¹ Bulus kucin Nkristi Yesu, nin Timothy gwana bite ucindu kitin Philimon , gwana nsubit nin adon katawe, ² Cindukiti ngwana bit kishono bit Abiffia nin du Akiribu kusoja wang nanya katuwa ucindu kitin nlirangafe: ³ Impip Kutellẹ na uyenu nin lisosin limang me nusu kitin inchif bite nin Chikilari Yesu Kristi so nanya mine. ⁴ In su Kutellẹ nin nnjah nngai ko nin shi Kutellẹ ⁵ Nndin lanzinu ninghinu nya mine sanliran , ligan na idumung nanya Cikilari Yesu nin yinnu mine sauyenu udu kiti nanit alumai ⁶ Nndin nlira ussu katuwa mine nnyan nyinu sa uyenuyits nin likara ulle na udi nanya bite nin Kristi ⁷ Bara nnamaluse mang kang , nin nrisu kibinai nanyannsufe, bara nibinai nanit alau nati mang bara fegwana. ⁸ Bara nanin , vat nanin andina likara kibinai nanya Kristi mtifi usu imon illena ubasu ⁹ Vat nani bara usuu nndin suffi usere ukwilizufe meng ulle nwandi. Bulus ndi nawa kilari licin bara Kristi Yesu ¹⁰ Ndifi kucikusu nbekken usau nighe Onisimus ullena ndi ucifme uworu licin nighe. ¹¹ Barna awa man difi hem , ne ne adi imong icine kitife nin mi. ¹² Ntoghe ame litime ulle na ukwiliz kitife adi kibinai nighe. ¹³ Ulle na uwang cinghe kitikanghe kang bara fewe awa buni, meg ulle na ndi nanya kilari licin Kutellẹ. ¹⁴ Nan nndin nin nsa nsu imomon sa uyiru ba. Bara katuwa ichinife waso nafo ana tifiku sua uyin nafew ¹⁵ Umoh uti iwa kosufi ninghe nanya kubi baat bara unan so ninghe sa ligan ¹⁶ Na adu kuchin ba akalin kuchin ,nafo gwana kinnayi nighere badi nin nanin nanere abadikitife nanya kidoawo nin nanya Nchikilari. ¹⁷ Assa uyirai nafo udon kataweri , serreghe nafo meng, ¹⁸ Assa anitifi umon utanu nmomon ana lifi ure pizira usere kining ¹⁹ Meng, Bulus , nnyertine nin na chara nin; nba kuturnufiku , men bellinfi ndi dortufi ure nlaifeba. ²⁰ Eh,gwana, nase liburi liboo nanya Ciliari nse unanku kibinai nanya Kristi, ²¹ Uyinnu nin nnonku litifer udortu lirufe ntah unere nndin nyiru ubasu gbardang ukata nimon ubellu nighe. ²² Assault uso naninkelei kuti namara, bara ndi ncisu kibinai nanyan nliran ima yinnu ndak kitife. ²³ Apafras udon licin nanya Kristi Yesu din lisuu fi ²⁴ Nanere wang Markus ,Aristakus ,Demas Luka, adon katwa ning. ²⁵ Na ubollu Nchikilari bite Yesu Kristi so nin infip mine uso nani.