Thikurumingwa 2
1
Podiyo Yona gha rapererire kwaNyambi wendi oku ye ne mudira dyo thi ghadi.
2
Yona gha ghambire eshi, ''Na raperire kwaNyambi yo kuhamena kumaghukukutu ghange no gha ni hutherire; kutunderera mudira dyoditunga dyawafu nethire kumaghamweno ghoye! Wa yuvire diywi dyange.
3
Wa ni vukumene mughudhungi, mumutjima ghodikuruviya, no meyu ghani dhingumwetwedhire; mangumbi ghoye ghapitire pawiru dhange.
4
Na ghambire eshi, 'Ghuna ni shwayitha kumeho ghoye; ene shime karo mbo na ka kenga kutembeli ghoye ghokupongoka.'
5
Meyu ghani dhingumwetwedhire kate kuthingo thange; meyu ghomundhi ghani dhingumwetedhire; rumviyu rwa kudhingire kumutwi wange.
6
Na ghurumukire kumathina ghomarundu; kaye ka karire yira notwa dha kushana kuniyandhera kuroruheya. Ene wanighamwenine ghunishwayithe kudyango dyawafu, Nyambi wange!
7
Opa wa pwererire muthimu wange, yowe na ghayarire Nyambi; no ndapero dhange dheyire kukoye, kutembeli dhoye dhokupongoka.
8
Hanu kukarera hanyambi ghokupira mudyo pakukunyatha we wa kukara ghutawedhi kukwagho.
9
Ene ame ne, nanyi na kutape ndupu kukoye no diywi dyokutapa ndangi; nanyi na kukumithemo yi na kwedhere. Maghamweno ne kwaNyambi gha tunda!''
10
Podiyo Nyambi gha ghambire kudithi, no dyakaruthere Yona pandundu.