¹ Samanan, ah ad'n ah mama ah m'ngangaran sa Lazaro ah adn ah sakit iyan.Skiyan na puon sa Bethania ah eng'd eh Maria ago so pagari niyan ah babay ah si Martha. ² Skiyan si Maria ah punas sa bulong ko Kadnan ago pamonas ko bok iyan ago ko ah eh oh kadnan, skiyan so pagari eh Lazaro na skiyan eh adn ah g'g'dam'n iyan. ³ Ago miyaki tharo so pagari niyan ah babay ki Jesus ago pitharo, " Kadnan, ilayangan so p'kababayaan ka ah adn ah g'g'dam'n iyan." ⁴ Ko makin'g aya eh Jesus, pitharo iyan, " Giya g'gdam'n aya na di khapasad taman sa kapatay, Kagya giyaya so bag'r oh Kadnan sabap sa skiyan so wata oh kadnan na mala skiyan ah daradat." ⁵ Samanan ah kababayaan eh Jesus si Marta ago so pagari niyan ah si Lazaro. ⁶ Ko makin'g aya eh Jesus, miyaka duwa skiyan ro pn ah gawi eh. ⁷ Ko mapasad aya, pitharo iyan ko mga sogosogoan iyan, "Tumaros tano sa Judea." ⁸ Pitharo oh mga sogosogoan rkiyan, "Rabi, samanan na pipuonan dn mangamb'l oh mga Judio, ago kasoy ka roo paruman? ⁹ Mitharo si Jesus, "knaba ba sa isa gawi eh na adn na duwa polo ah oras ah sindaw? amay ka so tao na lumiyalakao na ogaid na so alungan, di skaniyan ki r'pang kagya phaka ilay skaniyan ko sindaw oh alungan. ¹⁰ Makin pn mauto, oh skiyan uto ah plalakaw ko kagagawii niyan, na so skiyan uto na di kaparu sapab sa da rkiniyan so liwanag. ¹¹ Pitharo eh Jesus ah giyaya ah mga katharu, agu so kiyapasad uto, pitharo iyan kiran, "So layok tano ah si Lazaro na miyaka turog, ugaed na sungan akn skiyan roo para pukawn akn skiyan." ¹² Na pitharo oh mga sugu-sugoan rkiyan, " Uba miyaka turog si Lazaro, na skiyan na paka bagr. ¹³ Imanto na pitharo kiran eh Jesus so ka kapathay eh Lazaro, ugaid na aya tigiranon na aya niyan ptaroon na sabap sa kad'd'kha sa katurog. ¹⁴ So kiyapasad iyan na pitharo kiran eh Jesus sa maliwanag, " Si Lazaro na miyathay dn." ¹⁵ Para ko kapiyaan iyo, miyababaya ako ah dako roo dn sabapab sa angkano maka pangimbnar. Sumong tano rkiyan. ¹⁶ Si Tomas ah p'tawag'n guwani ah Didimo, pitharo iyan ko mga laged iyan ah sugu-sugoan, "Sumong tano ron, para mathay ah p'd tano si Jesus." ¹⁷ So kiyapaka uma eh Jesus, na kiyatukawan iyan na miyka pat dn gawii sa l'b'ngan si Lazaro. ¹⁸ Imanto ah magaan dn ah Bethania sa Jerusalem, sapolo agu lima ah engud ah kawatan iyan. ¹⁹ Madakl ah mga Judio ah sumiyong siki Marta agu Maria, para mat'mbang iran siran sabap ko pagari iran ah si Lazaro. ²⁰ agu ko man'g eh Marta ah paka talinguma si Jesus na inalaw niyan skiyan, ugaid na si Maria na dadn salin ah ka-uuntod iyan sa walay. ²¹ Pitharo eh Marta ki Jesus, "kadanan, ubo oh sasaya ka, na di pathay so pagari akn. ²² Apya imanto dn na katawan ko ah apya antunaa dn eh pangnin ka ko kadnan na imbgay niyan rka." ²³ Pitharo eh Jesus rkiyan, "SO pagari nga na p'mbuwat paruman." ²⁴ Pitharo eh Marta rkiyan, "Katawan ko ah p'mbuwat skiyan paruman ko kapapatay ko muri ah alongan." ²⁵ Pitharo eh Jesus rkiyan, "Saki so miya-uyag agu niyawa; so pangungunotan raki, uway na apya pn so skiyan uto na miyatay, na makin pn mautho na kawyag skiyan paruman; ²⁶ agu sadn sa mauuyag ah psamba raki na didn mathay. Maka pangimbnar ka saya?" ²⁷ Pitharo iyan rkiyan, "Uway kadnan ko, miyangimbnar ako ah ska so Cristo, so wata oh kadnan ah miyaka talinguma sa dunya," ²⁸ So kiyapasad iyan saya taro, na gumiyanat skiyan agu tiyaluwan iyan si Maria ah pagari niya, Pitharo iyan, "Sasaya so Guro agu piyaki taluwan ka niyan. " ²⁹ So kiyan'ga saya eh Maria, na mingagaan skiyan tumind'g agu sumiyong ki Jesus. ³⁰ Imanto, na dapn maka talinguma si Jesus, ka sisii skiyan pn ko eng'd ah kiyatuonan iran ki Marta. ³¹ Agu so mga Judio ah p'd saki Maria ko walay iran, ah P'tmbang kiran, so kiya ilaya iranon ah tuminind'g ahu dii gagaan, na tiyundog iran skiyan, aya tigiranon na sungn ko l'bngan