¹ Manase'inä ku̧nä̧ri̧nö̧do tu̧mu̧ tomurenö ja̧'a̧nä̧ ttö̧jä̧pu̧ttö̧ to'cherenö a̧'ȩ ruhuo huea pä'ö ö̧jä̧mä̧di̧nö̧ pä̧nä̧mä̧, ja̧u̧mä̧ ttö̧ja̧sa̧ ya̧tȩ 'cuäoanä ka̧ra̧ u̧mu̧ tomurenö ja̧'a̧nä̧ i̧jä̧pu̧ ji̧u̧tȩnö̧ a̧'ȩ jo̧mȩnä̧ hueinödo Jerusalen ötahuiyänämä. Ja̧u̧ a̧ju̧mä̧ micuinäju Hepsiba pä'ö. ² U̧ru̧hua̧ Ö̧nä̧hua̧ ä'cattö suronä jȩpi̧nö̧do, ja̧u̧mä̧. Pi̧jä̧ ttö̧ja̧ jȩttä̧'chö̧ juäitä Tu̧ru̧hua̧ Tö̧ä̧nä̧hua̧rö̧ 'tucuotocö ji̧nö̧ juäitä Israel ttö̧ja̧ räepö icuähuotö pätti'ina'anö̧tä̧. ³ Ja̧u̧ aditinö muä'quiyu jutoju odonä Ezequia jȩi̧nö̧'a̧nö̧, jä'o, surojuoepu jȩpu̧ icuinö ji̧nö̧, ja̧hua̧ta̧'a̧nö̧ aditinödo korotö Ttö̧ä̧nä̧hua̧ Baalrö kuicu iyähuä o'ca dea'inä jȩpi̧nö̧do, Acab jȩi̧nö̧'a̧nö̧ Israel ttö̧ja̧ Ttu̧ru̧hua̧ ja̧hua̧ta̧'a̧nö̧ ja̧u̧mä̧ o'cotö'inä siri'cö mo̧ro̧jä̧nä̧ rö̧jä̧tö̧rö̧ ö̧nä̧hua̧tö̧ juoepinödo jä̧rȩyu̧nö̧ jȩpä̧chö̧. ⁴ Manasesmä Dios ojusodenä aditinö korotö ttö̧ä̧nä̧huo̧tö̧rö̧ ku icu iyähuä o'ca. Uru̧hua̧ Ö̧ä̧nä̧hua̧ jiähuäjäcu ja̧'a̧nä̧ jarodinödo: "Isopä'inä Jerusalenätä jä̧cua̧to chi̧mi̧ 'cuäopunä kä̧cua̧'a̧mä̧. ⁵ Ja̧u̧ aditinödo o'catoinä si̧ri̧'cö̧ mo̧ro̧jä̧nä̧ rö̧jä̧tö̧rö̧ ku icu iyähuä o'ca Tu̧ru̧hua̧ Tö̧ä̧nä̧hua̧ ojuisode pariyä tarärenä pä'iönä. ⁶ Ja̧u̧mä̧ i̧tti̧rö̧ ocuränä 'cuäepäji icuinödo, jȩpi̧nö̧ ä'canä 'cuäopäcuȩ'i̧nä̧ märipä'inä ja̧hua̧ta̧'a̧nö̧ huainätö̧rö̧ jättepa'a pä'ö'inä hueä'chinödo ttucuocunä'inä ä'cattö surojötä jȩpä̧'chi̧nö̧do ja̧hua̧ta̧'a̧nö̧ Diosrö päitinödo surojuoächönä jȩa̧rö̧ pä'ötä. ^{7 8 9} Dea a̧'cua̧ 'co̧ö̧ aditäjimä ja̧u̧mä̧ i'cächinö U̧ru̧hua̧ Ö̧ä̧nä̧hua̧ ojuisode juode isode ötö'cö ji̧na̧'a̧ David u̧ru̧hua̧ Ö̧ä̧nä̧hua̧ ucuocuina'amä ja̧hua̧ta̧'nö̧ Salomorö'inä ja̧u̧ i̧tti̧ o̧'ca̧rö̧'i̧nä̧, ja̧u̧ päina ji̧na̧'a̧do: "Isopäönä pode isode Jerusalenä huodenä, ȩmu̧ 'quȩ'ȩpö̧ cuninösä o'ca toinä Israel ttö̧ja̧rö̧, chimi chö̧tä̧cua̧sä̧ 'cuäopönätä. Ttömä täcö jȩchi̧ya̧cua̧sä̧ Israel ttö̧ja̧ ttö̧jä̧pö̧ cueächa'acu pä'ö ttö̧tä̧mu̧ mi̧nä̧rö̧ rȩjȩ chi̧yä̧cua̧sä̧ pädinajä̧ rȩjȩ abo icuäoö cuettacha'acu pä'ö, a̧'a̧ juätö ttörö huedinö