¹ Tiyiru ninaa na ti susin ku nanya yii ulele ima da pucu niining,, tidi nin nilari kiti Kutelle nanya na acaramnit na kyee ba, barannani nin lisosin sa lingang nanya tkitene kane. ² na nanya kudanga kone tidin gbulu, ncaa ida kirum nari nin nilari Ketene kane. ³ nani tiwa yita suwe nanin bara na tiwa soo asere ba. ⁴ , Kidegene tiwa di nanya kudanga kune tiama gbulu bara nati iserenghe , nao tidinin su tiso Iseere ba, bara na tidin nin su ikiru narriari, bara imun ile na nidowo wa ni yauna nin lai ⁵ Ame ule na adi ke nari bara ile imune Kutelle ari. na ana nari nfep nato,alkawali ni mun ile na idin cinu. ⁶ nani vat kubi yitan nin nayi akune yinong ti wwa di kitari nanya kudowo,tidi piit nin cefe. ⁷ na tidin cin nin yinu sa uyenu , nanin yenjunari, ba. ⁸ Bara nanin ti din nin nayi , akune mbara ti yita piit nanya nidowo tiyita kilari nan cif bat. ⁹ ilele na ti taa inin nbung, kika natiwa di kilari nin libau ti tighe kibinai. ¹⁰ vat bite bin da yisinun bun kutet nin wucun Kristi ,bara koghe da seru mun ile na idi ime na nanya kidowo ,sa icininari sa inanzang. ¹¹ ,nin yinu fiu ncef ti din yecu anit, imile na tidi Kutelle din yenju imin kanang ,idin cisu kibinai nanere idi kanang nanya nibinai mine. ¹² Na tidin ruu ati bite mini tutung ba nanere tidin ni minu udalili na ima foo figiri nin yerik bara inase ukawun nuu na len idin foo figiri nile num na idin yenji ,na imun ille na isali kibinai. ¹³ Bara nani tiwa nuzu nanya nibinai bite un Kutelle ri tiwa di nanya nibinai bite dert bara anunghere. ¹⁴ Bara nani usun Kristin uluno nari bara nati yina nin nilele, au wasame,nadaku bara vat bite , minnane vat name ku. ¹⁵ Nin Kristi na da ku bara vat bit , bara ale na bayeti nin lai ,na i wa yita nin lai natimine ba bara nane na iyita nin lai bara ule na ana da ku amine nafita . ¹⁶ Bara nnani ule udalili nta , uyeru nene udu ubun nati ba wucu umon bara uyiru nit ba koda shilka nkon kabi tiwa yiri Kristi nanya nleli udune .Bara nani na tima kuru ti wucu umong nloli libauwe tutung ba. ¹⁷ Nin nane vat nle na adi nanya Kristi , ame uke upeseri imun ikuse na malu katu , yeneng imun ipesere di nanya me nene ¹⁸ Imon vat unuzu Kutelleri ule na adin pitiru nari udu litime nanya Kristi ,amini na ninari kataa pitiure. ¹⁹ Nafo nanin nanya Kristi Kutelle din pitiru uye udu litime , na adin batizu utursu nalapi ba nin nizu nari pitiru na cara bite. ²⁰ Nani ina fere nari mmadadin Kristi , nafo Kutelle wadin foo nacara b, bara Kristi; "Kelinen ni nKutelle." ²¹ Kristi ku aso uhadaya kulapi bite ule na ana ti kulapi ba ,bara nanya Kristi ti ba so anit alau kiti Kutelle.