Capítulo 7
1
Ja̧hua̧nö̧ ja̧'a̧ Eliseomä pä'inö: A̧ju̧cuä̧tu̧cui̧ Dios i̧huȩnȩ, pi̧yȩtä̧ ja̧'a̧ Dios päömä: yo̧i̧ mo̧ro̧ kä̧hua̧ jitä ö̧jo̧mȩtä̧ päiomenä ya̧mö̧ i̧sa̧ppȩ chä̧i̧hua̧ppȩ Samaria ötahuiyä apate ä'ca pärätä micuänä iyähuäcua'a yaute ciclo jo̧mȩmä̧ micuähuäcua'a ya̧mö̧ i̧sa̧ppȩ yaute amöcomenä, juhua'a jö̧ ta̧'a̧nö̧, cebada i̧sa̧ppȩ'i̧nä̧ ta'are jo̧mȩnä̧ ämäca'a yaute ciclo jo̧mȩnä̧ micuähuacua'a.
2
Ru̧hua̧rö̧ ppä̧dä̧rä̧cuä̧huä̧ i̧sa̧ ädätö pä'inö: Dios i̧huȩnȩ jiäcuähuä i̧sa̧rö̧: mo̧ro̧ji̧yä̧nä̧ Dios päteinä toäcuähuäte bahuepöttömä ¿Pi̧yȩmä̧ 'cuäopö'anö ja̧'a̧ tä̧ji̧? Eliseo ädätinöcu: Topihuä, ucutä cyamonä cuiärenä tocu'acua̧jä̧ 'cuäopa'amä ja̧hua̧nö̧ ja̧'a̧nä̧ ja̧u̧ttö̧mä̧ ucumä cucuiyä̧cua̧jä̧.
3
Pa̧ja̧cuä̧nö̧ huotö umätö̧ ttöttahuiyä huahuachocö juäiu nȩnȩpä̧tö̧ ki̧nä̧tö̧ ötahuiyä apate ä'ca. Jahuätömä jitötä pä'ächäcuinätö̧ ¿Däje pä'ö pȩnȩtä̧ tö̧'o̧ca̧'a̧jä̧ttö̧ hua'öticuome jubö päiönä?
4
Ötahuiyära'a dotächöttömä ppeittö 'corupäti'äcuotöjä; pȩnȩtä̧ tö̧ji̧pö̧ttö̧'i̧nä̧, pa̧huä̧rö̧jö̧'a̧nö̧tä̧ hua'aö ticuäcuotöjä, ja̧hua̧nö̧ jö̧ttö̧mä̧ cuorä ru̧hua̧ Sirios ttö̧ja̧'a̧tä̧ ti̧'chä̧tu̧cua̧. Jahuätö tö̧ja̧'a̧nä̧ ja̧'a̧tä̧ tottöttömä tö̧jä̧cuo̧tö̧jä̧ jahuätö cuä'ö tticuttumä huä̧i̧nä̧ cuä'ö tticuäcuotöjä.
6
5
Ja̧hua̧nö̧ ja̧'a̧ttö̧ cuorä ru̧hua̧ päjätömä ni̧pä̧ro̧mȩ pä'i'omenä ä̧rä̧mi̧ö̧ tö'ipächinätö̧, jahuätömä ttojudehuiyä'inä. tttä̧ji̧mö̧ caballö̧tö̧rö̧'i̧nä̧