¹ Oyat wri jin nat cajrijuya-ot amorreo cou-ot oyat pri wrijin nat cajrijuyag-ot nat Cananeo cou-otv irig-otdi Mar Mediterraneo coo jatjuibatdi bi-ɤ̃-i at jatyrn-ɤ̃li naa Rio Jordán, ondiyau cabata yabat.ta nat Israel cou-ot caumdi jarca oyat pri casansriprtog-sutdir casrn nat Israel cou-orat iɤ̃g. ² Oyat biɤ̃-i mug-li Josué at: Katmaumin-ɤ̃g wiyuot jacun-ot oyat catmau-rg wrijin nat mut Israel cou-ot. ³ Osrmda Josueat wiyuot min-ɤ̃g Jacun-ot oyat catjaug-li wrijin nat mut. ⁴ Osrmdi Josué at caug wrijin mut irig-otdi Egipto tee, car-ri yeuja cayrg crg-yen Egipto teat nat ⁵ mut caɤ̃-ri yeuja cacacug-õsicundi iyeg-ot Egipto teat Brirutdi itri, tuiwai itutpon yeuja ikaug-rii. ⁶ Cuarenta wig jatog kabog yeuye nat Israel cou-ot wrijiín nat muy iprtog-ot iyrg-prn-ot Egipto teat caúiri wrijin jayerug casanjuisrn di biɤ̃-iyat otmug prncalat ɤ̃jet di jamu biɤ̃-i catjasanta-ɤ̃di niti jet calon-olat itnan nugprndi calat on jamin-na jr-rug jimig-pog oyem pri am pog-ot. ⁷ Oyat di nat catri-ot otdi caprnsija ijaú-ot naa biɤ̃-i yat nat catriot Josué at iugprn-ot cacasan-utsrndi ot tuijurut drg-uu. ⁸ Canug-quet yemdi wrijin icaúgprn-ot, caripag-ri wri jun caririprntee ataon jat jeiyari. ⁹ Oyat biɤ̃-i mug Josuat "Siruu wry jaug yasrt ebupaicketyu irig-ri Egipto tee oyat irig-ri pri yajaa yam." Osrmda jatamdig jere Gilgal dumat. ¹⁰ Osrmda calig Israel cou-ot Gilgal tee Jainotsicajei naa catorce wryu jobot kum naa pascua caligsicondi yeuu Jericótee. ¹¹ Oyem pascua wryu prn-nat orou wryurui kakawug-ri muwug niti japinot, paa-ot oyat pri pun cambig-ot. ¹² Olourawi jabe maná, oyem jawug-ketyem wrijin naa muwug bri siirutdi naamanci nat Israel cou-olat rat ourou wig jawug-ri naa Canaán nitiat iminprn. ¹³ Oyat di Josué nacat-uri Jericó srt, oyat srnaja ijarug oyat jadug itim bon isog-ri jaubalta;jamaita jawai jarab-uu oyat Josué at janaog jamug jan: "Marii bijet o bibarot jetteca?" ¹⁴ Jayerug jawaog: Brt jet san dit, omda cajri juya nat bir-i suda waat osrmda ayug osrmda Josué jasog jautjiyag-ot jet jaubalta jamug jan: ¿Jarii minrg masi cui an? maepinda-am. ¹⁵ Oyat jamug kari nat, bir-i sudawaat Josué at: masim yagot mau ug masimsrt oojera imatak ijeira oo, orejii Josué jamin-og-rig osrm.