¹ Ange nji mi thindiya ngocho, va munanana, ku ngozhi ya Kalunga, muhane mivila yeni ngue chikombelo cha muono, kulela, yije yiva tava kuli Kalunga. Echi chikechio chipanga cheni cha mi thsimanena. ² Keti uli hake ku chifua cha lifuti, keho li lundulule na kulipanga ua muha, panga evi uzhivuke via chili, viva tambula, na viyongola via Kalunga. ³ Ku kavumbi ka nji hanene kuli yange nji handeka kuli nkala uoshe ali mukati keni: keti uli thinganiekele ove vavenia kuvukama ku tuvakana moua kala, vunoni ku tuvakana, thinganieka na kuhitha. ⁴ Tua kala na vilio via vingi mu muvila umo lika, vunoni keti vilio vioshe via kala na vipanga via kulifua. ⁵ Muomu lika, netu tua kala tuva vengi mu tu na pu muvila umo lika muli Kilistu, na vilio via ku lithaatha. ⁶ Tua kala na mavuana akulitha kushuama ku vumpahu vuva tuhana. Nga vuana vua umo vukevuo vu polofeto, lingeni vavi pange kushuama muna pu lu thselelo luendi. ⁷ Nga vuana vua umo kupanga, muecheleni apange. Nga umo ua kala na vuana vua kulongetha, muecheleni alongethe. ⁸ Nga umo vuana vuendi vua kuthimpitha, muecheleni a thimpithe. Nga umo vuana vuendi vua kuhana, muecheleni avipange na njangi. Nga umo vuana vuendi vua kutumina, muecheleni avi pange na njangi. Nga umo vuana vuendi vua kuleketha ngozhi, lingeni vavipange na liyango. ¹⁰ Echeleni kuyongola chikale cha ku jeneka kukuitha. Zhindeni via ku viha kaleni ku vilinge via chili. ⁹ Kutuala kuku liyongola cha vamunaina vava mala, kaleni na kuliyongola umo na mukueni. Kutuala ku kathingimiko, lithingimikeni umo na mukuavo. ¹¹ kutiamena kuku zhangama, keti mu kokovoke kutiamena Spilitu, pangeleni Kalunga. ¹² Jolela muku tatelela, kaniameni ku kayando, thseleleni muku lombela. ¹³ Kuatheni vuhutu vua vantu va kulela va Kalunga. Uana vingila via vingi muku leketha va ngenzhi va jumbuleni. ¹⁴ Va vethika vaje va mithsiha, va vethike na ku jeneka kuva thinga. ¹⁵ Joleni novo va jola; lileni novo va lila. ¹⁶ Kaleni va mana a kulifua kuli umo na mukuavo. Keti uthinganieke mungila ya kulihametha keho tambula vantu va vihutu. Keti uzhangame mu vithinganieka viove vavenia. ¹⁷ Keti uhiluithile mukueni via kuviha lalo. Panga via chili kumesho a mbunga yoshe. ¹⁸ Ambe kuatha, omo via hata kuli yove, kala na chivovo na vantu voshe. ¹⁹ Keti mu hiluithe eni vavenia, liyongoleni, keho haneni ngila ku vukalu vua Kalunga. Keho acho va chi haka ha mathona, " Kuhiluithila cha kala kuli yange, njika hiluithila, mukemuo a kuania Muene. ²⁰ Keho "ambe mukua chizhindo chove ali na njala, mulithe. Ambe ali na lihuila muhane mema, ambe upanga evi uka lundika manungu a tuhia ha mbandamutue uendi." ²¹ Keti aku tuvakane muka chizhindo chove, tuvakana muka chizhindo chove na vuchili.