¹ Mukonda nji yongola nga chije muthivuke Ndzili yo nje kulua nayo kuli yeni, nava je vali kulaondisiya, na va voshe vaje kanda va mone chihanga change cha vuntu; ² Ngocho vimbunge vuavo va limbetheke, vali vandakana kumo muchilemo, na ku vufoko vuoshe vua ku thivuka chili, chili mana, linga vathivuke lihungu lia Kalunga likilio Kilishi; ³ Muli ikeye mua kala vufuko vuoshe vua ku shuka vua kuizhi vitha mana. ⁴ Ange nguange na umo uahi hakati keni vami kuithe na vinguli via vi shaki. ⁵ Vutuhu ange nji uahiko ku nthitu, nolo njili neni muSpilitu, na ku jolela na ku mona kushungama kuange, na kukoletha na ku thselela cheni muli Kilisitu. ⁶ Ngocho vene ngue momua tambuile Kilisitu Yesu muene, nga ngocho endeni muli ikeye. ⁷ Shokeni muzhi na ku litengitha muli ikeye. na kukotha mu ku thselela kueni ngue omo vana milongethele, kushumpoka na ku shangala. ⁸ Zhangamene ku teuetha umoami nyanguile kuli na mana endi ahathsi na ku kuitha chendi cha mupulungua, ngue ku yi kuzhi via vantu na mizhimbu ya ngolo via hantsi, vikevio keli via kilisitu; ⁹ Mukonda muli ikeye mua kala kushula chose chava kalinga na muvila ¹⁰ keti muli ikeye eni mna shulu, ikeye mutue uavu muene vuoshe; ¹¹ Muli ikeye lalo va milovue na kulovoka chije cha ja ko valuingile na mavoko, chekecho kuzhula muvila ua ntsilie, muku lovoka cha Kilisitu; ¹² Vana tu shitika hamo nendi muku mbuitika, mukemuo lalo vami hinduile hamo nendi ha ku thzela vipanga via Kalunga uje ua mu hinduile ku kuthsa. ¹³ Neni lalo, omo muapuile vaka kuthsa ha kuvihitha kueni na vulima vua kumuvila yeni, oumi puithile vaka muono mu vavoshe kuku vihita kuetu tuva voshe. ¹⁴ Omo ua zhimanganene mukanda uje mu va nathonena majui a lishiko a kutu vinduka na kutu zhikila ngila; nu tundi thaho, na u pangeya hachiti chaku livandekana. ¹⁵ Omo vina mulema vu muene na vukama, na vi hakele ha ntalela, keho mi kuvitu vakana mukanuo uavali jolile. ¹⁶ Ngocho vene na umo uahi ami hane mulonga omo via kulia, name omo via kunua, nambe ngonde ya ihia ndi nambe litangua lia ku huima. ¹⁷ Echi chanapu chivule cha vuima vije vikenja vunoni vi tumbula chili Kilisitu. ¹⁸ Na umo uahi anji nieke chilunguitho cheni muka lithingimika ngocho naku lemetha tungelo, vaku pangula yove kutunda ku ndando yove vantu va chifua ocho vaka kovelethele mu vuima vio va muene, mu ku lihanetha na vithinganieka via vuthitu. ¹⁹ Ikeye ka kakatelele ku mutue uje, ku ukuo muvila uoshe uli kulitha chije cha muli Kalunga muku likoletha na ku li vandekana na manunga na mithsipa vie ku kuatha muvila uoshe, kuli kulithe chino vana tu hanacho kuli Kalunga. ²⁰ Nga mua thsile muno na Kilisitu kuli vije via vantu vua hantsi, mukonda vika ngue vaka hanthsi, veku kala kala mu vuima lipokuetha kuvi zhila. ²¹ Nguavo, kati mukuateko, nambe ku muakelako, nambe kinikako munie? ²² (Voshe ovio vio mueku linga muka nanga navio ) ngue kuvizhila na ku longetha cha vantu? ²³ Ovio vili na chifua cha mana omo veku lemetha via ku vi yongola viavo, naku konkama na kuli yandetha ku muvila yave; vunoni ovio ko viethi na muilio mu ku vindika ma shungu a vu thitu.