^{1 2} १) फसु येशु चेलाह भी कोयु एक धनवानन एक भंडारी ओतु अने भंडारीह तीना धनवानन सामने दोषी (गुनेगार)बनाव्या के यु तारी संपत्ती रिकामु उडावतु। २)तेतार धनवान तीनाहा हादीन कोयु के यो काय से मी तारा बारामा काय होबवणे बाजरोयुह तु तारा सबुतन देखी आप दे काहाके तु एवी भंडारी नी रोय सेकतलु। ^{3 4} ३) तेतार भंडीरी वीचार कोयु एवी मी काय कोरो काहाके मारू मालीक मारो काम बंद कोरदेहे कादुव ते मेहे खोंदाये नी अने भीख मागणे मेहे लाज आवहे। ४) मी समझी गोयु के मेहे काय करनु से काहाके मारो काम बंद ओय जाहे मारो काम छुट जाहे तेतार माणहे मेहें तीदरा घरमा ली लेय। ^{5 6 7} ५) अने च्यु तेरा मालकन एक एकह बुलाव्यु पेल्लाहा फुस्यु के तार पर मारा मालकन कोतरो कर्ज से। ६) च्यु कोयु शंभर मन जैतुनन तेल तेतार च्यु तीनाह कोयु के तारो वही खातो ले अने बोठीन पन्नास लेख दे। ७) फसु दुसराहा फुस्यु तार पर कोतरो कोर्ज से च्यु कोयु शभंर मण गंव तेतार च्यु तीनाहा कोयु तारा खाताम अस्सी लेख दे)। मालक तीना पापी माणहह पारख्यु के काम करने चतुर से काहाके इना संसारन माणहे रिती व्यावहार माज्या उजावान माणहो देखा जास्ती चतुर से। ^{8 9} ८)अने भी तुमुह खंर कोयो के अधर्मन धन देखा तुमरा दुस्ती बणाव लेयु काहाके जेतार च्या जान रोये ते च्या तुमुह अनंन नीवासमा लीलेय। ^{10 11 12} ९०) ज्या थुडामा थुडा विश्ववासमा से च्या हंववमा विश्ववास योग्य से ज्या थुडाक थुडा अधर्म से खुब हंववमा आधर्म से। ११) इनान कोरता जेतार तुमु सांसारीक धन मा विशवास योगय नी रोये, ते तुमुहु खोरलो धन कुण सोपहे? १२) इनान कोरता जेतार तुमु सांसारीक धन मा विश्ववासयोग्य नी रोये ते तुभुह खोरलो धन कुण सोपहे ¹³ १३) उने कानलु चेलु दुय मालीकन सेवा नी कर सेकतलु काहाके च्यु एकाहाने बैर कोरहे ने दिहरा हाते प्रेम कोरहे नीते एकाहाने भीवायन रोयहे अने दुसराहा काहीच जाणे तुमु परमेश्ववरन अने धनन दुयन सेवा नी कर सेकतला। ^{14 15} १४)फरीसी ज्या लोभी ओता यी वात होबवीन उपहास को कोरने बाज गया । १५) च्यु तीनुह कोयु तुमु ते माणहोन सामने खुदह धर्मी रावणे बाज रोयाह पुण परमेश्वर तुमरा मनह जाणतलु कण्हाके जी वस्तुतव माणहत नजरमा महान से ची परमेश्वर हाते वाईट से। ^{16 17} १६) जहा तक योहान आवलु नाह तक व्यावस्था अने भविण्यद्क्त प्रभाव मा ओता तीना टेमे देखा प्ररमेश्वर राजन सुसमाचार कोयताओता अने हर कुण तीनामा प्रभाव देखा प्रवेश करता ओता। १७)आकाश अने धरतीत वणे व्यावस्थान एक टिंबु मिटायणे देख सहज से। ¹⁸ १८)ज्यु कुण तेरी लाडीह काढ देय अने दिहरीहाते वियाव करतलु च्यु व्याभीचार करत्लु च्यु कुण ओहली निकवली बाई हाते वियाव कोरतलु च्यु भी व्याभीचार कोरतलु। ^{19 20 21} १९)एक धनवान भाणुह ओतु बैंजनी कपडा अने मलमल पेरतु ओतु अने दाडीन सुख विकास अने धुम धाम मा रोयतु ओतु। २०) लाजर नावन एक गरीब बिमार जेरा शरीर पर जख्म ओता तीनाहा धनवानन झुपे लावीन मेकता ओता। २१)अने तीनाहा यो जुवतो ओतो धनवान खाणो खायन उगरलं खाणं खायन पेट भरतोतु उंजु कुतरा भी आवीन तेरा जखम चारता ओता। ^{22 23} २२) अने होहे ओयो के च्यु भिकारी लाजर मर गयु अने स्वर्ग दुत तीनाहा लीजाईन आब्रहमन खुवामा मेक्या अने धनवान मर गयु अने तीनाड दाक देव्या। २३)अने नरकमा तोनाहा पीडा ओयी अने डुवा उचा कोरीन देख्यु अने सेटुज देखु आब्रमन खुवामा लाजरह देख्यु । ²⁴ २४) अने तीनाहा आयडीन कोयु,से बाबा आब्रमन मार पर दया कोरीन लाजरह मुकोल में, काहाके तेरी आंगुव कोरीन एक थेम पाणीमा भिगवीन मारी जीभ ठंडी कोरे ,ठहाके मी इना आठठामा तरास कोरने बाज रोयुह । ^{25 26} २५) पुण आब्राम कोयु ,हे पुरया याद कोर के तु तारा जीवन न टेमे हाजी चीज ली लेदयू से ,अने तेहेज लाजर भी खराब चीज पुण एंवी या शांती जुड रोयीह ,अने तु तरास कोरने बाज रोयुह। २६) अने इन आखी वातोह छुडीन आमरे अने तारे विचमा एक खुब मोटी खाई से की ज्यु कुण यें देखू होंये अने होंये देखु यां आवणे हुदे ते नी जाय सेके ,अने कुण होंय देखु यां नी आव सेके । ^{27 28} २७) च्यु कोयु हे पिता मीतोह विनती कोरतलु ,के तु होयाह पारे बाबान घर मुकोल । २८)काहाके मारा पाच बायहे से लाजर तीदरे सामने इन वातोह तीनुह कोयदेय ओहलो नी ओये के च्याभी इनपिडाम जागामा आवे। ^{29 30 31} २९) आब्रहम तीनाहा कोयु तींदरे पाह मुसान अने भविष्य द्क्तान पुस्तकें से च्या तेरी होंबवे। ३०)च्यु कोयु नी हेपिता अगर कुण मोरलु माणुह फोसु जाईण तीनुह कोयहे तेतार च्यु मन फिराव। ३१)च्यू तीनुह कोयु जेतार च्या मुसा अने भविष्य द्क्तान नी होंबवे ते अगर भरला माणहोन च्यु जीव उठे तेभी तेरो नी होबंवे।