¹ Yinti ta, nɔvignéwo, lé Mawu ho nublanui kpɔkpɔ sougbɔ la ta, moulé wounsé dom mi bé miatchɔ miaho n'tilawo awɔ vɔsa léagbé ké lé kɔkɔé yi édjéa Mawu nou éké égni miaho subɔsubɔ gbɔgbɔmétɔ. ² Mingbé zɔ dé hihé kia mé ho énoudo agniwo nou o, vɔla mitrɔ to miaho étamésusuwo ho yéyéwɔwɔ mé kola miaté woun gna, akpɔ kakadédji lé énou ké Mawu ho lɔlɔnou gni la nou, yiho lɔlɔnu ké gnɔ yi wodjé hédé blibo. ³ Lé MAwu ho aménouvévé ho énunana ké wonam nou la, moulé igblɔm ne mia dométɔ dékpékpé bé: migbébu mia dékéwo amé ganwoé wou léké édjé o, vɔla mibu mia dékéwo dokuibɔbɔlawoè le hɔsé ho djidjénou ké Mawu né mi la nou. ⁴ Sigbé léké n'tinou gédéwo lé miaho n'tilanwo nou yi n'tinou kiawo kpata mouwɔa édɔ déka o nènè la ⁵ nènèma yi wolé Kristo tchan ho n'tilan wouin, yi n'tinu kiawo gni wo nɔnɔèwo tɔ, amé sia mé hiana nɔvia. ⁶ Mawu na amenouvévé nounana mia dométɔ dékpékpé bé woawɔ nou tɔhè édé gnɔuin. ya ta né Mawu na énounana wo bé nagblɔ gna gasiagamé ké naté wouin kudo ézi gédé lé ké wo hɔsé asén woun bé naté woun hɔ égna tcho Mawu gbɔ. ⁷ Né énunana woé gni bé nasubɔ amé buwo la, kola nasubɔ wo gnɔun. Né égni nufiɔla la, néfiɔ nou gnɔun. ⁸ Né igni mawugnagblɔla la, évɔ la élé bé nékpɔ igbɔ béna nousén lé yiho mawugna woun yi wokpéna dé améwo nou. Né Mawu na étchi wo la tchɔè gnɔ dɔmé yi nakpé de ame buwo nou. Né Mawu na djikpɔkpɔ ho énounana wo yi wona bé nakpɔ amé buwo ho dɔwo dji la, élé na wo bé nalé fɔn sé wo dɔdeasi kia nou vévédé. Elé né amé kéwo fa akɔ né kognifalawo bé woatchɔ Kristotɔwo ho djidjɔ awɔè. ⁹ Mingbénlɔ mia nɔèwo lé n'kumé ko o, ké bowoun milɔn wo tcho dji vavan mé ké. Milé fu nou vɔn. Midé nou gnɔun dji. ¹⁰ Mitchɔ dadaviwo ho lɔlɔn lɔ mia nɔèwo yi midé bubu mia nɔèwo woun wou miawo n'tɔ dokuiwo. ¹¹ Mingbéngbɔdjɔ lé vévédodo mé o, ké vɔla mihɔ djo lé gbɔgbɔ mé yi misubɔ Apétɔ la kudo dji blibo. ¹² Mikpɔ djidjɔ lé dodo kéwo kpata Mawu lé wɔwɔm dé mia woun la n'ti. Mido édji lé hahawo mé yi mianɔ égbédoda dji gasiagamé. ¹³ Né Mawu ho viwo gé dé hianhian mé la, midé wo tcho imé. Mikpé améwo va miaho ahoomé idji idji né wɔadu nou kudo mi; né djépé hian wo la, mina wo. ¹⁴ Né amé dé wɔ nou masɔmasɔ dé énouwo lé wo Kristotɔgnigni ta la, mougbé po éfi dé o; do gbé da dé ita yi nayrè. ¹⁵ Mikpɔ djidjɔ kudo amé kéwo lé djidjɔ kpɔm. Mifa kogni kudo amékéwo lé kogni fam. ¹⁶ Miwɔ dɔ kudo mia nɔnɔèwo djidjɔtɔè. Mingbéndo mia dékéwo dé édji o. Mingbédjé agbagba bé yéwɔadjé amégan wo nou o, vɔn la mido ha kudo amé gblɔèwo. ¹⁷ Migbédo vɔnvɔn tého o. Miwɔ nuwo bé né amé sia mé nété woun akpɔè bé migni gnatého tɔwo lé goawo kpata mé. ¹⁸ Mingbé wɔ édjré kudo amé dékpékpé o, vɔla minɔ agni kudo amé sia mé lé n'tifafa mé sigbé alé ké miaté wouin nènè. ¹⁹ Hɔnlɔgné lɔlɔntɔawo, mingbé bia éhlɔn né mia dékéwo o. Mingblèn éhlɔnbiabia dé Mawu ho alɔmé élabéna iya n'tɔé gblɔ bé yéabia hlɔn amé kéwo djé né éhlɔnbiabia. ²⁰ Lé éhlɔnbiabia tého la, né adɔ lé foutɔ wo wum la, na noudoudoui. Né étchikɔ lé éwoun la, nè étchi wɔanou. Kéma ana nou nakpén lé nou ké wowɔ dé nouwo la ta. ²¹ Moigbéna énou vɔn na wou djiwo o, ké vɔ la tchɔ énou gnɔun wɔwɔ du nu vɔn dji.