¹ Kagiya miyada so mga sala tano sabapan sii ko paratiyaya, ad'n a kamapiyaan tano sii ko Diyos sabap ko Panginoong Jesu-Cristo. ² Sabap r'kiyan na miyakakuwa tano sa lalan poon sii ko paratiyaya sa rizki aya ko anda tano tumitind'g. Tanto tano a p'kababaya sii ko kasimba a inib'gay r'kitano o Diyos para sii ko mga qad'r tano, so kasimba na pakimbagi tano sii ko kamapiyaan o Diyos. ³ K'naba bo giyaya, uway na tanto a p'kababaya tano ko mga karasayan tano. Katawan tano a so karasayan na kasambyan sa kasabar. ⁴ So kasabar na kasambiyan sa kaiyog, ago so kaiyog na kasambiyan a titho sii ko kuris. ⁵ Di kalugi so paninind'g tano, kagiya so kabaya o Diyos na ipamgay niyan sii ko mga puso tano poon ko Banal a Espiritu , a s'kiyan a inibgay r'kitano. ⁶ Ugaid na amay ka malubay tano p'n, miyatay si Cristo ko mapiya a gawii sii ko mga k'naba maka-diyos. ⁷ Ugaid na marasay sii ko isa a taw a miyatay sii ko a mapiya a taw. Giyanan na, aya di tabiya na amay ka ad'n a mawaraw e sorong kabaya matay para ko mapiya a taw. ⁸ Uway na piyatunayan o Diyos so kapkababayae niyan r'kitano, kagiya guwani ko mala tano e dusa, na miyatay si Cristo para r'kitano langon. ⁹ Aya p'n uba imanto a miyada d'n so mga dusa tano poon ko rugo iyan, kiligtas tano poon sii taman ko rarangit o Diyos. ¹⁰ Ugaid na ibarat, guwani ko s'kitano na mga kalaban, mingi kasundo tano ko Diyos sabap ko kabpatay o wata iyan, labi d'n imanto ko mapasad tano mikasundo, kiligtas tano poon ko niyawa niyan. ¹¹ K'naba bo giyaya, uway na tanto bon a p'kakabayaan tano so Diyos sabap sii ko tuhan tano a si Jesu-Cristo, sabap r'kiyan na miyatanggap tano so kapagisa isa. ¹² Ibarat na, sabap ko isa a taw na lumiyusod so kadustaan sii ko maging'd, ko lagidaya a kapagukit ukit na lumiyusod so kapapatay poon ko kadustaan. Ago miyakalantap so kapapatay ko langon a taw, kagiya miyakandusa langon. ¹³ Ugaid na bago so kasuguan, na so Kadustaan na sii d'n ko maging'd, uway na daa pagako ko kasalanan amay ka daa kasuguan. ¹⁴ Uway na, miyangindatuan so kapapatay poon ki Adan taman ki Moises, ago apiya ko mga dap'n makandusa lagid o dakasunod e Adan a s'kiyan e pakawma a dapat iring'n. ¹⁵ Uway na, so kapiyaan na daa bayad iyan na k'naba lagid o makandudusa. Ugaid na ibarat o sabap ko kadusaan o isa na miyatay so kadak'lan, labi p'n p'kapiya sii ko kadak'lan so mga rizki o Diyos ago so kapiyaan poon ko rizki o isa a taw a si Jesu-Cristo. ¹⁶ Ugaid na so kapiyaan na naba lagid o p'kasuwa o mga miyakandusa. Uway na, miyakawma so kukuman o kasiksaan kagiya ko kadusaan o isa a taw. Ugaid na, so kamapiyaan na pkasambiyan o kapkada o dusa na miyakawma ko mapasad so kadak'lan a makandudusa. ¹⁷ Ugaid ibarat na sabap ko isa a makandudusa, so kapatay na miyangindatuan sabap ko uman isa, labi d'n pangindatuan so mga pakakuwa sa kamapiyaan a rizki ago kapiyaan a titho sabap ko niyawa o isa a si Jesu-Cristo. ^{18 19} Ibarat o, sabap ko dusa o umaniisa, so langon a taw na miyakawma ko kasiksaan, labi d'n o poon ko gal'b'k a titho na miyakawma so kapkada o dusa para ko langon a taw. Kagiya sabap ko dikapsunod o isa a taw, na so langon na miyamakandusa, lagid bon uto sabap sa kapsunod o umaniisa, madak'l a miyamakatitho. ^{20 21} Uway na ko makawma so kasuguan, para samawto so kadusaan na makas'la. Uway na so kapiyaan a pakandusa, tanto a miyakapiya so rizki. Miyasuwa aya para, lagid o kapapatay a miyangindatuan ko kapapatay, lagid bon uto so rizki na miyangindatuan sabap ko kapakatitho sii ko uyag uyag a daa tamaniyan sabap ki Jesu-Cristo a tuhan tano.