¹ Vuno kunima jevi muene uahanguille veka makumi atanu navavali. keho ua vatumine vavali vavali kulutue lua chihanga chendi kumembo oshe nakumihela joshe kuje kuajonguele keja vavena. ² Keho ua valekele nguendi, ''Muvuchili vene mbuto jaini. Vunoni vakuakuhela vakevo vavandende, ngoco lombeni kuli muene ua mbuto, linga atume vakuakuhela mbuto jendi. ³ Jeni mukaje taleni ndjikumituma ngue vana vava mpanga hakati kaminguli. ⁴ Keti muambate nkombeja vimbongo, nambe mukopio. nambe vinkuaku naumo uahi muka mukandelele mungila. ⁵ Keho munkala njivo mukakovela ngothi ikale muimbo. ⁶ Keho nga munangothi muali ngothi jeni ikakala kuli ikeje. vunoni nga uahimo ihiluke ngothi ⁷ jeni.Keho kalekeni momundjivo ije vene, nakulia nakunua vije vioshe vakamihana. Muomu mukakupanga nandeku uana fueto jendi, keti muende kundjivo kundjivo. ⁸ Keho nkala limbo limukakovela, keho vamitambula lieni vije viva kamihana. ⁹ keho kanguitheni vakakuvavala valimo, nakuvambuluila ngueni, ''Vumuene vua Kalunga vunendja muhiehi neni. ¹⁰ Vunoni nkala limbo limukakovela, keho kava mitambula, tuhukeni kungila ola ojo vene, nakuhandeka ngueni, ¹¹ Nambundu jahembo lieni ina tukakatela kuviliato vietu, tumilalumuina jo. Vunoni thivukeni ngueni vumuene vua Kalunga vunendja muhiehi neni. ¹² ''Njikumileka nguange hali tangua olio limbo olio likamona kuviha kakama kutuvakana chije chaSondoma. ¹³ Chikele chove, Kolazine! Chikele chove Mbetesainda! Muomu nga vana valingile mutilena musindone vipupu via kama. Vivalingile mulieni, nga vanaluluka laja nakutumama navikeleja, namumuto. ¹⁴ Vunoni hakusompa eni mukamona kuviha kuakama, kutuvakana chije chatilena sindone. ¹⁵ Nove Kapenama mpamo vakakulemethela muilundi? Vakakutuala kuvukalo vuavatci. ¹⁶ Uoshe amitolilila andjitolilila jange, nou andjiviana jange, naviana uje uandjitumine. ¹⁷ Keho vaye makumi atanu na avali, vahilukile naku yolela, nguavo, muene nava ndemone vene vana tuononoka mulithina liove. ¹⁸ Keho ikeye uavalekele nguendi, ndjamuene satana akusuluka muilu nguehoni muhiato. ¹⁹ Taleni ndjina mihana mpoko yakuliatela manoka navijeue, nadhili yoshe yachitothi. Keho navimo viahi vikamilinga muakuviha, nahamo hahi. ²⁰ Nambe ngoco keti muyolele muomu vimbembethi vina miononoka. Vunoni yoleleni muomu vanasoneka mathina eni muilu. ²¹ kuola yiye vene ua viukililile mulisipilitu santu, ua handekele nguendi, ndjaku shangala tata. Muene uamuilu nahano hamavu. Muomu viuma evi uavi suekele kuva kama ngana, nava kuamana. Keho una viyombolola kutu keke omo vene tata. Muomu chavuaha ngechiye kumesho ove. ²² Viuma viye tata navi kundika kuli yange, keho naumo uahi athivuka yiya napu muana. Vunoni ishe lika, keho iya napu yishe, kuvanga muana lika, nouye yanayongola muana, kumuyombo luelavio. ²³ Keho uatengulukile kuli vandongesi vendi, uava lekele kuali kaliavo nguendi, kuvethuka mesho aye aku mona viye vimulinaku mona eni. ²⁴ Muomu ndjikumileka, nguange vapolofeto vavengi nathi miene vavengi vayonguele kumona evi vimuli nakumona yeni. Keho viye kava muene lumo, naku tolilila evi vimuli nakutolilila yeni. Keho kava vimuene lumo. ²⁵ Keho talen, umo mulongisi ua methi alisiko uakatuile nakumuloha, nguendi, mulongisi vika ndjika linga, keho ndjika suane muono kaue kuhua. ²⁶ Keho ua mulekele nguendi, vika vana soneka kumuthi alisiko, ueku atanda vati. ²⁷ Keho ikeye ua kuanyeneko nguendi, ukalema muene Kalunga kove nambunge yove yoshe, namuono uove uoshe, nandhili yove yoshe, namana ove oshe nakulema mukueni ngue oveyivene. ²⁸ Keho uamulekele nguendi una kuanya muamungulu, linga ngoco, kaha ukakala muachili. ²⁹ Vunoni ikeye uayonguele kuli thambuetha, uahandekele na Yesu nguendi, mukuetu iya. ³⁰ Yesu uakuanyeneko uahandekele nguendi muntu umo uatundile ku Jelusalema ua shelelele ku Jeliko, keho uali uanene navakuaku puanja, vamuthuluile vithala na kumuveta. ³¹ Keho ngue kuatuhukile Sasendote umo uashelelele mungila iye vene muamu muene ua muongolokele kusinya liye. ³² Keho lalo Kalevi umo muahetele kumuhela uye uamutalele. Keho uongolokele lalo. ³³ Vunoni umo muka Samalia, muendele vungedhi, uahetele haye hakele keho muamu muene uamuvuilile ngothi. ³⁴ Keho uamu shuenene uakutile kuvi mbandu viendi, naku hakako mathi, navinju. Keho ua muhakele hachimuna chendi vavena, uamu tualele kundjivo yava ngendhi, naku munyunga. ³⁵ Keho ua nonene vimbongo vivali viapalata, nguendi munyunge. Keho vioshe viukashandola, yange, omo ndjika hiluka lalo ndjakuku fueta vio. ³⁶ Una thinganyeka iya, hakati kava vatatu, uapuile mukuavo uauye ualiuanene navakuaku puandja. ³⁷ Keho ikeye uahandekele nguendi uye uamuvuilile ngothi, keho Jesu ua mulekele mguendi, yakaye ukalinge ngachiye vene. ³⁸ Vuno muva yile mungila yavo, ikeye uakovelele mulimbo limo, keho umo mukentu uakulu kamata uamutambuile mundjivo yendi. ³⁹ Naikeye uakele namu kuenje uendi uamuentu, lithina liendi Malia, ikeye uatumamene kuviliato viamuene nakutolilila lithi liendi. ⁴⁰ Vunoni matava ua mine mbunge yendi navipanga viavingi, keho uethile kuli ikeye na kuhandeka nguendi, muene kouemine mbunge omo mukuenje uange na ndjethela navipanga, ndjipanga lika liange, ngoco muleke andjikuathe. ⁴¹ Vunoni muene uakua nyeneko ua mulekele nguendi, mata, mata, uli nakuma mbunge naku lihonetha naviuma viavingi. ⁴² Vunoni chuma chimo lika chakama, muomu Malia nahangula, mutamba uavu chili uke uo naumo ahi aka mutundithako.