1
Ovu vukevuo vu shangumukilo vua mudhimbu ua chili ua Yesu Kilistu muna Kalunga.
2
Ngue muva thona kuli kapolofeto Isaya.
Tala ange nji tuma muluwa ku lutue lua chihanga chove
umo eja ku vuayetha ngila yove.
3
Lijui lya mukaku tambeka mu mpanbo
una pande kuvuayetha mungila ya Muene," Vuayetheni vingila vyendi.
4
Youano ue dhile muku mbuitika mumpambo na ku ambulula kumbuitika kua kutenguluka na kuethela kua milonga.
5
Mu chifuti cha Yundeya na vantu voshe va mu Yelusalema, va tuhukile kuli yikeye va ka vambuitike kuli yikeye mu ndonga ya Yolondau muku litavela milonga yavo.
6
Youano ua dhalele chikanda cha ngamelu na muiva uendi ua chikanda, vya kulya vyendi vimbimba na vuki.
7
Uahandekele nguendi, "Ou eja kunima yange ykeye ua nji tuvakana ndhili, ku njatha kuvutula mikole ya vinkuaku vyendi.
8
Ange nji mimbuitika mu mema , vunoni yikeye aka mimbuitika mumpundhi ya chili."
9
Vya yombolokele ha matangua omo Yesu ua tundile ku Nazaleta ua ya ku Ngalileya , Youano ua mbuitikile kuye mundonga ya Yolondau.
10
Omo Yesu ua tuntukile mumema keho lilu lya shokolokele nampudhi yedhile hantci ualifua ngue nkuti.
11
Lijui lya tundile muilu ngualyo, "Ou munange uo nja yongola ua njiya kumbunge."
12
Vunoni mpudhi ya mutualele mumpambo.
13
Yikeye uakele mumpambo matangua makumi a uana. Satana ua tamekele ku muetheka. Omo ua kele mu mpambo natuthitu, tungelo va mu kuathele.
14
Mualolo kunima va kuatele Youno, Yesu uedhile ku Ngalileya mu ku ambulula mudhimbu ua Kalunga.
15
Yikeye ua handekele, "Nthsimbu vana yipuithamo, Vu muene vua Kalunga vuli muhyehi. Litaveleni na kutava mudhimbu ua chili."
16
Omo uendele kumukulo ua Kalungandonga kuNgalileya. Ua muene Simoni na Andeleu munaina ua Simoni va kele kuta manda.
17
Yesu ua valekele nguendi, "Ijeni munji shuame keho ange njimi pangatha mu kapua va ka ku kuata vantu."
18
Vuathi vuathile manda vamu shuamene.
19
Omo Yesu uendele kulutue ua muene va Tiango muna Sembendeu na Yoano na munaina va kele mu vuato vali nakuta manda.
20
Ua va thanene, ngeci va thile yishe yavo Sembendeu mu vuato na vaka vipanga avo va mu shikuile.
21
Mukemo vedhile ku Kapenama mu Sambata, Yesu ua yile musinangonga aka longethe.
22
Va komokele kulongetha kuendi, vunoni ua va longethele ngue umo ua kele na mpoko keti ngue mukua kuthona.
23
Ou lyala vene ua kele mu sinangonga, ua kele navi mpundhi vyaku kuvihya ua tambakanene.
24
Vika tuatha kupanga nove, Yesu uaku Nazaleta? Uneja muku tushandola? Ange njina dhivuka ove ua jela.
25
Yesu ua handekele navi mpundhi nguendi, "Holoka, tuhukamo!"
26
Mpundhi yaku vihya yamu uitha na kushana noho ya tuhukilemo na ku tambekana na lijiu lya kama. Vya tuhukile muli yikeye. Ua tambakanene na lijiu lya kama.
27
Voshe vantu valihiule nguavo vika evi? Vilongetha vya ndhili vya lishiko vyana tuhuithitha vimpundhi vina muononoka.
28
Mo vamu tantekeyele ua yile ku mutamba ua haleya.
29
Kunima ua tuhukile kuthinangonga vedhile mu njivo ya Simoni na Anduleu va hituile na Tiango na Youano.
30
Mualolo vayinamueno ya Petulu va ndandale te vavala lithika-thika nthimbu oyo vene va lekele Yesu.
31
Ngocho uedhile, ua mutambuile mulivoko, ua muhinduile; lithika-thika lya mutundile, ua tamekele ku vavadhela.
32
Kuchinguedhi chije litangua te kanda litoke vanehele vaka kuvavala voshe nava va kele na vimpundhi vya kuvihya.
33
Limbo lyoshe vali kunguilile vavengi vakele.
34
Ua kanguithile vavengi va vavalele mavedhi aku litha-tha ua tundithile vimpundhi vya kuvihya, Vunoni katevethele vimpundhi vihandeka mukonda vya mudhivukile.
35
Yikeye ua katukile vuathi vutciki kuye akalombe.
36
Simoni navaye vakele nendi vamu thetelele.
37
Vamu ua nene voshe naku handeke nguavo, "Vantu voshe vali nakuku thetela."
38
Ua handekele nguendi, "Tuyeni kuako, kumembo aje adhengeleka limbo lyakama, linga njika vambuluile lalo. Mukonda vikevyo vyo njedhila.
39
Uahitile mu Ngalileya yoshe, uambuluile muye mu visinangonga vyavo na kusheka vimpundhi vya kuvihya.
40
Muka kuvavala kayekele uedhile kuli yikeye. Ua mu kandelelele; ua tcikamene naku handeka nguendi, "Nga u tava, nji tokethe."
41
Mukuvua ngodhi, Yesu ua mukambekele livoko lyendi na kumukuata, ua handekele nguendi, "Njina tava, jela."
42
Haye vene kayekele kamutundile naku jela.
43
Yesu ua mumamuine navu na kumu tuhula handja.
44
Ua mulekele nguendi, "Holoka keti ukalekeko naumo uahi, vuno yakaye, kaliyombolole ove vavenia kuva Sasendote, naku lihana ove vavenya kulitoketha ku mashiko a Mosesa, ngue vukaleho kuli vakevo."
45
Vuno uatuhukile ua tamekele kuambululula na ku shandola mudhimbu, noho Yesu kathele lalo kuvutuka linga akovele muimbo lyakama vuno uakele lika kumihela ya handja. Vantu va kutunda kuoshe vedhile kuli yendi.