¹ Mumuaka uamu chivali ua Ndalinyu muene, mungonde yamu chitanu nayimo, mulitangua lya kulivanga lya mungonde, lijui lya Yehova lyedhile kulivoko lya Hangayi kapolofeto kuli nguvvulu ua Yunda, Zolombambele muna Saleteli ua lyala, na kuli kapolofeto ua kama Yehosua muna Yehozandake ua lyala, nguendi, ² "Yehova nguendi evi: Vyova kuanya vantu nguavo, 'Keti yikeyo ntcimbu yetu ya kuija ndi ya kutunga njivo ya Yehova.''' ³ Keho lijui lya Yehova lyedhile kulivoko lya kapolofeto Hangayi, ngualyo, ⁴ "Yino yikeyo ntcimbu yeni vavenya yakukala mu vinjivo vyeni vya kuhua, ntcimbu kanda eyi njovo nolo yidhimangane? ⁵ Ngechi vene Yehova nguendi evi: Talululeni dhingila dheni! ⁶ Muna kunu dhimbuto dhadhingi, Vuno munehamo vya vindende; Mulya vuno ku uanya kuahi; munua vuno kumue kukolua. Mudhala vidhala vuno kumuvu ntuima, mu uana fueto ya dhimbongo mueku vihaka mu vinjato vya kutuika! ⁷ Shukulu Kalunga nguendi evi: "Talululeni vingila vyeni! ⁸ Kandukeni ku mukinya, Neha mavaya, na kutunga njivo yange; keho njika yishangala, naku yivuahelela!-nguendi Yehova. ⁹ Muathetelele vya vingi, vuno tala! uanehele vya vindende kunjivo, yange nja vipekumuine! Mukonda vika?" nguendi Shukulu Yehova. "Mukonda nja yongola hoya yungulukila, ha ntcimbu oyo eni umo umo mushatukila kuvinjivo vyeni. ¹⁰ Mukonda yeni lilu livindika lime kuli yeni, na livu livindndika vushuka. ¹¹ Ange nja thanene lukukuta hantci naha mikinya, noku kulihuila na kuvinyu vya viha, naha madhi naha halenga livu, naha vantu naha tuthitu, naha halenga vipanga vya mavoko!" ¹² Keho Zelombambele muna Salateli ua lyala, na Yehosua sasendote ua kama muna Yehozandake, kumo na visupo vyoshe vya vantu, vetavele ku lijui lya Yehova Kalunga kavo na mutumu na vantu vakele na kuthingimka kumesho a Kalunga. ¹³ Keho Hangayi mutumua ua Kalunga, kuanya mudhimbu ua Kalunga kuvantu na kukuanya nguove, "Ange njili neni!-evi vikevyo vyana kuanya Kalunga!" ¹⁴ Keho Kalunga ua takamethele mpundhi ya nguvulu ua Yunda, Zelumbambele muna Salateli ua lyala, na mpundhi ya Sasendote ua kama Yehosua muna Yehozandake ua lyala, na vimpundhi vya visupo vantu vyoshe, linga vaye vakapange kunjivo ya Kalunga kavo. ¹⁵ Ku matangua amakumi avali-naa uana mungonde ya muchitanu nayimo, ku muaka ua muchivali ua Ndalinyu muene.