¹ Vamunaina, keti tuhone mu ku thselela muene uetu Yesu Kilistu, yakeye muene ua vumpahu , keti muthingimike mivila ya vantu. ² Muomu nga muna kovela musinangonga yeni mumala na thala vithalo via thenga , kamundchele ua thenga keho muka kovela lalo muhutu na vithalo via kuvihia. ³ Keho muthingimika ou na thala vithalo via thenga na ku kuania nendi ngueni "Tumama hano ha chili ," keho muka kuania na muhutu ngueni "yimana kuje" yindi "Tumama kundjongo ya chiliatelo change", ⁴ komua lihisile yeni vavenia? Komua puithile vakakuhitha vangathi va vinganieka via kuviha, ndi? ⁵ Tolilileni, vakuetu vanja yongola , Kalunga ka shovuele vahutu va hanthi vakale va kufuka na ku thselela na vakua ku hinga vumuene vuye kuli vaye va mu yongola, ndi? ⁶ Keho hani eni muna shaula vahutu! Vaka ku fuka keti ve ku miyandesa ndi? Na ku mi kokela kuvi ndthango ndi? ⁷ Keti vakevo vene veku shaula lithina lia kathingimiko liva na mi tumbula nalio,ndi? ⁸ Keho, nga, mu puithamo liji lia lishiko lia muene ngue kumasona ,nguuao "Yongola mukueni ngue yove va venia," u lingi mua chili. ⁹ Keho hani nga muthingimika mivila ya vantu, mulinga mulonga, muhia ku liji lia lishiko . Ngue vaka ku ku panga mulonga . ¹⁰ Muomu uoshe a shuama mashiko oshe , keho a shevukako limo yakeye nahi kuoshe. ¹¹ Muomu uye ua kuaniene , nguendi ,"Keti ulinge vukuithi," Ua kuaniene lalo nguendi ,"Keti uthsihe ." Nga kou lingi vukuithi vunoni nga uthsiha , una pu muka ku lemeka liji lia lishiko. ¹² Ngocho kuanieni, keho lingeni ngue vaje vava ka hitha na liji lia lishiko haku linga via yongola. ¹³ Chihitho ku chi ka kala na nkenda, vaje kova kele na nkenda ku vakuavo: Nkenda yohiela muntu ku chihitho. ¹⁴ Chikala vati, vamunanana, nga umo a kuania , nguendi ali na luthsilielo, keho vipanga kakele navio? Luthsilielo luje luatha ku muohiela, ndi? ¹⁵ Munanoko ua liala ndi ua mukentu nga ali mishenga-shenga keho via lia viahi li tangua lia ngongo. ¹⁶ Keho umo uaha kati keni a kuanie navo nguendi ,"Enda vuino, oteni, yikuteni," Ove ni kuvahana vina fuila ku muvila kuahi, lukulo muka? ¹⁷ Ngocho vene kuthselela, nga ko cha kele na vipanga, china thsi acho vavenia. ¹⁸ Nga umo aka kuania ,nguendi,"Ove uli na luthsilielo , ange njili na vipanga." Njilekese luthsilielo luove nga kulua kele na vipanga, keho nange njika ku lekesa lutshilielo luange na vipanga viange. ¹⁹ Ove ua thselela ngechije Kalunga yakeye umo lika, una lingi mua chili. Vandemone naua va thselela naku ngangama. ²⁰ Ove uyongola kuthivukitha, ove litha, kutshelela cha kujeneka vipanga cha ngocho? ²¹ Avilahama tate uetu keti yakeye ua thambuele na vipanga muje mua kombeleyele munendi Isake muyombo,ndi? ²² Una mono ngechije kuthselela cha pangele hamo na vipanga viendi, keho ku thselela chi yanguluka na vipanga. ²³ Masona apuilemo ,"Vilahama ua thselelele Kalunga, keho vamu tumbuile kavuthamba ua Njambi. ²⁴ Muna mono ngechije muntu a thambua na vipanga, keti muku thselela lika. ²⁵ Mungila oyo vene, chikuithi Lahave keti yakeye naua ua thambuele na vipanga ndi? muje mua shuekelae vangenthi, keho ua va tumine ku ngila yayo. ²⁶ Muomu ngue muvila nga ku ua kele na muono, una thsi, mukemo naku thselela nga ku cha kele na vipanga chi na thsi.