¹ Oyat Jonás-at jaɤ̃isandutdi, Ooshrndi janrn eberig-jet. ² Ooshrdi Biɤ̃i-jet jayat naa Jonás. jamog:"Aɤ̃i"¿Oosanditdi ot amoli, alig batdi aniti jaá.? Ooshrnda jaminɤ̃ oje, jajeucg acutdig tarsis-ja, japisi awag man ajri Dios ijei, isan nrmi. ³ Domatji aɤ̃i, jajeu jamaógli ajuyu, jajeu amat a rricat ajugshrtcri. ⁴ Biɤ̃i mog. ¿ jajeiyi maliglig inonjet?. ⁵ Oowi Jonás yrglig moyanteat, jateg moyanteja, onda bri jaminɤ̃ motri, Oo non-uu jatee, jrn ijíu jatdutjee brɤ̃jalig-n jasilig naa moyán. ⁶ Biɤ̃i-at jamin-ɤ̃li itrn pun Jonas-jaa, nom-u jajayag-lica, jawóg-jee jajishrmyu. ijei Jabrgli Jona-at jashrm nag pun. ⁷ Oyat Biɤ̃at briwawatdi itrm digwr, oo brlrmdi-cat yawaná. Ooli jawúm naa pun, oowi jajrulig. ⁸ Oyen jaligli yamat yrgbat oo brlendicat. Biɤ̃-at jamin-ɤ̃gli itrm jín icai iyuglig: yamat yrcat. oyemjri yamalat jaca-tigaɤ̃, jajuya naa Jonás; oowi jaɤ̃i manunlig. Oyem-jri oowi jonás jarri-sugli. Ojera jamó jajeirawi arriyat-u mu-jushrt. ⁹ Biɤ̃imog Jona-at: Jajeirawi manrmdig jashrm naa pum Joaat jayerog wau-ɤ̃: jajeiwi manrm-u, on ma-ɤ̃ɤ̃ya. ¹⁰ Biɤ̃i-mog, jaubit malagli naa pun,Ooshrmdi imasham be-bi, jamasanpri min-ɤ̃ɤ̃. Jamindi itrm Saijet, Oyemjri ja-ɤ̃ɤ̃ri itm saitee. ¹¹ Ooshrt anjri ¿ jaabit asandut jrɤ̃ Ninive, moyán iyig-peg, on calig-u ciento veinte mil. epin-ot, japisisamwa-jit moviré oo pri molat mosa-at win, capribag nat va-caot?.