लिउ 1
1
प्रेरित हुनुगु ला काताङ्गु ताङ् लेन लेमु लाकाकि कला राङ्सा ज्याकुप् पावल येशु खिष्टकि दास पावल,
2
खोकि दाक्पि लुङ्तेम्बा तिबि तुज्ये तङलाराङ क्षो चेङ्गि ला सिक्यसबु लेन लेमु ति तिराङ् हिङ् |
3
दि जुबु नेबा थेदुप् दाउदकि गिपा कि पुज्युङ् हिङ् |
4
स्येप् नेबा सेन्बु लानि खोला थु च्येङ्गि थुनेवा कन्ज्यक ङार नेबा पुज्युङ् हिङ् सिनि सिक्याबु खो अरे चोवो येशु ख्रिष्ट राङ् हिङ्|
5
खोकि मिनकि लला तेरि मिरिक तिबाला मोवा खाला ङेन्दुपकि कला अरेकि खोकि नेवा काट्रिङ् ताङ प्रेरित लाका ङेतुप् हिङ् |
6
दि मिरिक तिवि तेपा खिराङ् येशु ख्रिष्ट कि हिदुपला का ताङ्गुप हिङ्
7
दि लेङ् रोमला वतुप तेरिकला हिङ् कन्ज्यक ङिङ्ज्ये क्याबुप् मि चेङगि तिवाला का ताङ्गुप ह्ये |अरे कन्ज्यक ताङ चोवो ख्रिष्टकि काट्रिन ताङ् शान्ति खिराङ्ला होस्यित्|
8
तङ्ला ङा खिरे कला येशु ख्रिष्ट नेबा ङा कन्ज्यकला थुच्यिछे सिवि,
9
च्यिलासिसिङ् ख्यिरे मोवा तेरि जम्बुलिङ्ला सिक्याबु ह्ये | च्यिलासिसिङ् ख्यिरे मिन ङेकि चो लङिन किवि सिनि कन्जयक ङे साक्षि ह्ये | खोकि पुज्युङ् लेनलेमुला ङा ङे सेम् नेसुर तितानि खोकि सेवा क्यिवि|
10
कन्ज्यक सेम नेसुर ङा खिरे चाला हुङ् थुप्सित सिनि नाम्लाङ् ङा मोपार क्यु
11
ङा ख्यिराङ्ला ङेतप सेम किवि खाङ्सिसिङ् ख्यिराङ्ला राबु ज सिनि ङा खिराङ्ला खाङ् थु नेबा ङेदुप् बिङ् थुस्यित|
12
ख्यिराङ् च्यिगि च्यिगला मोवा नेवा दाक्पि पार्ला प्रोत्साहित हुङु आला सेम् क्यि|
13
ङे कि ख्यिरे चाला हुङ्गप सेम क्याबु ताम तिवा ख्यिराङ् राङ्सा हिङ् मिसिउ, तेमे ङा तारोङ्सा केङ् ज्यागु ह्ये| ङे कि लुबुप गैरयहुदि तिबि चाला दगेराङ् क्यानि ख्यिरे पार्ला साङ् डल्बा ङेतुप सेम क्याबु हिङ्
14
ङा यहुदि तिबा ताङ् बिदेशि तिबा,रिक्पा वतुप तिवा ताङ् रिक्पा मेतुप ङिकार ला छ्याबा ह्ये|
15
तुक्किसाला ङे नेसुर ङा ख्यिराङ् रोमला लेनलेमु सि थुप्सित|
16
ङा लेनलेमु ताङ् क्यानि ङ्छा मिक्यु च्यिलासिसिङ् ति मोवा किरुप तिवा तेर्कि कला दि कन्ज्यक काटिन कि ङार हिङ्,तङला यहुदि तिवि कला यिन तेवा ग्रिक तिवाला हिङ् |
17
च्यिलासिसिन दिलाराङ् कन्ज्यकि मोवा नेबा मोवाला थार्वा क्याबु ह्ये दिनक् टिबु नक् दिक्पा मेतुप तिवा मोवा नेवा राङ थार्कि ह्ये |
18
च्यिलासिसिन तेरि भक्तिहिन ताङ मितिबिकि दिक्पानेबा कन्ज्यक ङेर्मा देवा च्येन नेसुर लेपुप ह्ये तिकि भक्तिहिनता नेबा हुतुङ् तिला रोके क्यानि ह्ये|
