CAPITULO1

1 Jajuiwrjutee itŕm wig Ciro-at, Persia jŕiwairig, Biŕyat jali-ŕgli jayerog yŕg-lig jacoleat Jeremías oyat jatjeono-rg jajuyu Ciro. Jayerog Ciro jatjuiri wrijin jajaá naa itcuiri. Oola naa jrinagprndi oyat jayerogjet pri: 2 Ciro, persia jŕiwairigmog: Biŕi, Dios wryumín-rŕmprn, jatbrg wrijin an irig-ot niti jaa, oyat atcui

mo-u bŕiamín-rbrjee jan Jerusalen-u Judeatee pri.

3 Bŕjalig-u jayanatwin( oyawi jajŕi Dios jajet) oola jacrt-rŕm jajondig Jerusalen-na oyat jatmín-rglig itŕm mo Biŕyat, Israel jŕi Dios, oowi Jerusalen jŕi Dios. 4 Epin-ot iripayeg-ot bŕijalig-uwi niti jaa oiwi cajupayegye iyŕijuprn-ot oo niti jaa jashiribŕgya calat palatá oyat oro pri, wrijin mirig-ot irig-ot, jŕlug-ot pŕi, oje pri itŕm ofrenda jajiteat itbŕg Bijŕi

Dios moat Jerusalen-na.

5 Ooshrmda nat cajŕiwairig-ot cajŕinoyuot calom-otjin Judá-at oyat Benjamínat pti, otpŕi Sacerdoteot oyat pri Levitaot, oyat wrijin dut Dios-at jíi jeono-ŕgotdi canogjee oyat jatmín-rgjee jaot jatwryŕg-li. 6 Dut camauú irig-ot cawairiyu cabŕg cabepjet palatajet oyat orojet pri, bumibag-otjet irig-ot calica, jŕlug-otjet, ebuot mibag-otjet oyat ofrendaot itbŕg cajiteat. 7 Ojeri pŕi cajŕiwairig Ciro catjaóg-li ebushag-ot irig-ot Biŕi otteat Nabucodonosor-lat iŕyug-otdi

Jerusalen-nat oyat omdi catjaliŕli caolottee jajŕi dioot.

8 Ciroat jabŕg-li jalap-uye Mitrídates-at jaijeweri cajŕyat, ooli japín-rrm sesbasar, icuyu Judeatee. 9 Naali cajŕinaot: treinta bujuotdi oro, mil bujuotdi palatá, veintinueve bujuotdi patjei bŕt. 10 Treinta tasasuwaaiotdi oro, cuatrocientos diez tasaot ishrmnojeoot palatájet, oyat mil capatjeitog ebuot cajaat. 11 Cinco mil cuatrocientos catog-li ebushag-ot oro con-ot oyat palatá con-ot pri wrijin.Sesbasar-di caŕyuúm wrijin obat caúcaprt-rgbatdi Babilonia-at Jerusalen-na