¹ Os fillos de Rubén, primoxénito de Israel (porque el era o primoxénito, pero porque profanou a cama do seu pai, a súa primoxenitura foi dada aos fillos de Xosé, fillo de Israel; pois non era posible rexistralo como primoxénito, ² aínda que Xudá prevaleceu sobre os seus irmáns e del saíu o príncipe, pero os dereitos de primoxenitura pertencían a Xosé). ³ Estes son os fillos de Rubén, primoxénito de Israel: Hanoc, Falú, Hezrón e Carmi. ⁴ Os fillos de Xoel: Semaías o seu fillo, Gog o seu fillo, Simei o seu fillo, ⁵ o seu fillo Micaías, o seu fillo Reaías, o seu fillo Baal, ⁶ o seu fillo Beera, a quen Tilgat-pilneser, rei dos asirios, levou en exilio. Este é xefe dos rubenitas. ⁷ E os seus parentes, segundo as súas familias, Cando foron contados nas súas xenealoxías, foron os príncipes Ieiel e Zacarías, ⁸ e Bela, fillo de Azaz, fillo de Sema, fillo de Xoel, habitou en Aroer ata Nebo e Baal-meón. ⁹ E cara o oriente habitou ata a entrada do deserto, dende o río Éufrates, porque os seus animais aumentaran na terra de Galaad. ¹⁰ Nos días de Saúl fixeron guerra contra os agarenos, e caeron nas súas mans, e eles ocuparon as súas tendas en toda a terra ao oriente de Galaad. ¹¹ E os fillos de Gad habitaron en fronte deles na terra de Basán, ata Salca. ¹² Xoel era o xefe en Basán; e Safán o segundo, e despois, Iaenai e Safat. ¹³ E os seus irmáns, segundo as familias dos seus pais foron: Micael, Mesulam, Seba, Iorai, Iacán, Zia e Heber, sete. ¹⁴ Estes son os fillos de Abihail, fillo de Huri, fillo de Iarao, fillo de Galaad, fillo de Micael, fillo de Ixaí, fillo de Iahdo, fillo de Buz. ¹⁵ Ahí, fillo de Abdiel, fillo de Guni, era o principal na súa casa paterna. ¹⁶ E habitaron en Galaad, en Basán e as súas cidades, e en todos os exidos de Sarón ata as súas fronteiras. ¹⁷ Todos eles foron rexistrados segundo as xenealoxías nos días de Iotam, rei de Xudá, e nos días de Ieronám, rei de Israel. ¹⁸ Os fillos de Rubén, de Gad e da metade da tribo de Manasés, homes valentes, homes que levaban escudo e espada e tiraban con arco, e que eran homes de batalla, eran corenta e catro mil setecentos sesenta que saían á batalla. ¹⁹ E fixeron guerra contra os agarenos, Ietur, Nafis e Nodab. ²⁰ E Deus axudounos en contra deles, e os agarenos e todos os que estaban con eles foron entregados nas súas mans, porque invocaron a Deus na batalla, e El concedoulles a súa axuda porque confiaron nel. ²¹ E levaron os seus animais: cincuenta mil camelos, douscentas cincuenta mil ovellas, dous mil asnos, ademais de cen mil persoas. ²² Porén, moitos caeron mortos, porque a guerra era de Deus. E habitaron no seu lugar ata a deportación. ²³ E os fillos da metade da tribo de Manasés habitaron na terra; foron numerosos dende Basán ata Baal-hermón, Senir e o monte Hermón. ²⁴ Estes son os xefes segundo as súas casas paternas: Efer, Isi, Eliel, Azriel, Xeremías, Hodavías e Iahdiel, homes valentes, homes de renome, príncipes das súas casas paternas. ²⁵ Pero eles rebeláronse contra o Deus dos seus pais, e prostituíronse cos deuses dos pobos da terra, que Iahveh destruíra diante deles. ²⁶ Entón o Deus de Israel animou o espírito de Pul, rei da Asiria, e o espírito de Tilgat-Pilneser, rei de Asiria, e levou ao exilio aos rubenitas, aos gaditas e á metade da tribo de Manasés, e levounos a Halah, a Habor, a Hara e ao río de Gozan, como están ata hoxe.