19
दि कन्ज्यक नेबा अज्ञात हतुप कि किसाला ख्यिरेकि थोगुप्ककि किसाला|च्यिलासिसिन कन्ज्यकि ख्यिराङ्ला थोङचितु ह्ये|
20
च्यिलासिसिन जाबुलिङ्कि तङ् नेसुर राङ् खोकि मोथोङ्गुप तिवा थोङ्गुप गालु हिङ्| ति जोबु थोक तिनेबा बुजे क्याबु हिङ् | दि पक्ष तिबा ताङ् खोकि नाम्साङ ताम ज्योबु मेत्|
21
ति तिबिकि कन्ज्यकला ङु सेनि साङ् तिबिकि खोला कन्ज्यक रुपला सोवा माबिङ्| तेमे तिवा दाक्दाक्पि सेम्ला कक्पु ग्युर्नि तेमे तिबिकि टेङ्बामेतुप सेमति नागतिङ्गि जोसुङ्|
22
ख्यिरेकि रिक्पा वतुप दाबि क्यासुङ्,यिन्सिनाङ् तिवा कक्पुला राङ् ग्युर्सुङ्|
23
तिबिकि नाम्साङ नामोतुङु कन्ज्यक मोवा ला नातोङु मि ताङ् च्याजुङ्बा,काङ्बा लाक्पा स्यि हतुप तिवाला जेसुङ्|
24
तुक्सिसिला, कन्ज्यककि तिवाला मेचेङ्बा कला तेममे तिवि पर्ला राङ तिवि जुबु लेमु मेङसित सिनि तिवि सेम्ला स्याम्डेङ् किरुप ताङ् ज्याकसुङ्।
25
हुतुङला कन्ज्यकला मिदुला ज्येप ताङ् नाम्साङ् सोवा बुल गोबुप ला सोवा बुलुप ताङ्नि जोबुप तिवि लाका किरुप ति ख्यिराङ् राङ् हिङ्|
26
तुक्यिसाला कन्जयककि तिवाला ङछा लङ्दे अभिलासा तिबा ताङ्ताङ्सुङ् च्यिलासिसिङ् तिवि पुमा तिवि प्राकृति स्वभाव ला प्रकृति बिरुद ला अस्वभाविक लाका तानि ज्येसुङ् |
27
तुक्किसाला ,ख्यक्पेजा तिबि साङ् पुम्पेजा तिबि स्वभाविक लाका तिवाला ताङ्सुङ्,तेमे दाक्पु दाक्पु ताङ स्यमडेङ् कि छिक्सुङ्| ख्यक्पेजा तिवा ताङ् स्यामडेन लाका तिवा क्यासुङ् तेमे तिवि भ्रष्टता दगेराङ् दण्ड ङेतुप ख्यक्पेजा तिवा राङ हिङ्|
28
तिवि सजगता ला साङ् तिविकि कन्ज्यक हतुपला सहमत माक्याबा खोकि तिबाला तिवि अनुचित ताम किरुपला भ्रष्ट सेम्लाराङ् ताङ् ताङ्सुङ्|
29
तिबा अधार्मिक्ता ,पे,हाम्बा,तेमे देश कि केङ्नि नक| तिबा आरिस,सेतुप,खादा,कोल ज्यितुप ताङ् सेम मेलेबा नक|
30
ख्यिराङ मि ताम किरुप,निन्दा किरुप तेमे कन्ज्यकला क्युक्ट किरुप तिबा हिङ्| तिबा ज्यिबा लाङ्दे ङाराङ् हिङ् सिरुप ताङ् अहङ्कारि नक्| तिवा दुष्ट थोक तिबि अविष्कार तिबा हिङ् तेमे दाक्पि पापा मामि खाला मेङेन्बुप हिङ्|
31
तिबिति सेम मेत, तिबा खाला मेङेन्दुप,ह्ये| स्वभाविक ङिङ्ज्ये मेतु,तेमे कृपारहित ह्ये|
32
तुक्किरुप तिबा स्येप दगेराङ् हिङ् सिरुप ति कन्ज्यक कि ठिम ख्यिराङ्ला छ्या ह्ये| तेमे तिबा दि थोक तिक्या किरुप हिङ्,”तिवा तुक्किरुप तिवा ताङ क्यानि टोकिरुप नक्|