¹ Jayug jeyerug Bi-ɤ̃i Jonás-lica, amitai-wa jamo: ² Mahicumig maunog Niniveja, moyán iyigteja, imaujuiɤ̃ya jaubata naa moyán iyigpeg, jaiyigla jaeg-yumindig aubata. ³ Olawi jajuimigli Jonás jacutjee, jamoyushrr naa Biɤ̃i jan, jacutjri moyán Tarsis-teja. jawon jopeteja, onda bri itrnjá inog tarsija, Oosrtda pasaje-mijabr janog-jee Tarsisja, iyaujet jabigsayushr naa Biɤ̃í. ⁴ Ooshrnda Biɤ̃ya Jacuí ipeg-jín, marjaa, jatmin-ɤ̃ ipeg jín. Cawairúyujet dut jaiot, Ooliwiat jayaunog-jee jɤ̃ɤ̃ já-iyig. ⁵ Wrg caligli jrɤ̃ marinero-ot ibag-jet, cajatojani cajri dios caag. Catjajeiconjee, oyat jatnandi cawó ɤ̃tteja jawryrg-jeri cajá. oyat Jonás jri, jrn jateja monoja jaconetet oupag. ⁶ Ooshrnda Capitan nog jalica, jamog-jan: ¿brɤ̃ imaɤ̃ maoupai? ¡imajuicumig! jamaurn majri dios , majri dio-at biyetanwag-u bisan-rrijee. ⁷ Oyat camoyeg cajatojani: yauyug jabimin-ɤ̃jee momawaiyu, japisibiwag-jee bririgshrn jalig-u jayu naa iet birica. Ooshrnda jatmin-ɤ̃ naa momawai-yu, oyat camawaiyu jalrɤ̃gli Jonás-jaá ⁸ Oyat camogli Joná-at brɤ̃jan naa iet Ooshrn do-mani jalig bija naa iet ¿brilig-jan naa ma-bed? ¿briyat-jan mayu? ¿brɤ̃nijan maniti, brɤ̃-ni moyanteat mayu?. ⁹ Oyat Jonás mog, anjri Hebreo; jañi alug biɤ̃i naa biɤ̃-i shrno-atwin, naa jamin-rr rrí niti. ¹⁰ Ooshrndi caomdi nat mot, camogli Jona-at, ¿brilig-jan imamin-ɤ̃g?. Nat mot japisicawagli ja-cutdig Biɤ̃i-shrt, Jonaat capin-ɤ̃li. ¹¹ Oyen Jonaat camogli,¿Brɤ̃ mabisiɤ̃ ɤ̃ri jajlig-jee naa ɤ̃ɤ̃t bishrt?, oyat naa rɤ̃t jajipatjeijó ebelig-jet. ¹² Oyat Jonás mog, yajuicumig, ayaunan rɤ̃t-teja (mat-teja ). Oyat jasiquetya naa rɤ̃t mat yashrt, ja-pisi awagla ashrn jaligli jayu yalica naa iet, naa jin jijog yalica. ¹³ Ooshrnda cajab eberig-jer nat jatee ibebet cauprtjee niti jaá, ooshrt yau jatcrtɤ̃liprn oshrn naa rɤ̃t jajijor cajaa patjri. ¹⁴ Oyat camog biɤ̃.yat, bitmacupririɤ̃t birlig biɤ̃i jamacrtɤ̃ jamaminɤ̃lig brilig jalig-u imájeu jamaminɤ̃lig. ¹⁵ ooshrndi jatwrrlagyrg Jonás, jatnanjee rrt mat teja, oyat rrt mat owi yri jaliglig. ¹⁶ Oyat nat mot condi biɤ̃i-shrt, oyat jaímin-ɤ̃li sacrificio Biɤ̃yat, jatpri min-ɤ̃li voto. ¹⁷ Oyat Biɤ̃yat jaliɤ̃li itrn yri iyig-peg, jatnandug-jee naa Jonás, Jonás jaligli pri wryu, japripri shai.