^{12 13} Tu̧ru̧hua̧ Dios hueäji ta'anö Moisés öjo te'ädö itta'ca cä'epinödo Egipto rȩjȩ huä̧mȩnä̧. Ja̧'hua̧nö̧ jȩo̧mȩnä̧, Tu̧ru̧hua̧ Dios hue'inödo kä̧ru̧'coppa kä̧hua̧ räopa'acuttu mo̧ro̧ jä̧'ijimä̧ beipächönä, yodo jä̧'ijimä̧ beipächönä. Koro mo̧ro̧ päi'omenä kä̧ru̧'coppa kä̧hua̧ räopa'acuttu mä̧rä̧cäyu̧ru̧ i'cächina'ado. ¹⁴ Mä̧rä̧cäyu̧mä̧ Egipto rȩjȩ jä̧ttä̧yä̧jä̧ ichö ja̧huä̧jä̧ jä̧ttä̧yä̧jä̧ ka̧cuinä̧tö̧do juiyo recuätö. Pä'äjimä ja̧'hua̧nö̧ recuätö ttö̧ja̧cua̧'a̧ tottoca'a jä̧'ija̧'a̧ttö̧'inä̧ abonänö recuätö ka̧cuinä̧tö̧do. Ja̧u̧nu̧ o'ca'amä ja̧'hua̧nö̧ recuätömä ka̧cuo̧co̧tö̧ pinätödo. ¹⁵ Egipto rȩjȩ jä̧ttä̧yä̧jä̧ a̧ttä̧di'inä̧tö̧do mä̧rä̧cäyu̧ttu̧ rȩjȩ'inä̧ idicuä̧jä̧tä̧ päi'önä. Ja̧'hua̧ta̧nö̧ o'ca juiyönä mȩjiy̧ ä̧'chȩ'inä̧, adiyä'inä, dau u̧huä̧ju̧ diyau o'quittö ka̧cuipä̧ji'inä̧ cui'i'inätödo. Ja̧'hua̧nö̧ ja̧'a̧ttö̧ ja̧'tö̧ra̧ jö̧ adiyä'inä Egipto rȩjȩ jä̧ttä̧yä̧jä̧ yorö'iso ki'o̧ca̧'a̧ jina̧'a̧do. ²¹ Ja̧'hua̧nö̧ ja̧'a̧ Tu̧ru̧hua̧ Dios Moisésrö pä'inödo: Cujo te'ädi mo̧ro̧jä̧ra̧'a̧cu̧ Egipto rȩjȩ o'ca juiyönä yo̧ö̧nä̧ päi'a pä'ö, yo̧ö̧ yodomä tti'ä mö̧ttȩcua̧'a̧ jä̧'inö̧'a̧nö̧ yo̧ö̧nä̧ päi'a pä'ö. ²² Tu̧ru̧hua̧ Dios hueäji ta'anö Moisés öjo te'ädinödo mo̧ro̧jä̧ra̧'a̧cu̧. Ja̧'hua̧nö̧ jȩo̧mȩnä̧, Egipto rȩjȩ jä̧ttä̧yä̧jä̧ yo̧'ö̧tä̧ yo̧ina̧'a̧do huäbodäcuä mo̧ro̧ jo̧mȩnä̧. ²³ Tta̧hua̧ru̧hua̧rö̧'inä̧ tottö juiyönä jina̧'a̧do, jäyäcu'inä tti̧'chi'ö̧ juiyönä jina̧'a̧do huäbodäcuä mo̧ro̧ jo̧mȩnä̧. Ja̧'hua̧nö̧ ja̧'a̧nä̧ o'ca toi'önä Israel ttö̧ja̧ ttoju odehuiyänämä mo̧ro̧ jina̧'a̧do. ^{27 28} Ja̧hua̧nö̧ ja̧'a̧ Egipto rȩjȩ ru̧hua̧ Moisésrö pä'inödo: Porömä tö'ipächi. Juhua'a yabomä chi'ä tocu'ättö. Pä'äji ta'anö ppa̧cu̧huä̧chö̧ttö̧mä̧, 'corupäcuhui'ä̧cua̧jä̧ ucumä. ²⁹ Ja̧'hua̧nö̧ ja̧'a̧ Moisés ädätinödo: Iso päi'önä pä'öjä. Yorö'iso ucu cu'ämä topocö chä̧cua̧sä̧ ttömä.