ArthurSales-xok_mrk_text

Vanhlál kalyg ki Tagtũ tõ légle tõ ũ pil (Capítúlo 08) 15

¹ Vajõkẽ ta vẽ m kũ, pa'i tõ gunh mõ mẽ klã óg lil ke mũ og mũ, konhgág txi og blé vatxóvazũm kũ mẽ ũ, vãnlánlan gé ke mũ tẽ og kũ vadjó ti ég nãli. Os vũ aglẽnẽ te ján kũ pa'i tó Pilatos mo ti jág mũ.

² Kũ pai'to Pilatos ti vũ aglẽnẽ ti mõ zeranjlẽ mũ a ha ma tó judeus og pa'i jã?

Kũ ta ti mõ: "a ha vũ vã".

³ Pa'i tó Gynh mõ mẽ klá og tolil gé ke mũ vẽ to og ti tõ mẽ kũ og jogtzal te zógyn te mũ aglẽnẽ ti tõ. ⁴ Pilatos ti vatika: tõ ma mẽ kẽ tu tẽ? vũ ló og tõ hen ku a kátõ vẽ jogden tẽ.

⁵ Jagló aglẽnẽ ti tõ vũ tu tẽ Pilatos ti mõ, ku ta vẽ kũ Vajetug tẽ mũ. ⁶ Ẽ Aglan jó tẽ ki Pilatos ti vũ ẽ joggẽ tẽn ku ta ũ txe ku jã jũn gé ke mũ ũ og tó jetxũl mũ te.

⁷ Vẽl ũ tó klõl ku txẽ ku modẽ te ki ũ jógden ta vẽ tó ũ me kálag ge ke mũ te óg, tõ ka konhgág to Barrabás vũ jã.

⁸ Ũ Kalág modẽ tẽ óg Pilatos ti tõ Kamũ, ku ti mõ, ti tõ ẽ jogze ti tẽm jé kẽ mũ. ⁹ Ku Pilatos ti tóg zẽ mũ: "Mẽ a mõ mũ judeus og pa'i ti tuvanh kũ ti jũn jé?

¹⁰ Ke ti jé ta vénh mũ kõnhgág og tó ti kulej vẽ ku ti jogze ki va hẽ jogdẽn tẽ.

¹¹ Ku gynh mõ mẽ ti pa'i to ti klã og tõ nodẽ te og ẽ ha og vũ ũ kalág tẽ og tó, ti tõ Vajẽnpõy ku og tõ Barrabas jũn ku, aglẽnẽ ha txẽ ló, ke og mũ mũ. ¹² Ku ta Vatxika ta: Hãli mũ judeus óg pa'i tóg ti token jé?

¹³ Ku og Vatxika kyl han mũ: "Ti kujũg ló!" ¹⁴ Pilatos ti vũ: De jogdẽg han ta mũ?. Mũ jagló og vũ ẽ vũ te gõ ku og vũ "ti Kujũg ló".

¹⁵ Ku ta og mõ vẽ óg ku Barrabas te jũn mũ. Ku vul ta juy to Aglẽnẽ ti og mõ ti txéj mũ óg tó ti Kujũg ti jé. ¹⁶ Pa'i tõ kul tánh légnõde ta txe ku ẽn bág lá ti bó g mũ ku vaha, kultánh lẽg ku nõde óg nãli og djé kymũ.

¹⁷ Kul ũ ti kle ta le mũ ku óg mũl tõ d'n lal bag ku, tóvazy ku vanhkukyn ti bag ku jug Aglẽnẽ ti klẽ ne mũ.

¹⁸ Ku óg vaha ti mõi aha ma ji tõ pa'i bág jã. ¹⁹ Ẽ ka lá janh vũg kũ ti kle mẽ lag mũ ku óg ti mẽ zugzu mũ, ẽ jog klẽ kóggy ku ti mõ nõdẽ mũ.

²⁰ Kol ku ti dyg mũ ti kul ũ ti tõ blynblyl mũ kũ óg ti kul a vãtikã ti kle kata lẽ mũ, kũ ẽ ba ló ti bo mũ mũ og tõ to ti kujun djé.

²¹ Mũ jagló kónhkag u vũ mẽ te mũ, le to plu, ta ti ka tẽ vã, ti jyjy vũ Simão de Cirene (Pai de Alexandre e Rufo) ti mo óg, ti momõ a nẽgo ji. ²² Pa'i in gỹnh og vũ aglẽnẽ ti bó mũ mũ, ag ba ũ ló ti bó mũ mũ gó ve vanh ló.

²³ Ku og ti mõ dén kó nã zag mẽ bẽ tõ kaklól já ló tá kaklag tũg ta mũ.

²⁴ Ku óg ti Jaján mũ ti kuluti lyg og mũ ti tó klõ ku óg vanh ka lỹg lỹg mũ, ẽ tó vanh mõ ti jé ku og van kũ og mẽ gég mũ. ²⁵ La lál ũg légl to ug pil ki og ku to ti thag mũ

²⁶ Ti kó to den ug ki canhlan mũ, "o Pa'i bág ũg ka bág og to jã ti".

