ro Kristus Yesus,romkun Allah,riowes kon ndo babieria ma saswar. ⁴ Yamarisen kaku snar afirmu romkun auria ikenem do babiye ria,farari fararior mundi kofir kwar ndo kokmasdi. ⁵ Rasde aya yor faro au,snam i,ruparariyari afes surat os be surut prenta baru,mbape prenta mundi kofir kwar ndo randak dia insa koswar yaye kon. ⁶ Ma,rinemu saswar msa kokenem fariari pararior-pararior ainiya. Rine mu prenta diria,ndariari fararior mundi mkomnaf kwar do randak duara ins mkokenem do riori. ⁷ Snar kawasa kafir sia srama kwar do dunia de,simu siwe suir Yesus be Kristus ba ma werama ro wujud snonggu. si somu se kafir ma anti Kristus. ⁸ Mkowe diaka o nawiye ambarin ina mkoseref romna kosmawer kwar nia,mbape mkoswawerna kuker wesiper. ⁹ Sai aui wembran ndo waswawer na wekon do varkakor Kristus ba,ina waswawer Allah wa. mbape sei au i wekon do farkakor ina waswawer nawie kma ma romkun. ¹⁰ In sei i werama faro au dia ina wewar farkakor rine wa,hue trima aweri kion ndo rum auria wa ma wabre tabea faroi wa. ¹¹ Snar sei ipa ifrar faroi,inawiar fararur wemnisba wero snggu ia. ¹² Nabuor kaku na yawe avas vara au nia,mbape yama risen mba,yayaf afasna kertas ma tinta,mbape yakyar wamarisen ruama faro au ma vuaya wo muan andardi insa mararisen akun dia riswawer fararyor. ¹³ Rofnos au sia fiafir sia,sibre tabea faro au.