¹ Jayaulúg, oolou wryu-batdi oyat obatdiwi, obat Ammat caúprt-řgbat ijunogpřn-ot iyauiet cayanshrt Juda-atwin-ot oyat Jerusalen-nat poi. ² Am cajuashiwonrgyá Josafat niti ligye. Am ashimogya ijei iep shrm při itmin-řgli, otshrm nat atři-ot oyat poi a niti Israel, otnat inopayéprn-otdi cajewalee nat epin-ot, oyat oshrm catecajoushrmdi a niti. ³ Otdi ja-tújut ebuijáuyuot a epin-ot shrm, jatbřgli itřm třiwai itřm denat iebmin-rrmat jatalejet, oyat jatbřgli miligjet itřm třm třiwaira itřm mowog iwairig cawogjee. ⁴ Dumat,¿Briríg shrm yanřm ajet, tiro, sidón oyat wrijin irig-ot Filistea tee? ¿yapřtyayřmshui ashrt? yapřtyacugyřmshicomya ashrt, obatbryawi amat jaúshiprt-řbr yapřtdiyu yalei juyag-jáa. ⁵ Ooshrm yamda jaóbrt a palatá oyat oro poi, oyat catyařg miriyg-ot ibag-jet cateja yajuiberipřn-ot. ⁶ Yamada cavendeřtdi epin-ot Juda-at win-ot oyat poi Jerusalen-natwin-ot griego-olat jatert-řgjee canóglig iyaujet canitishrt. ⁷ Jayaulug, oolawiat yawrwuglig yalipřnshřt jɍm catyavendeřprn-uli oyat jaúashiprt-řbrgya yan jamíi yalei-ot juyag-ot jaá. ⁸ Cat-ashivendeřaya yatřiot oyat při yalowot, jaláp-uu nat epin-ot Judá-atwin-ot. Otda cashivendeřtyashii sabeos -olat, brt-epin-ot iyauot cashrt. Ooshrmda oje Biři yatdig. ⁹ Jayaupin naa epin-ot tee: yajuicululígcat yamwi mopřtoyu shrm, catyaujeunořg mot iwairíg-ot, catyauliřg canaanoglig, catyauliřg wrijin mot ipřtog-ot jondig. ¹⁰ Catyaumínrg yajřcon-ot juishrg-jet ipemshoonog-jet oyat yawíyuot oje pundou-ot ipányuotni juishřshonog-ot. Jayauliřg jamoglig wairiyuři:"Iwairigla-am". ¹¹ Yauwairig oyat yauyug, wrijin yam epin-ot inag-ot yajuiyaubeřg. Biři, catmařyug mashotdawaot iwairig-ot. ¹² Catyauliřg epin-ot cajeunoglig calei-ot oyat yaujón Josafat niti ligye. Ooshrm omda ashiteyá cat-apín-řgjeeya iep jaá ijei poi itmín-rgli wrijin epin-olat oyem camaupin-ot. ¹³ Jayaulug-rcat caúmyu, ooshrm bijřmcaot capacat. yauyug, catyautagyeg mři-ot, ooshrm cat-itágyeliprn jajuitunat. Bujuot cajuitunat, ooshrmda caepyu iiyig. ¹⁴ Jaligla itřm ibag-ot epin-ot, ibag-ot naa niti jaá řr amoliprn-u iep o ijeishrm. ¹⁵ Yamat oyat jrbřt caishibřuya, cřlot břt-břt cashishanditya. ¹⁶ Biři jayerug notjashiri-řbrgya birat Sion-nat, oyat jatshiwřgya jayerog Jerusalen-nat. wrjuot oyat niti cashiyaiya, oyawi Biři itřm mocutdiprn jaepin-olat, oyat itřm mowairiyu epin-ot Isarel-latwínolat. ¹⁷ Ojera apishicashiwagligya amdawi yaři yajři Dios ijúg Sion-u, a jug-lé japi-ři. Ooshrmda Jerusalen japi-riya japři-rig, oyat břrut shotdawa ushipřtya jabogjee jaúu oyem shíi. ¹⁸ Ojera ishiriyá oolou wryu jug-leotyeya jashiwon mowog ishíg, cajuibeca jashiyrgya leche, wrijin řtmái-ot Juda-at win-ot cashiwapya, řtjet, oyat itřm řtmai shiyřg-ya Biři otteat oyat oya jashitřu-rřm niti sitim-matwin. ¹⁹ Egipto ojera jashiriyá jashibegya, oyat Edom oje jashiriyá niti ijřu inámprnjin-ni, ooshrm catcaíi-rgli jequetep caniti jaá. ²⁰ Ooshrmda Judá shijúgya oiricawiat, oyat Jesurél oola ishijúgya ojeyawi jashipatjeipúglig. ²¹ Amda japřtshiyřrmr mamáa dumat přt-ashayřrmiju, ooshrm Biři sion-ula jajú