²⁷ Ku og kó to ug légle to den piju kéke mũ og ug to ẽ pag jó zag mũ ku ta to tá zokag to zag mũ.

²⁸ Vanh lá lá bág ki ti lá ti tóg ge tẽ "kũ ta og óg jogze jog déj óg blé ve mũ" ku vanh ló txo mũ ("ug u og vanh lá lá ũ me mẽ og lag lá mũ vanh txy ka vanh lály ve te veg mũ zõm lég-le-klẽ tagtug leg to u pil kóynhgag to mẽ ka tag gẽ ke to lũ Luca 22-37 ka ti to lá lu ti vũ nẽ"). ²⁹ Ũ to mẽ mũ ti og nucle ũ to mẽ ka mũ ti óg ti lãg og mũ ti tõ vég ke mũ ti klẽ ti ki ti kag mẽ kũ.

³⁰ Og mõ mã a vanh jõ vẽn ku ka ta le ló kó ku jug ti. ³¹ Ku vel vãdjó blé ũ tõ vanhlanlan gé mũ óg ti dy gé ke mũ, tóg mã ló: "Ti ha vũ óg ti un jã mũ, jãgló ẽ ata vanhjun vanhjãn tũ ta.

³² Kata leló aglẽnẽ ti, ũ tõ vanhvẽn na tẽ. "Kũ ũ óg ti blé kó tõ kudjug mũ, óg vũ ti dyg óg mũ. ³³ La lálá tõ tagtũ tõ ũn pil ki djul, kũ ku tyg ti vũ gó ti mẽ mũ, tag tũ klẽ a nẽga zéj légle klẽ ũ légle.

³⁴ La lálá tõ tagtũ klẽ a nẽga zéj légle klẽ ũ légle, Aglẽnẽ ti ti vũ jõmãli ta kyl mũ: "Eloí, Eloí, Lamá Sabactani?", a lik ta tẽ, "Jug, Jug tõ Aglẽnẽ, a dejé ma ẽnh kakótug mũ?

³⁵ Ũ óg vũ tamẽ nõdẽ óg vanhvẽ ti mãg óg mũ, kũ óg tág ge mũ, kiamã: "Ta vũ Elias jéky ta mũ". ³⁶ Ũ vũ lálá mũ, dénkube tõ ta dénkupejó kle txunh mũ, kuta kó klẽ ta zig mũ, ti tõ kaklanjé ta ti mõ nẽmũ.

³⁷ Kũ ag glenẽ ji ti vu jó mãl kyl kũ ta jõgke mũ.

³⁸ Mũ jagló ti kul to ti ẽn katxó ti gynh amõ vanh kalyg ke kata le mũ. ³⁹ Kũ pa'i to ti vég jãn tẽ kũ ta tog ge kũ óg mõ vẽ mũ "jagló kónhgág tog ti aglẽnẽ ti jo va".

⁴⁰ Vanh vi mõ tá ũg ag mõ jã ka mũ Maria Madalena, Maria. Tiago nõ zi blé ag do mẽ já vã José blé.

⁴¹ Kũ ẽn kuty mẽ nõdẽ ti óg tá tog to óg, avũ dén ti óg mõ vin nõdẽ, Tá kabág ti blé jazyl mũ ẽn kuty ti ló. ⁴² Zagdjág la lály ti mẽ tug mũ jã, dén ti vanh u nõdẽ, ẽ to vanhtxõká jó ti ki.

⁴³ José ti blé konhgag ug mũ jã, ti kómãg gé ké oh mũ kónhgag u to ti mõ dén u kabén ge ke mũ og mũ, kũ ta konhka tá aglẽnẽ ti vẽ. Ku ta vanhka ju ku ta ug vanhkaju nẽ ti to tẽ mũ ti mõ ta kũ ta aglẽnẽ kuja ze ke mũ.

⁴⁴ Ug vanhkaju nẽ ti ve kũ ta lum ke ta mũ aglẽnẽ ti tó kajã ti ty mũ, ku ta pa'i denũ va aglẽnẽ ti ti tel ku nõ. ⁴⁵ Pilatos ti vu mãg mũ pa'i tel ku nõ tim ku ta José ti mõ ta to vanh mũ.

⁴⁶ José ti vu kul tó vanh zũ kõja jõ tẽm, kũ tã vũ aglẽnẽ ti tõ kóto txõti katalẽ kũ kul ki ti pãg mũ, kũ tá kózy ki ẽn tõ kagdjó ka ti zi mõ kó kũ ta kózy tõ ti lov ti pa klen mũ.

⁴⁷ Kũ Maria madalena zi mũ Maria to José mõzi blé ũn ki óg tó aglẽnẽ ti ti tá ti zi djó ti vẽg mũ.