¹ Waulung lai Yudas,lakeda pahakolana Yehu karitu jiaka anguana Yakobus. Tatau napa peli napa ayiama Allah Ama,jiaka napa radama ha tauna Yehu karitu ² taka napa namung, Namarigu nama lala jiaka naka nyuru kadi kineya tadalu morukuni. Allah jiaka bana hukunya na tau nama woluya nama jala ³ Olidadi buha, tadalu baku pangada duku kalungu tuli lainyemi nangera na, na morukda duta ngara dukada ,nyua kupadaya baku tuliya lainyiami kana pakalua waingu manungmu apa tomadahaka taka lupangu tatau papilumu. ⁴ Taka tatau nama halaku padokungu jiakadihaka da tau nauwalung hamaduga dapa padangu bahukuja, da tau dama aiungu manungda dama pahalakuya nakanyuru walung laimauri allah duta, nakabola napa ngadangna ranguya nama pengu maurina maurida Yehu Karitu, ⁵ Nyua kubuhang papanamung nyiaka au dapa banima nyiami ngaradukana,taka mauri na pahaleya walung tana mesir toma tauna mau napa wolunya tau dapa manung. ⁶ Takada Malaikat-malaikat dama manutaungu tadira panguda datau, taka dujak kideya tapinu paeganeya tau da kohuwiki laiku koku, patamana tagalu nama duku kapatangiya, toma rahina ta ladu bakul. ⁷ Tanau jalana na sodom jiaka gomora ⁸ Tanaujalaka da tau nau,bada pangadaja damagadipa bada pirakunya dakalituda,dada kayima napengu, meradaka ngara dukana kalung. ⁹ Mikail duna pawihina maliaikat,bana pahagananganya mangutana ayea naka matina Musa ana tau baniya bada lolukuya nahilu dama kalungu laiduda taka wina,Napa mauri napa wigimi nyiami. ¹⁰ takka nau duna napa danguya wiki napanewi deka dapa peda duda keri dapa ngaradukada, hama tauda dabada dama aingu pangadanguda, nama taungu nauwu nyiakadika dinapamoluja. ¹¹ kada penyalana tau dama keriya nalara napalina Kain taka kehadeka nama da nyia na jala napa woluna Biliam taka munang deka mula na bani doku Hama taunya Korah. ¹² Da tau naiyi mera kamu irakuha napa angu pana mugumu, ma ai napa angu olidabada dapa aimangu ma madauta, napa wuku dabada namoruk mehada a tau merana marabang dama papurung urang napa papui ngilu nutu nimi. Ndatau nau harna tau da pungi ai dama wuada tomayana rahina, mati ta padua malungu taka dibutahana mang amuna. ¹³ da tau nauwu hama tauna ngalung ta tahuk nama bani, nama kabuhak dapa oli waimaja da tau nau merada dama halaku mangatana, natumanya nama kapatangu napa tauda hadiada lapa lupangu. ¹⁴ jiakadika mangerada tau nai Henok, Ana kapitu walung lai Adam, Napangadangu, itaya Mauri amijaka ana Maraija dama ribu-ribu datau pa pa marainaha. ¹⁵ nyiaka bana pahalakuhaya penghakiman ngaradukada da Tau, Hukung dabadeka ngaraduka da atau Fasik ngaradukada waingu hilu mahawatuku napa wuda na a Tau nama jala nama fasik ta hagana Mauri Allah. ¹⁶ Taka a Tau nau mabuhangu pahalakuha bada Manyera-nyerana nama jala, keriya napa wukuda duda wiki, Da tau nauwu nyiaka nabakul da, jiaka napa lapung tatau hawangku kapeku kolung utu. ¹⁷ Olidadi buha pa aigu nyiami kamu namu gama napa langa papanewida da wunang na Mauri duta, Yehu karitu. ¹⁸ da Tau nau, badi panewideka lai au tahupu dedi wudang, takka ainya nama karebang nama pakeri tabani doku datau dama kabanga, ¹⁹ Da tau nauwu jiaka dihaka dama pamulangu di pahewa, keri mabani doku ta pinunu tana,dama mangunya ngahu hari. ²⁰ Toma tauna nauwu, nyiami olidadi buha pa aingu pakideya namorukumu waingu namanungumu nama padenung taka habayang tadalu ngahu hari. ²¹ kamuraha wikumu tadalu paayianguna Allah lapa bapa tonya kanyuru na maurida duta Yehu karitu, nama iruda tamoruku palapangu. ²² mangunya naka radak ati ta Tau dadar nama momu, ²³ pa morukuya na tau hawangku kamu parimanya natau nauwu walung taapi! walung tahawangku, paitanya napa ayi panamangu jiaka napa oli waingu madauta, taka damu buhanya daka labida atau nau dama dika irakuha mula bani doku tapinu tana. ²⁴ tauna duna nama pengunayawawu dama gugulmajiangu ba aingu takka daaimangu ga garamu tahaga napadaungu nama biha waingu egi ati, ²⁵ kadapingunaka Mauri allah, pungi morukkuda duta, lai Karitu Yehu, namauri duta nama biha. waingu hangajina, kalua, nyiaka napengu lapa lupang: hanaduga,nyiakaya laduna,lapa lupang, Amin.