¹ Ina kixoahiko Jesus: Koati ngixópitinoe, apetimo híyeuke noe îti ákotimo véka pevótike tukú koetimo simapúne ne natixea ituko'óviti. ² Ya seixopeke káxe ikéne, ítaikoane Jesus ne evo Pêturu, Teaku yoko xuâum, poéhanehiko ítaiko yane ouke mopôi. Yane kópoe'akinovahiko Jesus. ³ Enepone híyeu ípovo ínamaka hopúhi koati ínati uhúhi. ⁴ Yane Élias yoko Muîse simoahiko koane itúkino Jesus xêti. ⁵ Ina yumopâ prêturu ne Jesus: Ihikaxoti, koati únati ra vóvohexea yayeke; vitukoa mopo'âti kali péti yáyeke yóvoku, óvoku Muîse, yoko Éliya. ⁶ Koyo'ike koinehiko yane ákonehiko exa yûho. ⁷ Yane apí koene kapási ranopú'ikoatihiko. Apé koene eno'úti ukeati xókoyo ne kapási; ''Énone koati nje'exa yakámokenoamo''. ⁸ Komômohiko, ákone apêti xêrerekuke poéhane Jesus ovoheixoa ya. ⁹ Evesékapeanehiko mopoike, épemoahiko ákoyeamo okóyuho ne noixoane , itukeo koetimo exepúkopeati xapa ivokóvoti ne xe'exa itukó'oviti. ¹⁰ Yane itúkohikoa ne epemoako ákoye okóyuhoa ne noíxone, itea épemo'ikokohiko kixó'ekone ne ''exepúkopeati xapa ivokavoti''. ¹¹ Épemo'ikokonehiko: no koetí ye koyúhoinoa eno eskiriba itúkeovono éliya konoko seopea inúxotike. ¹² Yumópanehiko Jesus: koati kaná'uti itukeovono éliyas inuxo seopa motovâti kousokeova uhá koeti ra koekutihiko. ná'ikopo koeti yutóxinovo ya emo'uke enepone xe'exa itukó'oviti koítoponeovomo kotíveti koane púveokonono? ¹³ Itea noixópianoe: simó'ovi ne elíyas, kousokovomaka ne kixókonoku kuteati koekú ne yotoéti''. ¹⁴ Oukopovone híyeuke ne po'i ihikauhiko nóixoanehiko ne êno xâne ayakúkoati koanehiko ne evo eskiriba ixómotihiko epemó'ikoa. ¹⁵ Enepo noixópane xanéhiko, elókeponehiko okóvo koane okótunonexopea koanehiko yúhoikea. ¹⁶ Épemo? iko íhikauhiko: kuti itúkó noye emo'úti yi hoinoanoe ra xanéhiko?''. ¹⁷ Apé koene yumapâti híyeuke ne xanéhiko: '' ihikaxoti, hara ominombri njé'a, hanékoti váhere koekúti xokóyoke ákoti sika koyúhoyea. ¹⁸ Énomone Ítukoa honónopixea pâho, íkorokoa poké'eke koane ngarútutukexea ôe ,koanemaka xaká'iyea mûyo. embemoane ihikeuhiko motovâti kópuhikopea itea ákohiko íta. ¹⁹ Ina yumopâ: itínoe xanéhiko ákotine kutipone ,ná'ayemeamo hunákâ ovonzixoa híyeuke noe îti? nameamo hunóka indeopinoe? yaminana nekalivôno. ²⁰ Yane ominoanehiko ne hóyeno kalivôno. enepone vâhere koekûti oveati muyókuke nôxo Jesus, ítukopanemako honónopixea. Yane ikorokovone poké'eke ne hóyeno kulivôno koane kohókororokexeava xaneati inayea puváhixa ne pâho. ²¹ Ina epemo'ikea Jesus há'a: mekúne koye kóyeku ra xí'a? ina yumopâ há'a: ukeâtine kali vónoxoiko. ²² Ápe kûriukeyeovoku yûku, kuríno'ekeovoke úneke koane kahá'ayea kotóhinekexea koêkuye. motovaikopa mea kútivoa, yokóseanavi koane hivá'axavi: ²³ Ina kixoa Jesus:''motóva! é vo'oku uhá koeti kutipónuti motóva indúkinoa ne âha''. ²⁴ Yane ákone oríko enepone há'a nê kalivôno,vaukone hara kôe: ngutipopi hivá'axanu yara tiú'iko ominjone! ²⁵ Noixaône Jesus ne êno xane okotúmonexoati, yane kíxoane enepone váhere koekuti xoko kalivôno: iti itukoati ákoyea kâmo yoko ákoyea o koyuha ra kalivôno, ngixópi: ipihikapi koane hákone yaukápinavomaka. ²⁶ Yane vaúkone koane ínayea honónopixo ne kalivôno yane ipúhikopone ne váhere koekúti oveati muyókuke, kuti koene ivokóvone ,koane kó'iyemaka ne xanéhiko ivókovone nê'e''. ²⁷ Ina ramukópea Jesus vô'u ,koexépukopa yane xe'ó koépeno ne hóyeno kalivôno . ²⁸ Urúkovane jesus yane ovokúti haxákixoa ihikauhiko épemo'ikea: na koeti'iye akoino vita kópuhikopea ûti?''