¹ Paulo, nu silivanasi nu Timoti ku chipanga cha Batesolanika mwa Chala U Tata sona nu Mwene Yesu Kilisitu. ichisa sona nu mutende viwe ku kwinu. ² Tukumupalizya akabalilo konsi U Chala ku mwe bonsi umwe po tukutambula umwe umwa kubukilila mu kwiputu. ³ Tukubakumbuka pa nthanzi pa Chala withu sona nu Tata pa mbombo ya lusubilo, pa mbombo ya lughano, sona pakufwasa nu kwikala mu kusubila mwa Mwene Yesu Kilisitu. ⁴ Ba wamwitu mughaniwe nu Chala, tumenye abasalite umwe, ⁵ chifukwa amazyu ghakiza ku kwinu mu masimbo ghene awe, loli sona namaka, mumuzimu ughuswepu, sona umwakusubalila. u mwakuyana bwaka, mumenye umutundu wa banalume motukabela mumwinu pa kulonda kwinu. ⁶ Po umwe mukaba bakutukonka uswe sona nu Mwene, bo umwe mwapokela amazyu umwakutamiwa uku kulu poka nu kuhoboka ukufuma ku muzimu. ⁷ Pa chifukwa ichi, mukaba mwe vya kulingilapo kubonsi mumasedonia sona Achaia bo bakasubila. ⁸ Pakuti pakufuma ku kwinu amazyu gha Mwene gha kamanyika, sona ku masedonia na ku Achaia kwene hagha, loli ulwitiko lwinu mwa Chala lwa buka konsi. Polelo uswe tutakulonda ukunenapo chimo pa ichi. ⁹ Pakuti abene pabene bakanena ivya kuyana nuswe umutundu wa lwitiko lo tukaba nalo mumwinu, sona namo mukapindukila kwa Chala ukufuma ku vifwani nukubombela U Chala umumi sona uwa bwanaloli, ¹⁰ sona pakuti mukulindila U Mwana wache ukufuma ku mwanya, yuyo akamuzusya ku bufwe - Yesu, weyo akutupoka ku bukali bobukwiza.