¹ Bara nani ceon adadu ananzan likot vat, urusuzu liti, nshina nin liru uhem. ² Nafo nono nipesse, idi ntok mmazin milau min ruhu, inan kunjo nan nya utucu minin, ³ andi ina ciro ise cikilarie di nin kibinai kisheu. ⁴ Dan kiti nlenge na amere litala nlai longo na anite na nari, ama Kutelle na fere linin nloli di ghe gongong. ⁵ Anung wang masin nafo alala nlaiyari alenge na ina kye iso nilari nruhu, inan so a pristoci alau na ima nakpizu uhadaya nruhu ulenge na Kutelle ma seru unuzun Yesu Kristi. ⁶ Uliru ntuce nworo nenge, "lanzang nna nonko nsihiyona litala liguda kutyi, lin cizunu, licine a licaut. Ulenge na a yinna ninghe na aina ti ncing ba". ⁷ Ngongonghe min fere na uyinna ama, "litala na anan kye kutiye wa nari, linnare nso litala liguea kutiye" ⁸ a litala ntirzu a kuparang ntirizu" I tirzo, inari uyinnu nin lirue, ulenge na imung wang iwa fere nani mun. ⁹ Anung imus nferuwari, a pirist tigo, nmyin milau, annit Kutelle an litime, inan belle katwa kazikiki nlenge na ana yicila minu unuzu nan nya nsirt ucindu nan nya nkanang mi zikiki. ¹⁰ Na iwa mandi anit ba, ana nene idi anit Kutelle. Na iwa seru nkunekune ba, ama nene ina seru nkunekune. ¹¹ Yenen, nna yicila minu nafo amara nin na nan galu inan wantina atimine ntok nalapi, alenge na adin su likum nin tilai mine. ¹² Yitan nin nadu a cine nan a cine nan nya na nan salin dortu Kutelle, bara, asa isu uliru na timine nworu ina su imon inanzang, ima su seng izazin Kutelle lirin nsa me. ¹³ Nonkon ati nin tigo nanit vat bara likilari, sa ugo na amere udya vat, ¹⁴ sa anan tigo na ina tu nani ida ti anan nalapi ineo inin zazin alenge na idin sa katwa kacine. ¹⁵ Bara nanere usu Kutelle, nan nya nsu nimon icine itursu uliru tinu nanit alalang. ¹⁶ Nafo ale na idi licin ba, na iwa su katwa nin salin yitulicin mine imon tursuzu katwa ka nanzang, ana son nafo acin Kutelle. ¹⁷ Ghantiuan anit vat. Tan usu linuwana, tan fiue Kutelle ghantinan Ugo. ¹⁸ Acin, nan nibinai mine kiti nan cinilari mine nan nyan nonku nati, na kiti nan cinilari acine cas ba, umunu a nanazanghe wang. ¹⁹ Bara imon ngongonghari asa umong ntere kibinai nan nyan konu a ayita nniu asa i waso uliru na dert ba bara uni litime kiti Kutelle. ²⁰ Mmari mi mashinari diku uwa ti kulapi unin ti anyi akona kubi nhoro? Ama asa uta imon icine umin nneo kubin horo, ilele imon ngongonghari kiti Kutelle. ²¹ Kiti nilelere iwa yicila minu, Kristi wang na sono unin bara anughe, amini na sun udursuzu nworu among dofin libo me ²² Na an ti kulapi ba; a na ina se kinu nnu me ba. ²³ Na iwa zogoghe, na awa tunu izoge ba, na awa neo, na nan tunu uniwe ba, ama ana ni litime kiti nlenge na adin su ushara dert. ²⁴ Ame litime na yaun alapi bite kidowo me udu kitene kuca, bara arik wa kuru ti se ndinong kulapi, arik nan se tiso anan sali na lapi. Bara anit kidowo me ina se ushinu tikonu mine. ²⁵ Vat mine na galu nafo akam nwulu, ame nene ina kpilin kiti nnan libyawe nin nan yenju tilai mine.