¹ Estes son os fillos de Israel: Rubén, Simeón, Leví, Xudá, Isacar, Zabulón ² Dan, Xosé, Benxamín, Neftalí, Gad e Aser. ³ Estes son os fillos de Xudá: Er, Onán e Sela. Estes tres nacéronlle de Bet-sua a cananea. Pero Er, primoxénito de Xudá, era malvado diante dos ollos de Iahveh, e El matouno. ⁴ E a súa nora Tamar deulle a luz a Fares e a Zera. En total Xudá tivo cinco fillos. ⁵ Os fillos de Fares foron Hezrón e Hamul. ⁶ Estes son os fillos de Zera: Zimri, Etán, Hemán, Calcol e Dara; en total cinco. ⁷ O fillo de Carmi foi Acan, o perturbador de Israel, que transgrediu no tocante ao anatema. ⁸ O fillo de Etán foi Azarías. ⁹ E estes son os fillos que lle naceron a Esrón: Ierahmeel, Ram e Quelubai. ¹⁰ Ram enxendrou a Aminadab. Aminadab enxendrou a Naasón, príncipe dos fillos de Xudá. ¹¹ Naasón enxendrou a Salmón, Salmón enxendrou a Booz, ¹² Booz enxendrou a Obed, Obed enxendrou a Ixaí, ¹³ Ixaí enxendrou a Eliab o seu primoxénito, despois Abinadab o segundo e Simeá o terceiro. ¹⁴ o cuarto Natanael, o quinto Radai, ¹⁵ o sexto Ozem, o sétimo David. ¹⁶ E as súas irmás eran Servia e Abigail. E os tres fillos de Servia foron Abisai, Ioab e Asael. ¹⁷ E Abigail deu a luz a Amasa. O pai de Amasa era Ieter o ismaelita. ¹⁸ E Caleb, fillo de Esrón, enxendrou fillos de Azuba a súa muller e de Ieriot; e estes son os fillos dela: Iéser, Sobab e Ardón. ¹⁹ Morreu Azuba; e Caleb tomou por muller a Efrata, e ela deu a luz a Hur. ²⁰ Hur enxendrou a Uri, Uri enxendrou a Bezaleel. ²¹ Despois Hezrón foi onda a filla de Maquir, pai de Galaad, e tomouna por muller cando tiña sesenta anos; e ela deu a luz a Segub. ²² Segub enxendrou a Iacir, que tiña vinte e tres cidades na terra de Galaad. ²³ Pero Gesur e Aram tomáronlles as vilas de Iaier con Kenat e as súas vilas, sesenta cidades. Todos estes eran fillos de Maquir, pai de Galaad. ²⁴ E aconteceu que despois da morte de Esrón en Caleb-efrat, Abías, muller de Esrón, deu a luz a Asur, pai de Tecoa. ²⁵ Os fillos de Ierahmeel, primoxénito de Esrón: Ram o primoxénito, despois Buna, Orén, Ozem e Ahías. ²⁶ Ierahmeel tivo outra muller, de nome Atara; ela foi a nai de Onam. ²⁷ Os fillos de Ram, primoxénito de Ierahmeel, foron Maaz, Iamín e Equer. ²⁸ Os fillos de Onam foron Samai e Iada. Os fillos de Samai foron Nadab e Abisur. ²⁹ O nome da muller de Abisur era Abihail, e ela deu a luz a Ahban e a Molid. ³⁰ Os fillos de Nadab foron Seled e Apaim; e Seled morreu sen fillos. ³¹ O de Apaim, Isi; o de Isi, Sesán; o de Sesán, Ahlai. ³² Os fillos de Iada, irmán de Samai: Ieter e Xonatan; e Ieter morreu sen fillos. ³³ Os fillos de Xonatán: Pelet e Zaza. Estes foron os fillos de Ierahmeel. ³⁴ Pero Sesan non tiña fillos, senón fillas. E tiña un servo exipcio que se chamaba Iárha. ³⁵ E Sesán deu a súa filla por muller ao seu servo Iarha, e ela deu a luz a Atai. ³⁶ Atai enxendrou a Natán, Natán enxendrou a Zabad, ³⁷ Zabad enxendrou a Eflal, Eflal enxendrou a Obed, ³⁸ Obed enxendrou a Ieú, Ieú enxendrou a Azarías, ³⁹ Azarías enxendrou a Heles, Heles enxendrou a Elasa, ⁴⁰ Elasa enxendrou a Sismai, Sismai enxendrou a Salum, ⁴¹ Salum enxendrou a Iequemías, Iequemías enxendrou a Elisama. ⁴² E os fillos de Caleb, irmán de Ierahmeel, foron Mesa o seu primoxénito, que enxendrou a Zif; e o seu fillo foi Maresa, pai de Hebrón. ⁴³ Estes son os fillos de Hebrón: Coré, Tapua, Requem e Sema. ⁴⁴ Sema enxendrou a Raham, pai de Iorcoam; e Requem enxendrou a Samai. ⁴⁵ O fillo de Samai foi Maón, que enxendrou a Bet-sur. ⁴⁶ E Efa, concubina de Caleb, deu a luz a Harán, a Mosa e a Gazez. E Harán enxendrou a Gazez. ⁴⁷ Estes son os fillos de Iahdai: Regem, Iotam, Gesam, Pelet, Efa e Saaf. ⁴⁸ Maaca, concubina de Caleb, deu a luz a Seber e a Tirana. ⁴⁹ Ela tamén deu a luz a Saaf, pai de Madmana, e a Seva, pai de Macbena e pai de Gibea; e a filla de Caleb era Acsa. ⁵⁰ Estes son os fillos de Caleb: os fillos de Hur, primoxénito de Efrata: Sobal, pai de Quiriat-xearim, ⁵¹ Salma, pai de Belén, e Haref, pai de Bet-gader. ⁵² E Sobal, pai de Quiriat-xearim, tivo fillos: Haroé, a metade dos manahetitas, ⁵³ e as familias de Quiriat-xearim: os itritas, os futitas, os sumatitas e os misraitas. Deles saíron os zoratitas e os estaolitas. ⁵⁴ Os fillos de Salma foron Belén e os netofatitas, Atrot-bet-Ioab e a metade dos manahetitas, os zoraítas. ⁵⁵ E as familias dos escribas que vivían en Iabes eran os tirateos, os simeateos e os sucateos. Estes son os ceneos que viñeron de Hamat, pai da casa de Recab.