¹ Paulu Kapositoli ua Kilisitu Yesu kuchiyongola cha Kalunga na Timoteo mukuetu. ² Kuli vaka kuzthela na vakuetu vakua chilimuli Kilisitu vali ku kusolose; kavumbu kuli eni nkeke via kutunda kuli Kalunga Tata yetu; ³ Tupandula kuli kalunga ishe ya muene uetu Yesu Kilisitu na kumi vundilila ntsimbu yoshe. ⁴ Omo tu movu ku thselela cheni muli Kilisitu Yesu na chiyongola chimuli nacho kuli voshe kuaku zthelela; ⁵ Omo kutatelela chiye chiva na muhakela muilu chikecho, chimuo vuila laya mulijui lia vucili vua vimpandevia chili. ⁶ Vikevuo vinetha kuli eno ngue vinahaeta lalo hoshe hano ha nthingi kuima vushuka na kulikuitha ngue vieka linga muli eni lalo kutunda kulitangua liye muavuile kehomuathivukile kavambi ka Kalunga mua vuchili ⁷ Ngue omo mua lilongetha Epapilase mukuetu ua chiyongola chetu uaku vupanga ikeye napu ngamba uachili ua Kilisitu ku lietu. ⁸ Ikeye lalo uati thimbuilile chiyongola cheni muli Sipilitu ⁹ Omo Eci vene etu lalo kutunda ku litangua liye tua chi vilile ka tualikelele kuvundila na ku mi tumbuila viyongo vuetu ngechiye mukashule na kuthivuka chiyongo che nimumana oshe na mana oshe a Sipilitu; ¹⁰ Muende ngue chapande kuli muene na kumuya ku mbunge mu vioshe viachili na kulikulitha muka thivuka Kalunga. ¹¹ nakulikdetha na ngolo yoshe ngue kuvu kama vua vumpahu vueni kulukakotela uoshe na nthili kuli Tata ikeye na ya ngothi hamo naku jola-joya; ¹² Nakupandula kuli Tata ikeye natu vuaheshela linga tutumbule ku vichili vu vakua kuzthela mu mutana. ¹³ Ikeye atu ohiela ku ngolo ya milima keho natu lundulula ku vu muene ua mona uye ua kuyongola chemi; ¹⁴ Muli Ikeye tulii na ku patuka chetu kuechela chavipi vietu. ¹⁵ ikeye chifua vene cha Kalunga uye keku ka tuhasa ku mona ikeye mbeli ua kutanga choshe; ¹⁶ Momu muli ikeye va Tangele vuima vioshe vili muilu na hano ha nthi vuima vuakumona na vuima viye kotuhatha ku mona chipue vusuana chipue vu muene chipue vumuata chipue vukama; vuima voshe vavi tangele hali ikeye, na kuli ikeye; ¹⁷ Keho ikeye ualivanga kulutue uva viuma vioshe keho muli ikeye vuima vioshe vi kala-kala; ¹⁸ Keho mapu mutue ua muvila uye ukeuo mbunga; Ikeye chisangukilo mona ua mbeli lua vange kuthemuka ku vithi linga muviu ma vioshe a kale na vukama. ¹⁹ Muomo chachiyongola ishe ngechiye muli ikeye kushula chose chi kakale; ²⁰ Keho hali ikeye ku hambesa vuima vioshe na ikeye ivene omo na liengisa ngothi ha maninga hachiti cheni hali ikeye nguange chipue viuma viaha thi chipue viuma via muilu, ²¹ Neni mua Puile laya va ngendsi na vilothi mu vithinga nieka vieni vipanga vietu via viakuviha; ²² Vunoni mualolo nami hamesa mu muvila ua thitu yemi ha kuthsa,ku mi kumiyombolola vakua kuzhela na kapenga kahi na ha vupayelo hahi kumesho endi. ²³ Ngamu kakatela muku thselela vakua ku tunga n akukolesa, keho nga ka mukutundako kuku kutatele chiye cha thimpande via chli thi mua viule likelio vakua mbuilile hoshe ha vanatanga vuima muintsi ya luli ku thiketho va na nji puithi ngamba ange Paulu;. ²⁴ Vuno nji vuahelela mutuyando tuange omo yeni keho nji puithamo viange viye via thaleleko ku tuyando tua kilisitu mu thitu yange omo muvila ueni, ukemo mbunga; ²⁵ Ku ikeye va njipuisile ngamba ngue kuku pangela ca Kalunga chi vanj hele omo yeni muku puisamo lijui lia Kalunga; ²⁶ Chikecho lilunguliye liova suekele miaka na miaka na kuvi kota; vunoni mualolo lia yomboloka kuli vakua kuthzela veni. ²⁷ Kuli vakevo cha lemene Kalunga ku kuyombolola vati vua lua vufuko vua vumpahu vua lihungu eli hakatikati vakua vifuti likelima pu Kilisitu muli eni kutate lela cha vumpahu; ²⁸ Kuli ituka thimbula naku munuama vantu voshe mu mana oshe linga tuyomboloke vantu voshe va ku tantuluka muli Kilisitu. ²⁹ Kuvekevio nange lalo nji fuitangana nji ku lua ngue omo ikeye anji pangesa na ikeye apanga muli ange na Thzili.