. ²⁹ Kuteâti koeku nê'e, poéhane orasaumke vítea kópuhikopea ûti''. ³⁰ Ukopeaneya, ngalíleyeake vekópohiko, ite aka akáha'a Jesus íxeoko ne óvoheixopokuhiko ³¹ Vo'oku hane ixoma ihikaxa ihikauhiko, koane kixea:'' enepora xe'exa itukó'oviti, kuriokokonotimo hóyenohiko koepékoatihikono'' itea ya ikénepoke mopo'ape káxe, exepúkopotimo. ³² Itea ákohiko éxina isóneu ne âha koyúhoyea koane píkoahiko épemo'íkeane kixínoakehiko. ³³ Yane pihóponehiko ya kafarnanu, seopone ya ovokuke épemoikoanehiko ne íhikau: ''kutiyane ne ixoma keyúhokexonoe yakene xenékuke?''. ³⁴ Itea ákohiko éxa yumópea, vo'oku hane ixama épemo'ikoka itukávotiye koati payásoti hiyeuke. ³⁵ Yane votá kone , eháxihikoane ne ndúse koeti ihikau, hara kixoa:'' enepone kahá'ati kapáyasokeovo énomonemo itukápova iri'ikeneti, ahinoitimo itúkapovo''. ³⁶ Veo kixone póhuti kalivôno, ipihoa kukukêtike, nanekea tâki, koene: ³⁷ ''Koêkuti namukoati kuteâti koêkû ra kalivôno, ya inzáke, undinakomo namúko enepo ava namukónuti, eneponê'ehainámaka póhutine ûndi namûko itea namûkomaka enepone pahukónuti''. ³⁸ Ina yumopâ xuâum: ''ápe noixone ûti kopúhikopoti ndémoniu ya ihéke, sayá'ikoa ûti vo'oku hainati hoko'oviti''. ³⁹ Yane kixoa Jesus: hákoikoponoe seya'ikoa. vo'oku ako ópoeha itúkoti únati koekúti ya inzáke ixómoti koemóke eponu ikéneke. ⁴⁰ Enepone ákoti akapá'avi, koati kutéatine ûti. ⁴¹ Enepone koekuti porixópitinoe úne motova yénoyivanoe koati kuteatine úti, koane ákomo évaka ne nàmui pomaxoko itukó'oviti. ⁴² Koêkuti itúkoti únati kuteati ngíxoaku ra kalivôno enepone kutipónuti, enepo pahukápu mani únatikopo ikonukú ixakána ya mopôi kalikéxopeti ínani kuriná ékakana úneke. ⁴³ Enepone vo'u itûka ikéxahevexivo , yusikó nenikopo tituki. Vatineye pohuxo'o kó'iyea yûrukopivo xoko itukó'oviti ya usókó'iyea pihépi yúkuke ákotinemo auké'e irúmene. ⁴⁴ Óvoku êno ixûti ákoti ivakápu, koane ákoti koepéka irúmene yúku, [enepora yutoéti ukeati xoka inúxoti yutoéti yo mekúke]. ⁴⁵ Koane ne hîvi enepo ituka ikéxahevexivo, Aitúkamaka, yusikonemo pohuxo'o kó'iyea unátipea kêku, ya pi'a kó'yea yenópotiya ipihá povokutike. ⁴⁶ Óvoku êno ixûti ákoti ivakápu, koane ákotine ipukápú yúkuya. ⁴⁷ Enepone yûke ituka ikéxohevexivo yusikeánemaka nenéki. Unatirumo yûrukopivo ya natixokuke itukó'oviti pohuxo'o koeti yûke ya usó ko'iyea pihépi ipihóponovokutike. ⁴⁸ Xoko òvohikoku ixûti ákotine ivakápu, koane ne yuku ákotine auké'e irúmene. ⁴⁹ Vo'oku konókotinoe hixépikomo ya kuteati ohone yúku. ⁵⁰ Koati ùnati ne yúki, itea enepo eváka uhéko, namo kixoatiye aukopeovomaka uhéko,? Hane yákoeneye kuteati akoti isayú'ixapu yúki, auhepemaka ne iséneu nokokomoe''.