¹ Ai dos que planean a iniquidade, os que trama o mal nas súas camas! De madrugada será executado, porque está no poder das súas mans.

² Cobizan os campos e apodéranse deles, casas e tómanas. Rouban ó dono da casa, ó home e a súa herdanza. ³ Por iso, así di IaVHeH, velaquí estou pensando traer contra esta familia un mal do que non libraredes o pescozo, nin andaredes erguidos porque será un mal tempo.

⁴ Naquel día dirase contra vos un refrán, e profetizarase un amargo lamento, dicindo: “Fomos totalmente destruídos; El cambiou a porción do meu pobo. Como ma quitou! Dividiu os nosos campos entre os infieis.

⁵ Polo tanto, non haberá ninguén que vos vote o cordel no sorteo na asemblea de IaVHeH. ⁶ “Non profeticedes” din e profetizan. Aínda que eles non profeticen sobre estas cousas, os reproches non serán retidos.

⁷ Non se di, oh casa de Xacobe: “É impaciente o Espirito de IaVHeH? Estas son as túas obras? Non lle fan ben as miñas palabras ao que anda recto?

⁸ Fai pouco o meu pobo levantouse como inimigo. De enriba das vestimentas arrebatades o manto os que pasan confiados, os que volven da guerra. ⁹ Botas fora ás mulleres do meu pobo, da casa das súas delicias; aos seus fillos quitas a miña gloria para sempre.

¹⁰ Levantádevos e marchade, pois este non é un lugar de descanso por mor da impureza que trae destrución, destrución dolorosa.

¹¹ Se un home, anda tras o vento e a falsidade falara mentiras dicindo: “Vouvos falar do viño e do licor”, ese sería o profeta para este pobo. ¹² Certamente reunireivos a todos, oh Xacobe, certamente recollerei o remanente de Israel, agrupareinos como ovellas no redil; coma un rabaño no medio do seu pasto, farán ruído pola multitude dos homes.

¹³ O que abre a fenda subirá diante deles; abrirán fenda, pasarán a porta e sairán por ela; o seu rei pasará diante deles, e IaVHeH a súa cabeza.