¹ Keho uka panga muyombo ua mavaya ua mavaya a muthu vikuvitu vitanu muvulahe na vikuvitu vi tanu mu vuihi. Muyombo upwa mumo ku mitamba yoshe yiwana na thikuvitu thi tatu mu vukahe. ² Keho uka panga vimbinga viauo ku vimbango viayo viuana mgue via hove. Vimbinga u ka vipanga mumo lika na muyambo, na ku vi fuika na nkegelezi. ³ U kapanga vitenga via ku muyombo: vindeho via ou ha ku ambatela lito liuo, navi hupulo, malonga akama na malovo avo a mbunda, namalonga ao a tuhia. una pande kuvipanga vitenga e vi na nkengelethi. ⁴ Keho uka upangela vuanda vua mase avuanda, vua nkengelethi: keho ku vuanda uka panga muntjele ua kumunye ua nkengelethi nkala ku vuanda mu vimbango via uo viuana. ⁵ Uka haka vuanda muinthi lia kuntjongo ya muyombo, mbaluvuila yimo kusheletha kuithi. ⁶ Uka panga mikambo ya ku muyombo, mikambo ya vipilangi, via citi ca Akasia, na ku vi fuika na nkengelethi. ⁷ Keho mikambo yauo vaka yi koveletha mu mundjele, mikambo yika kala kunchongo luali ya muyonbo, mu ku yambata. ⁸ Uka panga ua mpako, namatavua. Uka panga ngue mova naka kulekethele ku mukinya. ⁹ Keho uka panga citungu ca tavenekulu.Kunapande kuyendjelela ku vuihi vua citungu ca muyombo, kuyendjelela mikole ya yindende ya kuotha vikuvitu cihita muvulahe. ¹⁰ Na vingundhi viaco vikapua makumi avali, na manunga ayo makumi avali a nkengelezi. Kukale malavo ali ku vingundzi, na vikuatetho viayo via Palata. ¹¹ Una panga ngue muye vene ku vulahe vuamutambela ya citangu, ku kala vintanga via kukala via vikuvitu cihita na vingunthi viayo makumi avali na matangua ayo nkengelethi, malovo anakuata kungunthi, na vikuatetho via palata. ¹² Ku mutamba ua citungu ua ku vutokelo kukala ntanga ya makumi atanu vikuvitu mukulahe. Ku kala likumi lia vingunthi na likumi lia manunga. ¹³ Keho mu atungu ku mutambela ua vukilo vua litangua uka pua makumi atanu mu vulahe. ¹⁴ Ntanga ya ku mutamba yimo ya cikolo yipue makumi, atanu muvulahe. Ku ka kala vingunthi vitatu na manunga atatu. ¹⁵ Ku mutambela ukuavo ku ka kala vintanga via vikuvitu likumi na vitanu na vulaha. ku kakala vingunthi viayo viayo na manuga ayo atatu. ¹⁶ keho ku cikolo ca citungu ku ka kala ntanga ya vikuvitu makumi avali mu vulahe. Ntanga yi kala ya kufua lilu na pulupula, nevi vivenga ,na mukole ua kuontha vuino, vipanga via muka kutunga vuanda. ku kala vingunthi na manunga auana. ¹⁷ vingunthi vioshe via palata malovo a palata, Na manunga annkengelethi. ¹⁸ Vulahe vua citungu vu kala cihita ca vikuvitu mu vulahe, Mu vuithi vikuvitu makumi atanu, Na mu kutuntuka vi kuvitu vitanu na mukole ua kuontha muacili vili kuoshe, Na manunga a nkengelethi. ¹⁹ Vitenga vioshe viva pangetha mu tavenakulu, Na vioshe vimbohua via mbalaha ya tavenakulu, Na citungu vika pua via nkengelethi. ²⁰ Una pande kushika vana va Isaleli va nehe mathi olive, akulela, linga vi lambi vi tue ceke nthimbu yoshe. ²¹ Mu mbalaka ya ku kungulukila, hanja lia ntanga ya kufuika yili kulutue lua tavenekulu lua vukaleho, Alone na vana vendi vana pande ku vuahethako lambi yishuamene thimbu yoshe kumesho a Yehova, Kutameka ku cinguethi noho cimene. Vu kapua vutume vua yaye ku memo oshe a vana va Isaleli.