¹ Fifia égna ka gblɔgé milé tcho mia fofo Abraham, amé ké ho énoutéhokpɔkpɔ nou miké do lé égna kia mé la wounti? ² Né élé imé vavan bé wotcho kodjoé né Abraham to édɔwɔnawo mé la, kola n'dé lé yi si wounti woapo adégbé lé vɔla mougni lé Mawu gbɔ o. ³ Nou kayi Mawu gna gblɔ tcho énou kia wounti?"Abraham hɔ Mawu dji sé yi woboui djɔdjɔègnigni nè. ⁴ Azɔla né igni bé amédéwo wɔ édɔ la ékéma yiho éfèntou mougni aménouvénou o, vɔla woboui sigbé énou ké djé nè nènè. ⁵ Yi né améa mouwɔ dɔ dékpékpé o, ké wohɔ mawu, amé ké boua amé vɔndi djɔdjɔè la dji sé la ,kola yiho hɔsé lé Mawu mé wɔè amé djɔdjɔè. ⁶ Efia David ho nou tcho énoukia nou éké wodi dasé lé énou vɔn wɔla édé ké ho nou vɔnwo Mawu dé da la ho djidjɔkpɔkpɔ nou bé, ⁷ Wɔayra amékéwo ho nou vɔn wotchɔ kéwo kuɖé amékéwo ho djidada dji wotchɔ nou tchɔn. ⁸ Wɔayra wountchu ké ho énou vɔn apétɔ la mabouinè o. ⁹ Fifia la ,biabia lai igni, dé wotchɔa yayra kia né amé kéwo hɔa Kristo dji séna gaké woléna Yudatɔwo ho éséawo mé dé alɔmé alo dé wotchɔ yayra kia né amé kéwo moulé Yudatɔwo ho éséawo mé dé alɔmé o, ké wohɔa Kristo dji séna ya han? Egnɔn, Abraham hɔ yayra kéawo to yiho hɔsé mé.Dé wohɔè to hɔsé dédé ko méa? Alo,dé wohɔè to yiho Yudatɔwo ho éséawo dji wɔwɔ mé tchan? ¹⁰ Kén'gbɔ nado biabia koun noua la ,élé bé nado biabia kia nou tchoutchou gban.Gakaméyi Mawu tchɔ yayra kia né Abraham? Etchɔè nè kén'gbɔ étrɔn zou Yudatɔ.Ekia gɔméyi gni bé do n'kɔ néɔ ého Yudatɔwo ho kodjoétchotcho ho kɔnou la wɔwɔ. ¹¹ Mougni imégbé tcha kén'gbɔ o ; wotcho kodjoé nè ékémé Mawu do woungbé nè bé yéayraè lé yiho hɔsé ta .Kodjoé tchotcho la gni édjési ké Abraham hɔsé hoho, ké Mawu tcha hɔè hoho yi wovou imé lé inou bé égni amé djɔdjɔè lé yiho n'kumé kéngbɔ wotcho kodjoé nè.Aléyi Abraham trɔzu gbɔgbɔmé fofo né amé kéwo kpɔ dédé to hɔsé mé kéyi mougni to Yudatɔwo ho éséawo dji wɔwɔ mé o.Edégbéfan bé amé kéwo mouwɔna éséa kiawo dji o la kpɔna dédé to Mawu djihɔsé mé . ¹² Tchokpé dé ékia wounti la Abraham gni gbɔgbɔmé fofo né Yudatɔ kéwo wotcho égnamé nè. Wɔakpɔè ntɔ lé Abraham ho kpɔdéwoun mé bé mougni égnamé tchotcho yi nana bé wokpɔna hɔhɔ o, élabéna Mawu kpɔ woundjédjé lé Abraham woun to yiho hɔsé kéngbɔ wova tcho égnamé nè ¹³ Kola imé kɔ bé Mawu moudo nougbé bé yéatchɔ agnigba la kpata né Abraham kuɖé yiho djidjimé viwo lé yiho Mawu ho éséawo dji wɔwɔ ta o, vɔla léké