^{1 2} १) बादमा इना बारामा हमेशा प्रार्थना करने अने हिम्मत नी छुडनु जुवे तीनुह यो दाखलामा कोयु । 2) " एक शहरमा एक न्यायी रोयतोतु ,ज्यु नी परमेश्वरह भी पर्वा हतु ओतु नी कानला माणहोन पर्वा कोरतु ओतु । ^{3 4 5} 3) अने तीना शहर मा एक रोंडायली भी रोयती ओती जी तिना माणहो पाह आवीन कोया कोरतोती ,मारु न्याय कोरीन मेहे इना मुददाई देखु वाचाड । 4) च्यु कोतरी टाईम तक तेरो नी मात्यु ,पुण आखरीमा मनमा विचार कोरयु अगर मी नी ते परमेश्वरह भीतलु नी माणहोह परिवार कोरतलु । 5) ती भी यी रंडायली मेहे दाडीन सोताडतली ,इनान कोरीन भी एरु न्याय कोर देव कधी ओहलो नी ओये के यी घडी घडी आवीन मारा नाकमा दम करदेय । ^{6 7 8} 6) येशु कोयु , " हंबवु के यु पापी न्याय काय कोयेह ? 7) अवते काय परमेश्वर आपणा निवाडलान न्याय नी कोरे ज्या रात दिह तीनाहा दुवा देतला काय च्यु तींदरा बारामा धीर कोरहे ? 8) मी तुमुह कोयो,च्यु लगेच तिंदरु न्याय कोरहे ,पुण माणहोन पुरयु जेतार आवहे तेतार काय धरती पर विश्वास देखायहे ? ^{9 10} 9) अने ज्या तेरे उपर भुरहु मेक तोता के आमु धरमी से, दुहराहा पापी समझता ओता,यु दाखलु कोयु । 10) दुय माणहे मंदीर मा प्रार्थना कोरने गोया, एक फरीसी अने दिहरु लेणेदार ओतु । ^{11 12} 11) फरीसी उभु रोईन मनमा प्रार्थना कोन्यु हे परमेश्वर तारो धन्यवाद कोरतलु , के मी दिहरा माणहोन सारखु ,पाप कोरेने अन्याय अने व्याभीचार नी कोरो अने नी इना लेणेदारन सारखु से । 12) मी आप्तामा दुयवारि उपवास कोरतलु मी मारी आखी कोमाईमा दस अंश भी आपतलु । ^{13 14} 13) पुण लेणेदार सेटु उभरोयन स्वर्ग वखे डुवा उचा भी नी कोन्यु ,तेरी छाती ठुकी ठुकीन कोयु ," हे परमेश्वर मी पापी से, मेहे पर दया कर । ( भजन संहिता 51:1) 14) मी तुमुह कोयो, के च्यु दुहरु नी पुण युच माणुह धरमी कोवायु ,अने तेरे घर गोयु ,काहाके ज्यु कुण खुदह मोटु बोणावे तीनाहा आयतु बोणावणेमा आवहे ,अने ज्यु खुदह आयतु बोणावहे तीनाहा मोटु बोणावणेमा आवहे । ^{15 16 17} 15) बादमा माणहे तींदरे पुन्याह भी तेरे पाह लाव्या ,के येशु तींदरे उपर हाते मेके अपने चेला यो देखी तीनुह रुकणे लाग्या । 16) येशु पुन्याहा हाते हादीन कोयु ,पुन्याहा मार पाह आवणे देवु ,अने तीनुह मना मा कोरु ,काहाके परमेश्वरन राज इंदरो से । 17) मी तुमुह खोरी कोयो , के ज्यु कुणी परमेश्वरन राजह इनु पुन्यान सारखो स्वीकार नी कोरे ,च्या स्वर्ग मा कधी प्रवेश नी कर सेके । ^{18 19 20 21} 18) एक सरदार फुस्यु ,हे उत्तम गुरु ,अनंत जीवन अधीकारी ओयणेन कोरीन मी काय कोरो ? 19) येशु तीनुह कोयु ,तु मेहे उत्तम काहा कोयतलु ? कुणी उत्तम नीमले ,फकत बस एक से परमेश्वर । 