¹ Nɔvigné lɔlɔntɔwo, djidji gné kudo égbédododa gné igni bé Yudatɔwo nékpɔ dédé. ² Mougna lé ké wotchinaté dé Mawu ho bubu wounti vɔ womouwɔ énoukia to émɔ gnɔuntɔ dji o. ³ Elabéna womousé igɔmé bé Kristo ku bé yiadra yiwo kudo Mawu domé do o.Lé ékia gɔmésésé tého la, wolé avou hɔm bé yiadjé né Mawu ho aménouvévé la to Yudatɔwo ho éséawo kudo ékɔgnigniwo dji wɔwɔ mé; yi ékia mougni dédékpɔkpɔ ho mɔ o. ⁴ Womousé imé bé amé kéwo hɔ Kristo dji sé la, Kristo na énou sia nu ké wodina to yiho éséawo dji wɔwɔ mé la wo o.Ewou énou kiawo kpata woun. ⁵ Elabéna Mosé n'lɔ bé né amé dé gna amégnɔun lé émɔdékpékpé mé, adou tétékpɔwo dji lé yiho agbéménkékéwo kpata mé yi mawɔ énou vɔn kpɔ o la, iya kɔ kéngbɔ wɔavé inou wɔakpɔ hɔhɔ. ⁶ Yi dédékpɔkpɔ ké vana to hɔsé mé la, gblɔ bé, '' moulé bé nédji djipo bé yiakpɔ Yésu lé gamoua yi yiahé va agnigba dji bé wɔakpé dé yé woun o,'' yi, ⁷ Mouhian bé nayi amékukuwo domé bé yiana Kristo négbétchité o.'' ⁸ Elabéna dédékpɔkpɔ ké tcho Kristo djihɔsé mé, ké gni énou ké ho égbéfan midéna la, lé bɔbɔè bé wɔazu mia dometɔ dékpékpé. Lé gnatého mé la étchɔ dé mia gbɔ sigbé miaho édjiwo kudo énouwo nènè. ⁹ Elabéna né étchɔ wo n'tɔ wo énou hou imé né amé buwo bé Yésu Kristoé gni yiho Apétɔ yi néhɔè sé tcho éwo n'tɔ wo djimé bé Mawu fɔè dé tchité tcho amékukuwo domé la, akpɔ hɔhɔ. ¹⁰ Elabéna amé ho hɔsé tcho iho édjimé ké na amé kudo Mawu domé gnɔna, yi né éhou imé kudo énou wo améwo la, yinti édo ékpé dédékpɔkpɔ wo dji. ¹¹ Elabéna nlɔnlɔ kɔkɔé la gblɔ né mi bé, énou makpé amédékpékpé ké hɔ Kristo dji sé la kpɔ o. ¹² Yudatɔwo kudo étrɔnsubɔlawo kia sɔ lé égo kia mé; Apétɔ déka koumɔa gni lé wɔa kpata ké yi Apétɔ kia na iho késinɔnuwo amé sia mé ké bianè la fa. ¹³ Amédékpékpé ké yɔ Apétɔ la ho gnikɔ dji la akpɔ hɔhɔ. ¹⁴ Yi né womouhɔ idji sé o la, lémɔyi wɔaté woun biɔè bé wɔadé yiwo? Y lémɔyi wɔaté woun hɔ idji sé né womousé énou kpɔ o? Yi lémɔyi wɔawɔ asé nou tcho énou né amé dékpékpé mougblɔè né wo o? ¹⁵ Yi lémɔyi amé dé yi va gblɔ Kristo nougna né wo né amédé moudɔè o? Egna kiawo nlɔnlɔ kɔkɔé la lé gblɔ to égna kiawo mé béna,''Amé kéwo dé égbéfan n'tifafa ké nɔ Mawu kudo améwo domé ho égnagnɔun yi wogblɔa djidjɔ ho égnawo tcho énou gnɔunwo wounti la ho afɔwo gnana kpɔna lo!'' Ekia gɔmé gni woado wɔézɔ né amé kéwo vana gblɔ Mawu ho égnagnɔun la! ¹⁶ Vɔ mougni amé sia mé ké séna égnagnɔun layi hɔnè kudo djidjɔ o, élabéna égnagblɔdila Yésaya gblɔ bé,''Apétɔ, amé kayi hɔ édjigné sé éké mougblɔ né wo?'' ¹⁷ Yi hɔsé vané amé to égnagnɔun kia ké gni égnagnɔun tcho Kristo wounti la, sésé mé. ¹⁸ Yi Yudatɔwo ya ɖé? La wɔawosé Mawu ho égna? En, édo tcho dékpékpé ké wolé; wogblɔ égnbagnɔun la né hihiamé ho tého dékpékpé. ¹⁹ Wosé igɔmé bé Mawu atchɔ yiho dédékpɔkpɔ né amé buwo né wɔawo, Yudatɔwo, gbé béna yiwo mahɔè oa? En élabéna léké Mosé ho gamé tchan la, Mawu gblɔ bé yiagnɔ énouvavan kudo sidjédjé ho gbɔgbɔ lé wo mé to yiho hɔhɔtchɔtchɔ né étrɔnsubɔlawo, amé magnanouwo ho dukɔwo, mé. ²⁰ Emégbé la Yiséya dé égbéfan béna amé kéwo mounɔ Mawu djim n'tɔ tchan o la akpɔè. ²¹ Fifia la élé asimiamia Yudatɔwo dji, ké wɔawo lé édéklemi dédé dji yi wogbéa vava.