¹ Kalunga Tata ua lekele Mosesa," Tala, Njina kupuitha ngue U Kalunga kumesho a Falao. Alone mu kuluntu uove aka kala ka Polofeto uove. ² Uka handeka vioshe vinji ka kutuma uka vi handeka. Alone mukuluntu uove aka handeka na Falao linga ake cele vana va Isaleli vaka tunde mu cifuti cendi. ³ Vuno honi njika koletha mbunge ya Falao, amba njika panga vi muetho via vingi mu nzhili yange, vi komo ketha via vingi, Muimbo lia vaka Ingito. ⁴ Vuno honi Falao kaka ku tolilila, ngoco njika haka mavoko ange hali vaka Ingito naku tuhula mbunga yava mala vaka kulua, Vantu vange, vantu vamu Isaleli, Kuva tunditha mu Ingito muvi panga via kadhitiko ka kama. ⁵ Vaka Ingito vaka zhivuka nguavo ange nji Kalunga tata munji ko lola livoko liange hali Ingito naku tunditha vana va Isaleli mukati kavo." ⁶ Mosesa na Alone va pangele ngoco; Pangele ngue muzhevene mua va tumine Kalunga Tata. ⁷ Mosesa ua kele na miaka makumi atanu na atatu, na Alone ua kele na miaka makumi atanu na atatu na miaka itatu muva ka handekele na Falao. ⁸ Kalunga Tata ua handekele na Mosesa na laone, ⁹ "Omuo muaka handeka neni, " Pangeni cikomo uetho; Keho uka leka Alone, Tambula mpango linga umbile hanthi kumesho a Falao, linga lithindumuke Linoka.''' ¹⁰ Hakeho Mosesa na Alone va ile kuli Falao, vaka pange ngue mua va lekele Kalunga tata. Alone ua mbilile mpango yendi hanthi kumesho a Falao na vantu vendi ngoco ya himpukile linoka. ¹¹ Hakeho Falao ua thenene vaka mana navi mbando vendi. Vapangele vi komo ketha via kulitha kuhitila muma mbanda avo. ¹² Nkala umo uavo uo mbilile mpango yendi hanthili ngolo mpango yali thindumuka linoka. Hakeho honi mpango va Alone yamina mina manoka avo. ¹³ Mbunge ya Falao ya kolele. nguo kava tolilile, ngue vene muava lekele Kalunga Tata. ¹⁴ Kalunga Tata ua lekele Mosesa," Mbunge va Falao ya kala, amba yove viana kue cele vantu vange linga vaye, ¹⁵ Kayeni kuli Falao cimene muaya ku ndungo. Kemane kunshongo linga uka liuane nendi, Keho ka kuate muli voko liove mpango yizhe ya lithindumukile linoka. ¹⁶ Muleke nguove," kalunga tata, Kalunga uava Hevulu, Nanji tumu kuli ove nja kuku leka," Ecelo vantu vange linga vaye linga vaka nji pangele makati kami thenge. Noho hanthimbu ino kuua nji tolililile," ¹⁷ Kalunga tata na handeka evi; Mukonda lia evi uka njizhivuka nguove yange Kalunga tata njika pupa ha mema amu ndonga na mpango evi yili muli voko lia nge, Keho mema aka lithindumuka manina. ¹⁸ Vansi voshe vali mu ndonga va kathsa, na ndonga nayo yika nika. Vaka Ingito kuva katha kunua mema amu ndonga eyi. ¹⁹ Hakeho Kalunga tata ua handekele na Mosesa, " Leka Alone, "Tambula mpango yove keho uovole livoko liove kumema a vaka Ingito, Naku vindonga viavo, vishali, vindama, namu vindama via kufukila vansi, linga mema avo apue maninga panga evi linga mu Cifuti cavo mukale maninga halivu lioshe lia vaka Ingito, namu vitenga viavo via kuhaka mema amba mu mavue."' ²⁰ Mosesa na Alone va pangele ngue muzhe muava tumine Kalunga tata. Alone ua kakuile mpango amba ua ipupa ha mema amu ndonga, Mu mesho a Falao na vantu vendi. Mema oshe amu ndonga ali thindumukile maninga. ²¹ Vansi vamu ndonga vathsile, ndonga nayo ya valekele kunika. Vaka Ingito kuva thele kunua mema amu ndonga, Amba maninga aco akele mu Cifuti coshe cava ka Ingito. ²² Vuno honi vimbanda vamu Ingito vapangele vilinge via kufua ngoco nama mbanda avo hakeho mbunge ya Falao ya kolele, Keho ua via nene kutolilila Mosesa na Alone, ngue muzhe mua handekele Kalunga Tata nguendi," Muvi kapua. ²³ Hakeho Falao ua tengulukile ua ya muimbo liendi. Ka hakele mbunge yendi kuvi linge evi. ²⁴ Vaka Ingito voshe va hindile kushongo ya Ndonga va tundeko mema aku nua, Vuno honi kuva thele kunua mema amu ndonga ayo vavenia. ²⁵ Matangua atanu na avali ho kuna ya thindumuithile Kalunga Tata mema amu ndonga muku a Puitha maninga.