¹ Keho melu na hathi via huile, na vioshe via muono. ² Muli tangua lia muchitanu na avali Kalunga ua uanene kupanga vipanga viendi vioshe vina panga, keho ua huimine muli tangua lia muchitanu na avali kuvipanga viendi vioshe. ³ Kalunga ua vezikisile litangua lia muchitanu na avali na Yelesha, muomu muli likelio ua huimine kuvipanga viende vioshe vije viapangela muku panga chendi. ⁴ Ovio vikevio vushangumukilo vua melu na hanthsi, Omo ua pangele, mu;litangua olio Yehova Kalunga ua pangele melu na hanthi. ⁵ Kukuakele chihumbu camu muthenge te nolo chitumbuke, Muomu Yehova Kalunga kanokethele nyondhi hano hanthi. ⁶ Vunoni Fuka ya tutumukile hanthi hoshe na kutontuetha mavu oshe. ⁷ Yehova Kalunga ua mungile muntu mu mbundu ya livu, keho ua huiminine mu majulu endi muku ua muono, Keho uakele muka muono. ⁸ Yehova Kalunga ua tombekele lihia ku kuija kua litangua, mu Endene, keho uahakelemo muntu uje ua pangele. ⁹ kuli Yehova Kalunga uatumbuithile viti vioshe via cili mu kuvimona nou ua cili muku lia. Kuno muti ua muono uje uakele hakati ka liha, na muti ua ku dhivuka mana amangulu na mana aku viha. ¹⁰ Ndonga ya tundilile ku mu Endene muku mbalumuina mu liha. Keho kuje kuya kali tepelele yaka kele vindonga viuana. ¹¹ Lidhina liou uaku livanga ikeye Pison. Ikeyo yahitle ku livu lioshe lia Havila, kukeko kua kele olu. ¹² Olu ya livu lia cili. Na maue a kuavo a cili. ¹³ Lithina liou ua mucivali ngihone. Ikeyo yahitile kuli livu lioshe lia Kushe. ¹⁴ Lithina liou ua mucitatu tingili, nendi ua hitile kuvukilo vua Ashu. Nando ya muciuana ikeyo Yufelate. ¹⁵ Yehova Kalunga ua nonene mumala uje naku muhaka muliha lia Endene muku livuahetha naku liniunga. ¹⁶ Yehova Kalunga ua lekele muntu nguendi, '' Ku viti vioshe via muliha lia ngano. ¹⁷ Vuno honi ku citi ca mana amangulu na aku viha keti ukalieko, muomu litangua lia kulia ko cili vene akutsa. ¹⁸ Keho Yehova Kalunga ua handekele, '' Kuca uahele mumala kukala likaliendi. Njika mu pangela mukuavo uje namu vuahela.'' ¹⁹ Keho kulivu Kalunga ua pangele vioshe tuthitu va mumuthenge na tuthila va muilu. Keho ua vinehele ku muntu avi luke, muoshe muna fuila mathina avo. ²⁰ Muntu ua lukile mathina kututhitu voshe,naku tuthila voshe va muilu, amba na tuthitu voshe vamu muthenge. Vuno honi kumuntu endi vavenia kuva mu uanene mukuavo ua kumufuila. ²¹ Yehova Kalunga ua lahekele Andama mutulo tua kama. Keho mumala ua kothele. Yehova Kalunga ua tambuile impati yendi ya ku cimoshue na kufuika oho ha nonene mpati. ²² Na mpati ije ya nonene Kalunga ku mumala , ua pangele mukentu naku muneha ku mumala. ²³ Mumala ''nguendi, Ntsimbu ino, ou umo ua cithsiha ca vithsiha viange, na ntsitu ya ntsitu yange. Ikeye vatumbula 'Mukentu.' muomu vamu tambuile ku mumala.'' ²⁴ Ngoco vene mumala akatha Ishe na vayina, aka li vandakana na mukentu uendi, keho va kakala muvila umo lika . ²⁵ Keho voshe vakele mushenga shenga mumala na mukentu uendi, vunonikuva kele na ntsuama.