20) तु आज्ञा ते तु जाणतलु , व्याभिचार जुण कोरतु ,हत्या जुण कोरतु ,चुरी जुण कोरतु झुठी गवाही जुण देतु ,तार बाबान अने आईन आदर कोरजी । 21) च्यु कोयु मी ते यी आखी वात बचपन मा देखु मानतु आवलु से। ^{22 23} 22) यो हबंवीन येशु तीनुहा कोयु ,तारे मा एक वातन एवी ऊंजु कभी से ,तारो से च्यो आखो वेचीन गरीबोह वाट दे अने तोहो स्वर्ग मा धन जुडहे ,अने अविन मारे फसव चाल । 23) यो हंबवीन खुब उदास अने नाराज ओयु ,काहाके च्यु खुब धनवान ओतु । ^{24 25} 24) येशु यो देखीन कोयु , धनवानोन स्वर्ग राजमा जाणे खुब कठीन से । 25) परमेश्वरन राज मा जाणे देखो उटडान हुईन डुचामा देख निकवणे सोप से। ^{26 27} २६) अने हबंणेवाला कोया ,तेतार कुणीन उदधार ओयहे । २७) येशु कोयु ,ज्यु माणुह नी कोर सेकतलु च्यो परमेश्वर कोर सेकतलु । ^{28 29 30} २८) पतरस कोयु ,देख आमु ते घर बार सुडीन तार फसव आव्या । २९) येशु तीनुह कोयु ,मी तुमुह खोरों कोयो के ओहलु नीमले ज्या भी परमेश्वर राजन कोरीन घरमा लाडी या भाई या आयी - बाबु या बाल बच्चा छुड देल्ला से। ३०) अने इन टेमे काही ज्यादा नी जुडयो अनो परलोक मा अनंत जिवन । ^{31 32 33} ३१) फोसु च्यु बारा चेलाहाते लीन तीनुह कोयु ," आमु यरुशलेम मा जाताहा अने जतरी वात माणहोन पुरयान कोरीन भविष्यद्वक्ता द्वारा लेखायली से ची आखी पुरी ओये । ३२) काहाके च्या अन्यजातीन हाथोमा सोप देहे अने तेरु मजाक बोणावहे ,अने तेरु आपमान कोरहे ,अने तेर पोर थुपहे । ३३) अने तीनाहा चपकडा देहे ,मार नाखहे ,अने तीसरे दिह च्यु जीवतु ओयहे । ³⁴ ३४) अने च्या इनी वातोह एकाह भी नी समझी ,अने यी वात लिकायन रोयी ,अने ज्यो कोयणे आवलो ओतो तीदंरे समझ मा नी आव्यो । ^{35 36 37} ३५) जेतार च्या योरीहो हाते पुच्या ,तेतार एक आंधवो सडकन किनारे बोठीन बिख मांग तु ओतु । ३६) अने गरदीन आवाज हबींन ,फुच्यु " ये काय ओयणे बाजरोयीह । ३७) च्या तीनाहा कोया,येशु नासरी जाणे बाज रोयुह । ^{38 39} ३८) तेतार च्यु आयडीन कोयु, हे येशु दाउदन पुन्या मार पर दया कर । ३९) ज्या अगव अगव जाता ओता ,च्या तीनाहा जुलीन ठावका करता ओता ,पुण च्यु जुरे जुरे आयडीन कोयु हे दाऊदन पुन्या मेहे पर दया कर। ^{40 41} ४०) तेतार येशु उभ रोयन आज्ञा आपो , के इनाहा मार पाह लावु ,अने जेतार हाते आव्यु , तेतार येशु यो फुच्यु । ४१) तु काय हुदतलु ," मी तार कोरीन काय कोरो ,च्यु कोयु ,हे प्रभु मी देखणे से ^{42 43} ४२) येशु तिनाह कोयु ,देखने लाग ,तारु विश्वास तोहो हाजु कोरलु से। ४३) अने च्यु लगेज देखने बाज गोयु ,अने परमेश्वरन बडाई कोरतु तेरे फोसव चाल पोडयु , अने आखा माणहे देखीन परमेश्वरन स्तुती कोन्या ।