wohoè sé bé Mawu awɔ ého woungbédodo dji la ta. ¹⁴ N'ti tayi né migbélé igblɔm kokoko bé Mawu ho yayra vana né amékéwo gni amédjɔdjɔèwo la, yila dé milé igblɔm béna gɔmésésé édékpékpé moulé Mawu ho woungbédodo né amékéwo hɔsé la mé o, yi hɔsé gni gbalogbalo. ¹⁵ Egna la ho gnatého layi gni ékéa: né midi bé miahɔ Mawu ho yayra kuɖé aménouvénou to yiho éséawo dji wɔwɔ mé la énoukéa djɔna koéyi gni midona domézozo nè élabéna mita nou wɔ éséawo dji o.Emɔ déka kédji koyi miaté woun ato yi miadogo ésédjidada mé koéyi gni ésé dékpékpé manɔ agni si dji miéda o! ¹⁶ Ekia ta wona Mawu ho yayrawo mi to hɔsé mé sigbé énounana éféhéhé mansè nou nènè.Kakadé idji lé bé miahɔ énounana kiawo né milé Yudatɔwo ho ékɔgnigniwo mé dé alɔmé alo milé wo mé dé alɔ o, né hɔsé lé mia si sigbé Abraham nènè ko Elabéna Abraham gni mia kpata ho fofo lé hɔsé ho égnawomé. ¹⁷ Enou kiayi enou nlɔnlɔ kɔkɔé la lé yi fiafiam éké wogblɔ bé Mawu wɔ Abraham dukɔ gédéwo ho fofo. Mawu ahɔ amésiamé tcho doukɔ dékpékpé mé, né améwo wɔaho Mawu dji sé sigbé Abraham nènè.Enougbédodo kia tcho Mawu n'tɔ gbɔ, améké néna bé amékukuwo tchina tchité yi wohoa nou tcho égna kéwo gbɔna djɔdjɔa la nou kudé kakadédji sigbé énouawo va imé hoho nènè. ¹⁸ Noukoum tayi ké Mawu gblɔ né Abraham bé yianè évi n'tchouvi, amé ké ho djidjiméviwo lasou gbɔ yi wɔatrɔ zu dukɔ gan yidé la, Abraham hɔ Mawu dji sé togbɔ bé woungbédodo koum tɔgbé matéwoun ava imé kéngbɔ o tchan. ¹⁹ Eké yiho hɔsé tri akɔta la, moutchi dji bé yéatchi akpa nè évi noutchuvi djidji o,lé ékémé éhɔ épé alafa ɖéka ésrɔa Sara tchan hɔ épé blasiéké yi étchi n'tɔ né évidjidji. ²⁰ Ké Abraham mouka di n'tɔ kroa o.Ehɔ Mawu sé élabéna yiho hɔsé gbélékédé idji yi ékafou Mawu dé ého yayra ta kéngbɔ énou ké ho woungbé wodo nè la va imé n'tɔ tchan. ²¹ Eka dé idji n'tɔ bé Mawu atéwoun awɔ n'dé kpékpé ho n'gbé wodo. ²² Lé Abraham ho hɔsé ta la ,Mawu thɔ yiho nou vɔnwo kpata ké. ²³ Egna wɔnoukounou kia bé wodé Abraham lé yiho hɔsé ta la , mougni vidé né Abraham dédé koyi o. ²⁴ Egni vidé né miawo tcha yi wogni kakadé idji né mi bé Mawu ahɔ miawo tcha to émɔ koumɔa ké ké dji woto hɔ Abraham né miawo tcha miahɔ Mawu, améké na Yésu tchi tchité tcho amé kukuwo domé la ho woungbédodowo dji sé. ²⁵ Ekou dé miaho énou vɔn wo ta yi wogbé tchi tchité bé yéalé avou lé miawo kudé Mawu domé yi wona Mawu ho aménouvévé la yɔ mi mé.