¹ तव सिंहासनमे बिराजमान होनबारेके दहिना हातघेन सात मोहर लगाएके बन्द करो भवके अग्गु और पिच्छु लिखो भव एक चर्मपत्रको मुठा मय देखो। ² “जा मुठा खोल्न और जाको मोहर तोणनको योग्य कौन हए ?” कहिके एक जनी शक्तिशाली स्वर्गदूत बडो सोरमे घोषणा करत मय देखो। ³ स्वर्गमे औ जा पृथ्बीमे और जा पृथ्बी तरे भय कोइ भी जा चर्मपत्रको मुठा खोलन औ जाके पढन न सिकीं। ⁴ मय दुःखित हुएके रोओ, काहेकि जा चर्मपत्रको मुठाके खोलन और पढन योग्यको कोइ न मिलो। ⁵ पर बे एल्डर मैसे एक जनी मोसे कहि, “मत रोबय ! देखओ ! यहूदाको कुलको बग्ठा, दऊदाको मूल विजय पाइ हय। जा मुठा और जा सात मोहर खोलन बा योग्यको हय।" ⁶ मय सिंहासन और चार जिन्दा प्राणी और एल्डरनके बीचमे मरो भव जैसो दिखानबारो एक थुमाके ठाडो भव देखो। बाके सात सिङ और सात आँखी रहएँ, बे सबय संसार भर पठाए भए परमेश्‍वरके सात आत्मा हएँ। ⁷ बा गओ, और सिंहासनमे विराजमान होनबारेके दाहिना हातसे बा मुठाके लै। ⁸ जब बा जा मुठाके लै, तव बे चारौ जिन्दा प्राणी और चौबीस एल्डर थुमाके अग्गु घुप्टा पणे। बिनके हरेकसंग वीणा और धुपसे भरो सोनोके धुपौरा रहएँ, जौन विश्‍वासिनको प्रार्थना हएँ। ⁹ बे एक नयाँ गीत गाइँ: "तुम जा खालको पत्रको मुठा लेन और बा मोहर तोणन योग्य हौ काहेकि तुम मारेगए, और तुमर रगतसे हरेक जाति, भाषा, आदमी और राष्‍ट्रनके तुम परमेश्‍वरके ताहीं खरीदे हौ। ¹⁰ परमेश्‍वरको सेवा करन तुम बिनके राज्य और पुजारी बनाए हओ, और बे पृथ्वीमे राज करङ्‍गे।” ¹¹ तव मए देखो, और सिंहासन, जिन्दा प्राणी और एल्डरनके आसपास गजम स्वर्गदुतको आवाजके सुनो। बिनको पुरा संख्या दशौं हजार और हजारौं हजार रहए। ¹² बे वडो आवाजमे अइसे कहीं, शक्ति, धन, बुध्दि, बल, आदर, महिमा,और प्रशँसा पानके योग्य मरो भव थुमा हए।” ¹³ स्वर्गमे, पृथ्‍वीमे, पृथ्‍वी तरे और समुन्दर तरे सृष्‍टि करे भए हरेक चीजनके अइसे कहत मए सुनो, " बा जो सिंहासनमे विराजमान होनबारो और थुमाके प्रशंसा, आदर, महिमा, और राज करन शक्ति सदामान होबए।” ¹⁴ तव बे चारौ जिन्दा प्राणी कहिँ, “आमेन।” और एल्डर घुप्‍टा पणके सदामान रहनबारेके आराधना करीं।