¹ Lizinong nani i ne ati bara anan tigo nin nanan tica tigo ,inunku vat. ² Na iwa firin umong ba , na iwa su mayerdan ba na isun anit ti bau mine nin dursuzu nteltinu nati udu na ti vat ³ Bara nani arik atibite nwa di sa ukpilzu nin salin nunku nati ,tiwa cinu hem ti so acin kuna niyizi nin lanzun mmang .Tiwa di nanyan likara linanzan nnin shina. Tiwa nari ati bite nin salin laun mmang. ⁴ Bara na nshau kibinai Kutelle unan tucu bite nin son suu me udu kitin nit adaa. ⁵ Awa tucu nari nnuzun maru upese nin lipesen Nfip mi lau , na bara ni tawaa na tisuzu ba , bara nani nkunekune mere . ⁶ Kutelle na ni nari Nfip me milau nanya Yesu kristi unan tucu bite. ⁷ Awa suu nani tina see usortu nanya mbolu Kutelle , ti da su anan lin gadu nlai sa ligang nin likara kibinai. ⁸ Too ti pipinghe tinyinuwari.Ndi nin suu iliru nin likara kibinai bara ele imone , ara ale na uyinna nin Kutelle iceu nibinai mine nitwa ni cine naa ana ceu nbugn mine .I le imone caun nin se ugb ardan bara anit vat. ⁹ Bara nani sunan mayardan tilalalng tone nin piziru na kura nin fizu nibinai nnun bara uduka . I leli imone na icau ba nin salin nimong kitene. ¹⁰ Nari ule na adin dasu nin kosu natii nanya mine iwa malu wunughe atuf urun sa tiba. ¹¹ Nin yinu au umusin ntele amlu killau liti me nanya libau ti terd nin tizu kulapi nca nkul. ¹² Dana iwa tuu Artamas sa Tychikus ku kiti mine tanmas idak kiti nighe in Nikopolis kikaa nan ina yinin in soo ku kubin tutuwui. ¹³ Tanmas ituu Zinas ku unan yiru ndoka. nin Apollos , nin nimong ile na idinin suwe. ¹⁴ Na amit bite masu nitwa nicine nanga na nima bizu ti bukata ti kpaikpai bara iwa so sa nitwa ba ¹⁵ Vat nale na idi nin me idin lisu minu .Lison ale na idi ni su bite nanya yinnu sa uyenu ubolu Kutelle soo nan ghinu . usuo nani