Kutanki 28

1 Nene na Asabat wa cinu ukatu, a icina upiru liri lin finnun nsati, Maremu Magdalin nin leli Mareme da ida yene kiseke. 2 Itunna iyene ina su uzulunu kutyin kang, bara kunan kadura Kutelle wa tolu unuzu kitene kani, ada turno litale, anin so kitene linin. 3 Uyenju me wadi nafo umalizunu nwuru, a imon me wa pugun nafo aduga. 4 Anan cawe nketuzu ninfiu inin so nafo abi. 5 Unan kadura Kutelle lira nin nawane, aworo nani, "Yenje iwa lanza fiu, bara nyiru idin pizuru Yesue ku, urika na iwa kotinghe. 6 Na adi kikane ba, amal fitu, nafo na awa belin minu. Dan ida yene kiti kanga na Cikilare wa non ku. 7 Can mas idi bellin nono katwa me, 'Afita nanya nanan kul. Yenen amini nbun mine udu Ugalili.' Ima yenughe kikane, yenen, nbelin minu." 8 Awane tunna inya kiti kisseke nin fiu nin nayiabo kan, nin cum ndi bellin nono katwa me. 9 Yesu tunna azuro nan ghinu aworo, "Ishawan." Awane da, ikpa abunu me, inin sughe usujaida. 10 Yesu nin woro nani, "Yenje iwa lanza fiu. Can idi bellin nuana inya udu Ugalili. Kikane, ima yenii." 11 Na awane wadi ncin, vat nanan cawe pira nanya kipine idi bellu ago na Prieste vat nimon ilenge na iyene. 12 Na a Prieste wa zuro nin nakune isu uliru nan ghinu, ina anan tecu natine ikurufun gbardang. 13 Inin woro nani, "Bellen nani among nonon masu katwan 'Yisa' na dak nin kitik ida tuzu kidowo me a arik yita nmoro.' 14 Asa uliru ulele nduru kitin gumna, tima sonu litime na ama su minu imonimon ba." 15 Asoje sere ikurfughe, itunna isu nafo na ibelle nani isu. Uliru ulele mala kiti nanya na Yahudawa, uleo ubun tutung udak ko kube. 16 Ama inung nono katwa likure nin warum nya udu Ugalili, udu likup longo na Yisa wa woro nani ido. 17 Na iyeneghe, itumuno isughe lirru among mine yita tibatiba ninghe. 18 Yisa da kiti mine, alira nanghinu aworo, "Tigo kitene kani nin tin nyii ulele vat inaa nacara ning. 19 Bara nani, can nanya nipinpin nyii idi bellu nani uliru umang, ise nonon masuu katwa. Itizu nani ubatisma nanya lissa Ncif, nin Saun, a Uloon Kutelle. 20 Dursuzon nani idofin vat nimon ile na nna bellu minu. Tutung yenen, Ndi ligowe nanghinu kolome liri, udu ligan nyii."