¹ Oyat Jonás yat Biɤ̃ijet yri nandeat, jalibot. ² Jamog jarrm Afi aji shrnyutee, oyat ayerog jajui. ³ Janandeat naa yri aág jijojet anot majuiri oyat amanandi rrt mat imonteja, rrt pryuat aiweiri, cawugli jaiot ajuseye ajaápri oyen. ⁴ Oyat amog: juca alig mabiot-shr; oje aligsicon isitetdugyashiriwi matemplo teja. ⁵ Rrlat ajuipugli wrijín naa, jamoyuat ajuipugli wrijín ajuyagli-pri. ⁶ Awondi jrn monoja pulot-teja, wrijín tanjet ajui-mapugli oiricawiat. Jaondi ajuyu mono-at man Aɤ̃i ajri Dios. ⁷ Naa ajuyu jabegbatdi ashrɤ̃, an ja-áli Biɤ̃i wrijín aji-teat, oyat oración minogli malica, wríjín ma templo-teeaja. ⁸ Nat caínirujut cajri diot mirriprn-otjn, jatnan cashr naa ijei. cashr. ⁹ Oyat anjri, aji asiriɤ̃ya majaá, monot ijeijet, jasimin-ɤ̃ ya wrijín jrɤ̃ ijeuli jaminɤ̃lig. Naa moijeiconyu jayug Biɤ̃ishrt. ¹⁰ Oyat Biɤ̃iyat yrijet, jatpag-jee Jonás niti ijru-jaá.