ka roo guraok. ³² So kiyapaka uma eh Maria ko ka g'g'n'khan eh Jesus, agu miya-ilay niyan skiyan, sarta ah miyangimbabaan skiyan agu pitharo iyan rkiyan, " Kadnan, ubo oh sasaya kano na naba pathay so pagari akn." ³³ So kiya ilaya eh Jesus ah skiyan na pakaguraok agu so mga p'd iyan ah mga Judio na pamguraok, na miyaka l'm'k ah ginawa niyan agu miyasaling ah niat iyan; ³⁴ pitharo iyan, "Anda niyu skiyan mingi l'b'ng?" Pitharo iran rkiyan, "Kadnan, sungkano saya agu ilaya niyu." ³⁵ Si Jesus na gumiyanat. ³⁶ So kiyapasad iyan, pitharo oh mga Judio, "Ilaya niyu eh taman ah kap'khababayae niyan ki Lazaro!" ³⁷ Uway na pitharo oh sabaad, "Ba di kagaga ah taw aya ah skiyan uto so miyagaganiyan ah mapaka ilay niyan so guwani ah di pakha ilay, na magaga niyan mambo ah mawyag iyan ah mama aya?" ³⁸ So kiyapasad iyan, so dii kandara-enon eh Jesus, sumiyong skiyan sa l'b'ngan. Imanto na giyaya na isa a takob ago ad'n ah satiman a wator ah sumasap'ng sa giyaya. ³⁹ Pitharo eh Jesus, "Kuwaaniyo ron so wator. " Si Martha, na pagari eh Lazaro ah miyatay, na mitharo ki Jesus, "Kadnan, sa angainin a oras na so lawas iyan na p'kar'dak, sabap sa miyakapat d'n ah gawii ah miyaipos so kiyapatay niyan. " ⁴⁰ Pitharo eh Jesus rkaniyan, "Ba dako r'ka matharo ah oh miyangingimb'nar ka na khailay nga so kabarakat oh Kadnan?" ⁴¹ Na inada iran so wator. Mimbuwat si Jesus ago pitharo iyan, "Ama, panalamatan ak'n s'ka ka piyamakinig ako nga. ⁴² Katawan ko ah lalayon ako nga pamakin'ga, ugaid na makaphuon sa mga taw aya ah leleb't'n ako iran, ka ansiran makapangimbnar ah inisugo ako nga." ⁴³ Ko miyapasad iyan matharo aya, milalis skiyan sa mabag'r ah suwara, "Lazaro, Liyo ka!" ⁴⁴ luminiyo so miyatay ah mama, ah mapuputos so mga lima niyan ago mga ae ah suyaw ah pang l'beng ago so buntal iyan na mapuputos mambo ah tila. Pitharo eh Jesus rkiran, bukainyo skiyan ago pakaawaan." ⁴⁵ Ago so madak'l ah Judio na sumiyog ki Maria ago miyalay iran so siwa eh Jesus, na suminimba rkiyan; ⁴⁶ ugaid na ad'n rkiran ah miyawa tandang ko mga Pariseo ago pitharo iran so pisuwa-suwa eh Jesus. ⁴⁷ Ago tinimo oh mga p'kaunotan ko mga pari ago so mga Pariseo so konseho ago pitharo, "Antunaa eh suwaan tano? Giyaya ah taw aya na madak'l eh pimbaal ah t'ndo. ⁴⁸ Oh pagiyugan tano skiyan ah skiyan bo ah laged inin, langon na pangimbnar rkiyan; so mga Romano na sung siran saya na kuwaan iran so ing'd ago ped so bansa tano. ⁴⁹ Makin p'n mauto, ad'n ah satiman ah mama rkiran, si Caifas ah pinakamapuro ah pari ah gyuto ah gawii na mitharo rkiran, "Da katawan iyo. ⁵⁰ Ba di niyo pamikira ah giyaya na makaaayon ah ad'n ah satiman ah tao ah aya mapiya na matay para ko mga taw, udi so kalangpan ah dunia eh matay." ⁵¹ Imanto, pitharo iyan aya k'naba sabap sa ginawa niyan ka misabap ko kababaloy niyan ah kapkaunotan ah pari sa gyuto ah ragon, miyagalamat skiyan ah si Jesus na phatay para ko dunia, ⁵² ago k'naba bon para sa dunia, ka para matimo eh Jesus so mga wata oh kadnan ah mipaparak ko barang barang ah ing'd. ⁵³ Na gyuto ah gawii uto na piplanuwan iran eh ukit ko kambunu-an iran ki Jesus. ⁵⁴ K'naba d'n p'lalakaw si Jesus ah pkatukawan oh mga Judio, ugaid na miyawa skiyan roo ago sumiyong sa isaka ing'd ah marani sa ped ko darpa ah p'tharoon ah Efraim. Roo na miyagistidi ped so mga urip'n. ⁵⁵ Imanto na so kanduri oh mga Judio na magaan dn mauma, madak'l ah sumiyong sa Jerusalem makaphuon ko mga ing'd para kalimpiyu-an so mga ginawa iran. ⁵⁶ Pingilay iran si Jesus, ago di iran dimbitiyaraan sa ginawa iran so gyuto ah katitin'g iran ko templo, "Antunaa eh pandapat iyo ron? ba di skaniyan mangaday di pakauma sa pakaradiyan?" ⁵⁷ Imanto, inisugo oh mga p'kaunotan ko mga pari ago so mga Priseo oh antaa eh kikatawan oh anda si Jesus na taru-a iran para iran madak'p.