¹ Kujombolola ca Yesu Kilistu kuje kuamuhanene Kalunga amuethe kuli ngamba yendi. Yoano atuma kangelu kendi kuli ikeye. ² Yoano ua mbuluile vioxe viamuene, ovuvukevuo vukaleho vuendi kupuitha kumuthimbu uatundile kuli Kalunga navucili vuje vua jombuelele hali Yesu Kilistu. ³ Uavethika uje atanda havaje vatolilila majui avu Polofeto navaje vovua na kuononoka vije vivana thona muli vulu eli, muomu nthsimbu ili muhiehi hiehi. ⁴ Yoano, uasonokolele kuvimbunga vitanu navivali vili muAsia. Ngothi naciyulo cije citunda kuli Kalunga uje aliko, nuoje uakeleko, nouje akendja. ⁵ Na kuli Yesu Kilistu, ikeye mukaleho uavucili, mbeli ua kuxituka kuvathsi, endi lalo muka kuthika thimiene vali hanthsi. Uatuyongola keho ua tuecelele ku vupi vuetu namaninga endi- ⁶ endi uatupuitha tukale tuthimiene, kupua vasasendote kuli Yesu ixe na kuli Yesu kilistu kukale vumpahu na ndthzili kumiaka yoxe Ame. ⁷ Taleni, ali nakuija hamaxelua; Vantu voxe vaka mumona, hamo lika navaje vamutuvile makunga. Miyati yavantu voxe vahano hanthsi vakalila mbimbia mutue mova kamumona. Muvucili cikapua ngacije vene. ⁸ Yange ua kulivanga na muka kukotokela,'' mua handekele muene Kalunga, ''Muka ndzili yoxe uje aliko, na uje akakalako, na uje akendja. ⁹ Yange, Yoano- ndualume yeni na muka kutambula tuyando na vumuene vuaKalunga nalukakatela vije vili muli Yesu Kilistu. Ange ndjava ndjihakele handjiluthi caPatomosi mukuambulula lijui liaKalunga lia vucili vuje vua jombuelele Yesu. ¹⁰ Ange ndjakele mulumunthzi kuli tangua lia muene. Ndjovuile kunima yange lijui liakama ngohoni cindindimo. ¹¹ Liahandekele ngualio, ''Vije vi umona mumbapila, visoneke vioxe , tuma kuvimbunga vije vitanu navivali, ku Efeso, ku Similina, ku Pelengamu, ku Tatila, ku Salende, ku Filandelefia, nakuLaondisiya.'' ¹² Keho ndjatengulukile muku tala lijui lije liahandekele nange, keho muku tenguluka ndjamuene vindeya vitanu na vivali via olu. ¹³ Keho hakati kavindeya ne maho ya kulifua ngohoni muna muntu, uathalele cikovelo cialaha nakumiandja yendi nalikutu muiva muntulo yendi. ¹⁴ Na vinkambu viendi viatokele ngohoni maka a Mpanga akutoka to-ngohoni mema akukonda-namexo endi ali fuile namulengi ua tuhia. ¹⁵ Mahindi aviathimine ngohoni vunengu vuakutumana, ngohoni vana vuyeletha mulutengo, nalijui liendi ngohoni lijui liamema amengi. ¹⁶ Ikeye uakuatele vintanga ntanga vitanu navivali mulivoko liendi lia cilio, mukanua kendi muatuhukilemo mukuale uavutuethi kuvali. Cihanga cendi caviathimine ngohoni mixa yalitangua liaha kati kamutue ¹⁷ Mundjamumuene, ndjauililile kumiandja yendi ngohoni muntu uakuthsa. Uakambekele livoko liendi liacilio hali yange nakukuania nange nguendi, ''Keti ukale naliova. Yange uakulivanga nauakukotokela ¹⁸ yange mukakuyoya. Ndjathsile, vunoni tala, ndjili nakuyoya kumiaka yoxe! Ndjili nampoko yakutuvakana kuthana vukalo vuavathsi. ¹⁹ Ngeci vene thona viuma vioxe vije viliko mualolo, naviuma vije vikaxuamako kulutue kunima yevi. ²⁰ Eci cikeco kulanguka cathintanga ntanga vitanu navivali vije unamono mulivoko liange liacilio, nathindeya thitanu nathivali tha olu: Thintanga ntanga thitanu nathivali thinapu tungelu vathimbunga thije thitanu nathivali, nathindeya thije thitanu nathivali thinapu thimbunga thitanu nathivali.''